大埔宏福苑大火獨立委員會於今（15日）進入第12日，庭上披露多段令人震撼的999求助錄音。證人名單包括消防處副消防總長黃思律、警方傷亡查詢中心主管曾淑賢及災難遇害者辨認組主管鄭嘉俊。今日聆訊的焦點集中於火警發生時，警方報案中心與消防通訊中心之間的轉駁機制出現嚴重延誤與人為失誤，導致有求助者在絕望中未能獲得及時救援。
【居民被困廁喪命，警方接線生5問需否消防員救走】
會上播放了一段最受關注的錄音，涉及宏昌閣17樓一名女住戶。該名女士在下午3時6分致電999，語氣慌張地表示家中有大煙由門口湧入，自己正躲在廁所內無法逃生。錄音顯示，接線警員並未第一時間按指引將電話轉駁至消防處，而是多次重複詢問需否消防帶走。
儘管女住戶多次強調「我依家喺廁所，出唔到去，太多煙喇」、「門口太多煙黑晒睇唔到」，該名接線警員卻在電話中質疑：「點解出唔到嚟廁所？你喺廁所咋嘛？」此言一出，聽證會公眾轉播室內傳來陣陣嘆氣聲。接線警員最終僅以一句「你有需要再打嚟啦」便結束通話，全程約1分23秒。代表委員會的資深大律師杜淦堃隨後在庭上披露，該名求助者最終不幸罹難，未能獲救。
女：喂，宏昌閣好大煙呀，由我門口走入嚟⋯火燭
警：消防到場灌救緊㗎啦，你有無即時危險，需唔需要消防帶你走？
女：我依家喺廁所，出唔到去，太多煙
警：咁你需唔需要消防帶你走？應該一樓燒著棚架
女：棚架燒著呀一樓⋯我唔知呀，啱啱瞓醒覺，好多煙
警：你淨係答我，你需唔需要駁去消防？搵消防帶你走？
女：我依家喺廁所呀，好多煙攻入
警：你淨係答我，需唔需要消防帶你走？
女：我出唔到嚟
警：點解出唔到嚟廁所？你喺廁所咋嘛？
女：我門口太多煙黑晒睇唔到
警：你住幾多樓？
女：我住 17 樓
警：17樓咁你需唔需要消防過嚟呀？
女：佢依家係咪救緊咩？
警：係呀，佢救緊啦
女：哦，咁我閂晒啲窗，我而家喺廁所
警：你有需要再打嚟啦
女： 好，唔該
警： 拜拜
【轉駁機制現樽頸 求助人被迫重複資料】
消防處副消防總長黃思律在作供時承認，該名接線生的處理手法並不恰當，認為應直接轉駁至消防。他指出，求助者往往難以自行判斷處境是否危險，接線生不應浪費時間與其討論火勢或危險程度。根據現行指引，警方接獲火警求助後應立即實行「三方通話」接駁消防。然而，當日多宗個案顯示，求助者需先向警方交代位置及姓名，接通消防後竟要再次重複相同資料。杜淦堃形容，錄音中有一名外傭為家中98歲婆婆求助時，等候轉駁消防的時間長達1分32秒，更有極端個案等候了15分鐘才接通，期間線路曾中斷。
人地都講左
起廁所
出面好大煙
巳經講左原因走不到
都可以問需唔需要消防協助你走
個接線生咁低能
有沒分昕能力？
讀書多都沒用
如果理解同分昕能力都沒
簡直計時炸彈
隨時害死人
還要浪費時間
問咁多野
係咪有乜接線指引？個接線生成個AI咁嘅？一定要講到關鍵詞先至得？個接線生係人嚟㗎呵？
比着而家佢聽到屋企人打個咁嘅電話嚟，佢會咁咩？人哋都係人哋屋企人嚟
一個字，廢
好想問下個接線生係咪覺得個呀婆係喺廁所屙屎唔出先打999搵人傾計？
問乜野使唔使消防幫手？唔通佢覺得個呀婆會答: 唔使呀 我自己行落樓啦
離撚晒譜！
該名接線人，唔識變通。
淨係停左係自己想法，要對方答yes OR no, 事主已經太驚，個腦process 唔到，接線人需要俾些少情緒價值，先有可能做到更多有意義既野。
我試過打 999其它緊急事件求救，居然糸錄音話線路繁忙時要稍後。打得三條9就梗係緊急救命啦。垃圾政府，檢討下啦！
痴線 打得來梗係有需要 想被救走啦 係咪基本都要傳遞邊個單位俾消防 ，評估現場情況呀
係咪d 玩野電話接太多
香港嘅人、香港教養出嚟嘅人、政府單位嘅人咁樣如此態度為人，處事做嘢方式唔出奇，多的很！
我唔明，一定要求救者自己講出要消防嗎？冇講但派左消防接線嗰個係咪會被人追究所以搞到咁？
係咪好似銀行嗰啲、去晒大6接線生？或者AI? 完全唔係解決問題、只係耍走人、真係大鑊‼️❗️
唉！人禍人禍人禍！遇到這個接線生原本有命，最後都會無命！火災都仲要人再打999！😡😡😡
睇完E段對話，我想起angel 放假，你班真係9 唔答8的工作人員，唔明你份工究竟點樣搵到？🫣
接聽求救電話有三樣重點
求位置
安撫情緒
應急既建議
三樣都做唔到，咁個電話有咩用⋯
唔知道大家記唔記得大陸大學生頭痛，打電話叫救傷車跟住死咗個事件呢 超級似
佢都話大多煙走唔出廁所
穩陣d搵消防啦
而唔係一定要當時人答到你要找消防
接線生害死人啦，生死關頭竟然要求助者自行判斷情況，仲要就咁收人線
睇到新聞內容->駁左去消防都仲要報多次名同位置😵💫
佢係老人家，係遇困災民，依個唔係考試close end question
Call警察,之後飛虎隊到咗,用雷明登M870爆門