今日睇到篇文章講細個童年陰影會影響深遠
唔知大家細個讀書時最深刻嘅童年陰影係乜嘢？
我先：幼稚園老師話切咗我隻耳仔叫媽咪返去煲湯(因為我無記性)
我之後驚到唔敢返學，一返學就喊😭
三十幾年後我都仲記得呢一件事
細個時，教琴老師有躁狂症，佢成日教教下琴走出去打自己個仔。同埋每次去學完琴，都會捉住我阿媽傾偈，同我阿媽講：「小孩子是要打的！」之後搞到我阿媽喺落緊樓搭𨋢嘅時候已經開始打我。
切耳仔，仲要煲左湯⋯⋯好恐怖的老師。
我好記得幼稚園時開生日會，老師唔俾我貼隻紅雞蛋。記到依家，都仲記得個位老師姓麥，同係花師奶咁嘅造型但係戴眼鏡。
幼稚園老師話再講野就縫條拉連落我地把咀
但我記得係覺得佢好搞笑
咁你好彩啦，個老師用搞笑方式講出嚟，如果唔係就好似我咁有童年陰影
幼稚園嗰陣有次懶，死都唔肯做功課，當時照顧我嘅親戚由我就咁返學，返到學校俾老師夾住啲冇做到嘅功課喺件衫前後，再企喺走廊罰企，個個經過嘅大人都指指點點
從此，小學中學都唔敢刻意唔交功課（唔記得除外）
講真，我真係好唔認同老師用呢一個方法令小孩記住d事情！係，係會記得，但好有陰影！
我屋企有3兄弟姊妹
我排最細☺️香港出世，三歲之前係大陸俾啲親戚當公主咁，三歲返到香港我阿媽同我講輪住過生日
即係今年慶祝咗家姐下年就慶祝哥哥再下年先到我，但其實每一年都冇記得過我生日🎂（佢會記得我家姐哥哥）
所以到而家大個咗，有冇特別慶祝生日都好，但我都會一定買一個生日蛋糕俾自己☺️
雖然曾經有失望過，大個自己有能力比自己快樂更開心❤️
記得細個讀小學嗰陣，有次老師唔知因咩事罰全班企，企企吓，前面嗰個女同學突然話急尿想去廁所，點知個Miss唔俾，然後我睇住嗰啲尿慢慢喺條褲嗰度滲出嚟，結果賴到一地都係！個女仔塊面紅晒，真係尷尬到不得了！
嗰個係我好朋友嚟，我當時真係好嬲，點解啲老師可以咁仆街！發生係今日嘅話，我一定叫身邊啲大人告到你仆街！
測驗低分 老竇老母攞我最鍾意既模型出嚟 用鎚仔喺我面前dup爛個模型
而家等緊佢哋臨死前同佢哋講返 我冇原諒過佢哋
🫂 明白被人整爛最心愛東西嘅感受
以前父母冇咁多資訊，以為打細路就會令到小孩記得或者進步，其實真係錯㗎！不過已經咁多年，相信父母現在都唔會再好似以前咁嫁啦🫂
高敏小孩，幼稚園嗰陣成日喊，學校老師竟然困我入黑房（雜物房），簡直虐兒！自此就好怕黑，密室恐懼症