乜原來港式番茄炒蛋係唔落薑？我阿媽土生土長香港人一路都落，仲要落埋蔥、蒜頭，就算我講咗好多次唔鍾意，佢都係照落，所以我唔鍾意食屋企嘅番茄炒蛋。
每個人個煮法都唔同
公公煮有薑，預先煎好蛋切好再煮汁
婆婆煮無薑，落超多糖
阿媽煮好汁至倒雞蛋落去炒
鐘意點煮都ok，最重要係岩口味
番茄炒蛋都有分港唔港式？應該係各適其適，任你隨意發揮，每一家都有唔同。
見到有個post係教人煮港式番茄炒蛋，佢有落薑，之後一堆人話港式唔應該落薑。
番茄濕比涼更多
涼都仲可以中和吓
濕係中和唔到 所以如果怕 跟本唔應該食番茄
做乜最近成日有人討論呢樣野？好食咪得囉！😂 跟著又有人拗落唔落茄汁呀咁。其實香港菜真係又中又西，有人落有人唔落又各有原因。都係果句，好食就得啦。都冇話點係正中
因為有人出咗條片教人煮港式番茄炒蛋，嗰個人有落薑，然後一堆人走出黎話港式唔會落薑。
落薑我估其實係傳統上認為番茄是「涼」或者「腥」嘅關係。
蕃茄炒蛋呢樣餸係每家都唔同煮法嘅，冇標準嘅。
通常都係自己亞媽煮嗰個係最好食嘅，咁當然都有例外嘅😂
每家習慣唔同。
我媽炒蕃茄時會落薑，佢話有時蕃茄有啲草腥味喎，但佢炒到中途就夾起啲薑，之後先落蛋。
但我因為將蛋炒到六七成熟再夾起之後再炒蕃茄，我就係薑起鑊爆透咗夾起啲薑先炒蛋。
但蒜頭蔥我哋都唔落。
我家人煮蕃茄炒蛋，無落薑嘅習慣，所以，我都唔落薑。
路過香港人。我媽教嘅版本係落薑同蒜頭起鑊，最後煮好喺上碟前落蔥段。
未聽過番茄炒蛋有港式唔港式
老一輩中意落薑葱蒜勁重口味
我中意加茄汁胡椒粉
我真係由細到大都好鍾意食番茄炒蛋
但無論媽咪 老豆 夫家所有傳承都冇人係落薑
連台灣人煮都未見過落薑
我自己炒，從來唔落薑蒜喎。
只有番茄，茄汁，意粉汁，黑椒，同羅漢果糖。再唔係加d檸檬汁或者蘋果醋唧。
我屋企落薑蒜唔落葱 因為屋企人們麻麻地葱
家庭菜式各家有各法，唔洗咁認真
今日先睇到有個嫁咗強國人嘅YouTuber (好似美國人）有講話點樣煮蕃茄炒蛋可以激起各地網民大戰，個個都話自己個方法正宗。所以我覺得自己覺得好食咪得囉，唔使理咁多
點為之港式？我爸媽50/60年代香港出世土生土長，都冇落薑蒜，我自己80後睇食譜見到有教人落蒜，我覺得個味道啱我所以我之後自己煮都有加蒜。其實煮食都係睇個人口味去煮
炒蕃茄會落薑 + 蒜頭 鹽 蕃茄會出味d嘅 另加片糖 個味又再出d
最後加茄汁 個色會深d
第一次聽落薑....
不過每家唔同啦
我媽係乜都鐘意葱蒜，外母個邊就乜都落薑
唔好咩餸都落薑，會破壞咗啲味道／蒸游水魚從來都唔好落薑