@正常係Thread淨係講加密貨幣，不過依單嘢太「出埃及記」

🐣寒食節🇨🇳內地遊，後續延伸到🇭🇰🐴香港賽馬會奇遇記。

話說每一次出行，都會孭住呢一個背囊🎒（貪佢容量夠大，又係黑色，整污糟都唔覺）。

上兩個星期嘅復活節 🐣 (內地嘅寒食節），全家🏠上咗山西同河南省行咗一圈。 响鄭州撞到個🇭🇰香港人，一見我個背囊就問：「喂，你點解有個🐎馬會背囊？」

我話我係會員囉。 佢即時話自己係馬主，仲拍心口話返到香港山光道會所食飯吹水，佢嘅。

我心諗：飯都要食嘅，雖然免費午餐🥣最昂貴（結果當然都係以賴嘢收場）。

返到「傷肛」，小弟book咗枱，約好山光道見。 食飯🥣期間佢不斷講自己隻馬有幾勁💪。

到埋單嗰刻，戲肉嚟啦——佢突然面有難色：「呀…我埋唔到單喎。」。 我呆咗😅兩秒，跟住即刻😂忍笑忍到內傷。 大佬，你約局嗰時話山光道冇問題，我仲以為你真係馬主，原來係「團體馬」！

其實我從來冇諗過要佢請，不嬲都當敬老（雖然佢可能細過我）。 我個一刻真係黑人問號.jpg——你埋唔到單就早講啦。

學啲單身中女👩老友話齋，去到咁嘅年紀，仲有人同你做friend，一係就貪你啲錢💰，一係就想搞你唔比錢🤌。

唔怪得近年網絡咁多「團體馬馬主」同「The Racing Club會員」嘅on9奇遇故仔聽。 原來全部都係真人真事，仲要陸續有嚟呀老友。