【4月16日 晴天 第十三場紀錄】
朝早有幾位居民作供，李先生一家六口，呢場火帶走咗媽媽、哥哥、15個月大嘅侄女欣欣同工人姐姐，只係得返佢、爸爸同大嫂。當日佢一直由4點到夜晚9點同哥哥保持聯絡，最後一次視像畫面只能夠親眼睇住哥哥瞓低。屋企人一直覺得工程有問題，同宏業反映打風之後棚網融爛同工人食煙問題。李先生話呢份憤怒、不甘心，唔係代表自己，係代表屋企人，佢哋永遠講唔到嘅說話...現場大家聽到喊哂，主席都眼紅紅..相信好多人都睇過欣欣媽媽當日用冷靜嘅聲線話欣欣你叻叻..媽媽叔叔都係度啊。今日聽返成件事，諗返起呢個畫面，心痛到窒息，連旁觀者都咁難受，更何況係當事人...
另一位居民馮先生痛失媽媽，佢話自己經常行樓梯，但就成日見到好多建築材料擺喺度阻住，防煙門又唔閂，同管理處反映好多次都無人跟進。戴先生就話現任法團主席徐滿柑，上任前係威係勢，又成立監察組，但上任兩星期就變面，唔再聽居民意見，佢一早提醒唔應該繼續搵宏業做工程，棚網爛..工人食煙..發泡膠易燃都一早有人投訴，就係無人理..cls連居民發現有問題想自救都無人理，乜野法團主席？代表工程公司定代表居民？到底搞清楚自己身份未？
朝早有幾位居民作供，李先生一家六口，呢場火帶走咗媽媽、哥哥、15個月大嘅侄女欣欣同工人姐姐，只係得返佢、爸爸同大嫂。當日佢一直由4點到夜晚9點同哥哥保持聯絡，最後一次視像畫面只能夠親眼睇住哥哥瞓低。屋企人一直覺得工程有問題，同宏業反映打風之後棚網融爛同工人食煙問題。李先生話呢份憤怒、不甘心，唔係代表自己，係代表屋企人，佢哋永遠講唔到嘅說話...現場大家聽到喊哂，主席都眼紅紅..相信好多人都睇過欣欣媽媽當日用冷靜嘅聲線話欣欣你叻叻..媽媽叔叔都係度啊。今日聽返成件事，諗返起呢個畫面，心痛到窒息，連旁觀者都咁難受，更何況係當事人...
另一位居民馮先生痛失媽媽，佢話自己經常行樓梯，但就成日見到好多建築材料擺喺度阻住，防煙門又唔閂，同管理處反映好多次都無人跟進。戴先生就話現任法團主席徐滿柑，上任前係威係勢，又成立監察組，但上任兩星期就變面，唔再聽居民意見，佢一早提醒唔應該繼續搵宏業做工程，棚網爛..工人食煙..發泡膠易燃都一早有人投訴，就係無人理..cls連居民發現有問題想自救都無人理，乜野法團主席？代表工程公司定代表居民？到底搞清楚自己身份未？