📌 上一代女人係點捱
共 51 條紀錄
上一代女人係點捱
個個都要生仔
生完仔重要番工
打份牛工番屋企
重要洗衫煮飯做家務
睇實個仔讀書做功課
絕對係最辛苦一代
以前啲工
大部分都係散工，農民工
甚至自給自足，飲食要去水井打水 ，食飯要去米鋪拎糧票排隊逗米
工廠多左之後，頂籠都係做6個幾鐘野 中午食飯就12-2
唔通好似宜家甘啊，坐低飲啖水都話你懶懶閒，去廁所去多十分鐘又話你蛇皇，慘過做雞呀
老豆老母要返工，細露邊個湊？長兄為父，邊個大家姐大佬就邊個湊細露，個個都係pua 大
一定會俾大果個分擔下，老逗老母先可以做自己野，大果個一懶，即刻藤條fit埋黎
香港女人很挨得，返完工作OT完就要去打理家務，湊小孩，温習測驗考試都係女的負責主理，真的會瘋了，根本沒時間去感受一下自己的内在須要及興趣發展，起碼要到挨到仔女出來工作了，才能停下辛勞，但係那時候已人老珠黄了，人生最美好的時光已錯過了，遺憾一大堆，心理生理問題隨時湧上心頭！
我講下我呀媽，
我媽無返工，我兩姊妹日日放學後/返學前去補習社做功課，溫書，預習 。佢唔洗睇我地讀書同功課，又唔洗返工，好彩嘅係佢鍾意同唔介意煮飯，佢唔會賭錢同打牌😊
因為更多case係啲呀媽掉細路去補習班，甚至補習班都無得去，唔理細路，自己日日去豪賭 。😊✌🏻
大把師奶走去打牌唔煮飯啦，嗰陣時啲師奶仲打到凌晨，以前啲靚仔全部都係留喺屋企又或者自己落街玩，邊有話唔俾細路留喺屋企，晾衫架晾衫棍打到仆街
依家郁啲就報警，又話唔好獨留兒童在家16歲都仲係兒童
輸麻雀就打仔
老公包二奶又打仔
大把老豆老母唔理仔女….
係而家d人美化左80-90s
諗下以前d 公園幾多邨童唔番屋企，又吸毒打交跟大佬…
我家母記係呢種女人，唔會要求自己女同新抱好似佢咁辛苦，非常支持女人出去工作但搵外援幫手做家務清潔或送仔女外出補習或搵人教，因為阿媽而家回望返都話好辛苦好辛苦好辛苦。
真，再上一代女人更加唔知點捱
個個都生十個八個
生完女又要生仔
生完又未必養得大
返幾份工返到冇時間返屋企訓
細路有書讀已經唔再理功課
可惜已經聽唔到佢地話自己辛苦。
唔係喎，上一代好多生完就唔使出去做野少左職場壓力，我反而覺得我地呢一代d女人攰d喎！
而家d功課難好多，而家社會對細路仔冇咁有同理心，壓力大好多囉
利申：全職媽媽
上一代大部分係1955 - 1975
大部份人都係新移民
嚟到香港都係捱騾仔
反而再老一輩就家庭主婦多
上一年 如果係講緊而家6、70歲嘅人
佢哋好多都係老公搵錢 老婆做家庭主婦
小朋友學業自己攪掂 就算唔識嘅都唔會有人教
叻嘅咪讀到大學 唔叻嘅好多中三、中五畢業就出嚟做野
作為housewife性質黎講，只要唔洗返工，乜野都可以求其就搞掂，個標準冇返工咁harsh
當時d細路都係捱下就自己大，養唔死就得，邊有宜家咁高標準咁protective
如果盡責嘅話係嘅
細個隔離鄰居成日打牌
佢個女同我同年
成日敲門問我阿媽拎野食 話好肚餓
我9估佢童年應該唔多開心
依家大左好少返黎探父母
果啲女人就算唔結婚唔生仔女係自己屋企都係捱窮。所以出去求其搵個人結婚好似完滿咗自己人生。呢啲唔算捱，係自願。 因為同層啲人都係咁～
仲要以前普遍係男人返工，返到嚟就乜都唔理，仲會大聲指責老婆做得唔好，大陸都仲係咁。。。。一諗到呢到。。。。結婚嚟做乜。。。。
你講嘅唔係上一代人，而係一個經濟階層嘅人，你講嗰種人呢代都有，至少我唔認識人母父係咁樣，通常都係翻文職、有工人、有補習班
我都諗緊我媽以前點解可以又番工又ot又煮飯又無工人， 夜晚仲要對我d功課…. While 我所謂同輩都係有左小朋友之後最少請一個工人
上一代大把全職媽媽
上一代大把人能獨留兒童在家
上一代小朋友細細個就自己返學放學
上一代小朋友跟大人時間表生存
我想講，依家你賺埋錢，比佢留嚮屋企。
照顧小朋友/執屋/煮飯。
佢做到一樣，又佢冇屌尻你，你都要偷笑。唉.
以前生得多，但有普遍有同理心，
成堆細路自己去玩，隔籬左右又會幫手照應吓。
呢家全部淨係自己理自己
我老母有段時間冇做嘢
晏晝就去打麻雀
接完我哋放學就再去打過
打到6點返屋企煮飯
跟功課主要靠把口
依家啲外國女人都係咁，佢哋仲要做埋司機送返學，因為外國交通唔便利、又無工人，真正強者嚟
我家姐係交比我嫲湊
我係公公婆婆湊
因為媽咪18歲已經生2個，唔識湊
爸爸開舖，媽媽幫手睇舖
好細個就覺得產假咁少要大住肚返工好痴線
雖然全球嚟講唔算好差 但都係接受唔到
被大環境拖着走，逼着走.適應咗之後，變成好麻木同日常. 不過佢哋仍然好有愛
我媽嗰代係家庭主婦，我呢代就有返工但有工人處理家務。我覺得我媽辛苦d
因為冇咁多娛樂，所以就冇咁多social media上比較， 心定d,也願意過普通生活
因為上一代冇電話，冇對比，全部街坊放到係個緊咁嘅生活。
Not agree 呢一代女人都係好辛苦好難，要返工同湊仔都係好辛苦
我依家都係架 個老公同個仔2個腦旬都未生埋咁 仲有2隻貓貓
然後呢一代既男人想搵個勤力又傳統既女人，但就想AA制🤗
識好多上一代女人其實係全職主婦嚟，冇依家呢代咁chur