📌 今朝返到去發現我放係
共 51 條紀錄
今朝返到去發現我放係枱頭嘅chiikawa筆唔見咗
然後枱面本簿仲有啲比人畫過試筆嘅痕跡
咁我就問我同事有冇見過
搵完一朝都唔見有 我直接係公司gp問
然後我阿姐就話：
呢度啲人係咁冇手尾架啦
都係一枝筆啫 比返枝你囉
admin阿姐仲走嚟串我問我洗唔洗報警啊
🤡
究竟有冇人明我唔係care啲小錢
係明明屬於我嘅野點解會比人攞咗
枝筆係舊同事送的 陪咗我好耐
早排仲打算冇墨嘅話買芯換🥲
最新update: 我放咗工走咗之後 突然間admin阿姐又話搵得返我枝筆🤩
Admin呀姐都開到口唔係唔報呀？一枝筆都係個人財產
不問自取是為賊也
偷就係偷
越返得耐工就越發現職場上有好多唔係正常人、連待人接物嘅基本禮貌都冇嘅仆街
我都試過，不過唔係啲特色嘅筆唔見
只係工作上好需要用到20蚊個啲刷得甩筆
借完俾個經理之後扮無事，仲唱我話筆一枝都要咁計較
6萬幾蚊人工貪我一枝20蚊既筆🙂↔️
老實，文具放公司枱面轉個頭就無咗，唔好話收工返黎無咗，可能出去放個飯返黎都會無咗，一定要收入櫃桶。
你可以放啲爛筆晌枱面，一樣有人拎。
支筆係我私人財產，唔係公司提供嘅，我私人野唔見左有權報警！
我一枝6蚊既黑筆都打電話追返個同事
不問自取視為賊也，價值唔係重點，佢地冇家教姐。
我都試過呀，基本上我枱上只有私家靚筆，一般都唔會有人拎走，點知有一天發現其中一枝唔見咗，搵咗好多張枱,問咗好多人都搵唔到，有天唔死心再揾，有人問我係咪好貴，我話唔係，不過係老闆個老闆送既，再搵唔到我就同佢講，叫佢送另一枝俾我，兩天後，枝筆靜靜地出現番係張無人坐既枱面上🤣🤣
出黎社會會見識到好多奇人，例如偷筆嘅賤人、倒茶葉渣係洗手盤嘅卜街，柯尿係廁所板嘅粉腸、勁咳又唔帶口罩嘅杏家橙⋯不能盡錄 。
再有下次唔好出聲直接報警
發一次癲短期內應該冇人敢蝦你
之後盡可能轉工啦
重要既貴既野，我從來都唔帶返工。因為真係太多賤精偷走你d野。
我之前返工都遇過類似既事…
本身我地team喺A房，有日無啦啦話要同B team既同事調房(?????)
咁岩要調房果日我同另一位同事請左假無返工，其他同事就幫我地搬埋d野過另一間房
第二日返去，發現間房有阿強都算🌚我同另一位無返既同事都唔見左野..
佢唔見左個cushion，我唔見左隻杯
問阿姐/同房同事都話唔知呀無見到…
跟住個同事提到個cushion係佢老婆送，好希望搵返，到放工前無耐，阿姐話搵返個cushion（無透露邊度搵到），我隻杯繼續失蹤🌚🌚
（估計係同team同事幫手執野去新房時執漏左，某d人「以為d野無人要」所以拎左🌚?然後個cushion太大舊比較難隱藏，所以肯拎返出黎?)
diu我隻伊藤潤二杯咁就無左….🌚
有啲人係咁pk! 我做過一間公司，個pantry 係嗰個department 共用，前一晚收工我放左隻snow peak 嘅杯喺pantry 唔記得洗，第二朝返到位發現無左隻杯，行去pantry 唔見，搵埋垃圾桶都唔見！喺垃圾桶搵到我自己入茶葉嘅茶包！同上司、同事講都無人理，無人打算要處理有人偷杯呢件事！
我連放枝假筆響度裝飾，綁撚住
都有人會想拎去用，攪到枱頭d野亂晒
就算我放兩枝平價野響度預俾人拎去用
佢都係要攪我綁住個枝假筆
根本就係見到靚野想偷
公司野先好留喺枱
私伙野我每次都收櫃桶或帶走
除左文具，唇膏同hand cream都係😥
學下我 張枱同櫃貼住
擅自打開／擅用者
男既禿頭不舉
女既成面斑加狂出皺紋
我試過有人未經我許何被郁過亂曬，我話要報警， d唔見左嘅野就自然走返出黎
問得你個的人唔明. 即係我成日叫同事用完放番係原位下次唔使搵. 無人理之嘛
拎番佢枱面d嘢，講番佢講過嘅嘢gut番佢
以其人之道 還治其人之身
除咗手腳唔乾淨之外，我某啲同事仲會整爛人哋啲野唔出聲，夠膽做唔夠膽認🙂
總有啲人覺得唔值錢就冇問題，最多俾返錢你。。。唉。。。。
Chiikawa 筆據我所知唔平😭
但係Chiikawa嘅世界就係現實世界嘅縮影
我以前份工所有文具都係擺櫃桶兼寫名，收工就鎖🤡，雖然唔係私伙嘢，但之前成日唔見好L煩
借問一句如果真係要報警
係咪就咁打電話就得
使唔使叫保安部報？
試過 不過唔係筆 係一張卡片(離職同事嘅名)
懷疑啊姐唔鍾意個離職同事到連佢張卡片都要清除埋眼中釘
貼名，有時係可能攞去第到用放低咗。 俾人攞又好，自己唔小心又好，最少其他人無得話唔知邊個還唔番