📌 今朝返到去發現我放係
共 64 條紀錄
今朝返到去發現我放係枱頭嘅chiikawa筆唔見咗
然後枱面本簿仲有啲比人畫過試筆嘅痕跡
咁我就問我同事有冇見過
搵完一朝都唔見有 我直接係公司gp問
然後我阿姐就話：
呢度啲人係咁冇手尾架啦
都係一枝筆啫 比返枝你囉
admin阿姐仲走嚟串我問我洗唔洗報警啊
🤡
究竟有冇人明我唔係care啲小錢
係明明屬於我嘅野點解會比人攞咗
枝筆係舊同事送的 陪咗我好耐
早排仲打算冇墨嘅話買芯換🥲
最新update: 我放咗工走咗之後 突然間admin阿姐又話搵得返我枝筆🤩
我之前返工都遇過類似既事…
本身我地team喺A房，有日無啦啦話要同B team既同事調房(?????)
咁岩要調房果日我同另一位同事請左假無返工，其他同事就幫我地搬埋d野過另一間房
第二日返去，發現間房有阿強都算🌚我同另一位無返既同事都唔見左野..
佢唔見左個cushion，我唔見左隻杯
問阿姐/同房同事都話唔知呀無見到…
跟住個同事提到個cushion係佢老婆送，好希望搵返，到放工前無耐，阿姐話搵返個cushion（無透露邊度搵到），我隻杯繼續失蹤🌚🌚
（估計係同team同事幫手執野去新房時執漏左，某d人「以為d野無人要」所以拎左🌚?然後個cushion太大舊比較難隱藏，所以肯拎返出黎?)
diu我隻伊藤潤二杯咁就無左….🌚
我仲神奇，檯面放好多公仔，有日返到去有樽飲剩1啖嘅檸檬茶樽掉喺度，有幾個公仔移過位，有隻整爛咗！我同上司講！佢話:人哋部門借你個位拍宣傳片！唔覺意唧！我報HR查真兇！市場部阿頭求其寫張紙話下次會小心啲！我將檯面所有公仔立即拎晒返屋企！文具鎖入櫃桶（全部私伙）檯面除咗電話+電腦，全部乜都冇🤣
我都試過呀，基本上我枱上只有私家靚筆，一般都唔會有人拎走，點知有一天發現其中一枝唔見咗，搵咗好多張枱,問咗好多人都搵唔到，有天唔死心再揾，有人問我係咪好貴，我話唔係，不過係老闆個老闆送既，再搵唔到我就同佢講，叫佢送另一枝俾我，兩天後，枝筆靜靜地出現番係張無人坐既枱面上🤣🤣
有啲人係咁pk! 我做過一間公司，個pantry 係嗰個department 共用，前一晚收工我放左隻snow peak 嘅杯喺pantry 唔記得洗，第二朝返到位發現無左隻杯，行去pantry 唔見，搵埋垃圾桶都唔見！喺垃圾桶搵到我自己入茶葉嘅茶包！同上司、同事講都無人理，無人打算要處理有人偷杯呢件事！
我都試過，不過唔係啲特色嘅筆唔見
只係工作上好需要用到20蚊個啲刷得甩筆
借完俾個經理之後扮無事，仲唱我話筆一枝都要咁計較
6萬幾蚊人工貪我一枝20蚊既筆🙂↔️
我連放枝假筆響度裝飾，綁撚住
都有人會想拎去用，攪到枱頭d野亂晒
就算我放兩枝平價野響度預俾人拎去用
佢都係要攪我綁住個枝假筆
根本就係見到靚野想偷
冇諗過筆都偷…😔
我枱頭已經係得 筆 有線耳機同水樽三樣野係自己
我昨天剛發現我的筆在公司近入口位置的雜物堆內，平日我都沒有用這支筆，我猜是有人順手拿去寫 又忘了還回來。摸上手黏黏、劃花了的唯有掉了它 😑
老實，文具放公司枱面轉個頭就無咗，唔好話收工返黎無咗，可能出去放個飯返黎都會無咗，一定要收入櫃桶。
你可以放啲爛筆晌枱面，一樣有人拎。
出黎社會會見識到好多奇人，例如偷筆嘅賤人、倒茶葉渣係洗手盤嘅卜街，柯尿係廁所板嘅粉腸、勁咳又唔帶口罩嘅杏家橙⋯不能盡錄 。
貼名，有時係可能攞去第到用放低咗。 俾人攞又好，自己唔小心又好，最少其他人無得話唔知邊個還唔番
試過 不過唔係筆 係一張卡片(離職同事嘅名)
懷疑啊姐唔鍾意個離職同事到連佢張卡片都要清除埋眼中釘
我以前份工所有文具都係擺櫃桶兼寫名，收工就鎖🤡，雖然唔係私伙嘢，但之前成日唔見好L煩
呢啲咪仆街賊仔
借完人哋啲嘢又唔還返
不過可能你阿姐覺得你小題大做
下次將啲筆收好佢

我一枝6蚊既黑筆都打電話追返個同事
不問自取視為賊也，價值唔係重點，佢地冇家教姐。
越返得耐工就越發現職場上有好多唔係正常人、連待人接物嘅基本禮貌都冇嘅仆街
我好好彩返咁耐先遇到啲唔正常嘅🥲
之前幾份工啲同事都好好人…
同我一樣，上一間啲人cheap到暈，毫無質素可言，最慘最cheap往往係冇文化沃門人管理層，仲要搞小圈子，要啲冇乜嘢外勞加入佢小圈子。
公司野先好留喺枱
私伙野我每次都收櫃桶或帶走
除左文具，唇膏同hand cream都係😥
Admin呀姐都開到口唔係唔報呀？一枝筆都係個人財產
不問自取是為賊也
偷就係偷
我答佢好啊咁你幫我報
佢即刻淆底去聽電話🤡
我就唔信公司咁多筆 咁啱借咗我個枝
我個位隔離就係文具櫃🙂
除咗手腳唔乾淨之外，我某啲同事仲會整爛人哋啲野唔出聲，夠膽做唔夠膽認🙂
學下我 張枱同櫃貼住
擅自打開／擅用者
男既禿頭不舉
女既成面斑加狂出皺紋
再有下次唔好出聲直接報警
發一次癲短期內應該冇人敢蝦你
之後盡可能轉工啦
我試過有人未經我許何被郁過亂曬，我話要報警， d唔見左嘅野就自然走返出黎
問得你個的人唔明. 即係我成日叫同事用完放番係原位下次唔使搵. 無人理之嘛
借問一句如果真係要報警
係咪就咁打電話就得
使唔使叫保安部報？
重要既貴既野，我從來都唔帶返工。因為真係太多賤精偷走你d野。
支筆係我私人財產，唔係公司提供嘅，我私人野唔見左有權報警！
咁我仲要係度做😂你覺得我報警搞大件事有咩好處？就算我報左警你覺得警察上到嚟會唔會真係幫我搵定係屌鳩我浪費警力
拎番佢枱面d嘢，講番佢講過嘅嘢gut番佢
以其人之道 還治其人之身
Chiikawa 筆據我所知唔平😭
但係Chiikawa嘅世界就係現實世界嘅縮影
總有啲人覺得唔值錢就冇問題，最多俾返錢你。。。唉。。。。
呢d慣犯，要買個有鎖既箱lock住，同部電腦要經常更換密碼
答番 admin 阿姐，支筆成 3000 蚊 ga....梗係要報警 la