以前細個唔識嘢，父母嗌交 , 我會嗌埋一份，通常係幫媽鬧爸，有時係佢兩個都鬧。但當自己變左大人之後，就好驚佢地嗌交。因為曾經有個老師話過老人家唔激得，聽嘅時候唔理解，但後來嫲嫲同細姨媽都係因為同人嗌交之後大病死左，搞到我開始驚父母會有一日因為嗌交而出事。
您地話，喺佢地就快開戰之前，我應該要講啲咩嚟阻止佢地 ？ 近呢幾年我係唔敢出聲，邊個都唔敢幫口，每次聽到媽咪投訴老豆，都會覺得自己處於驚恐症狀態，真係好想有高人賜教，點樣可以提防罵戰。🤕🤕🤕
首先你係咪一個可以好冷靜嘅人？你頭腦係咪好清醒？
如果你可以做到好好嘅精神狀態，你先至同佢哋講：冷靜冷靜，咩事嘈啊，講嚟聽吓？
如果你自己都好驚，咁就離開現場啦，因為你唔會幫到佢哋，仲會拖累埋自己。
thanks! 我係好完美地遺傳左父母嘅壞脾氣嘅人嚟。😂😂
咁你唔好火上加油啦，佢哋鬧交你就落街行個圈吧啦。
其實你應該兩個都不要幫，保持沉默就可以了，因為你不能揀父母，佢哋要鬧由他們吧！
如果他們鬧鬧下，又動手動腳，你要報警才可以制止到，千萬不要自己走出去，到時會打埋你 及 閙埋你
會結婚係你父母的選擇，而選擇鬧交 唔離婚搞到家嘈屋閉，都是你父母的選擇，記得「牛唔飲水，唔撳得牛頭低」 ，佢哋選擇互相傷害過日子，你又可以點呢？！
建議你適當時候 消失，最好有能力自己搬出去住，咁就清淨曬，每個人都要為自己言行負責的，你有親人因為嗌交而死，點解會將自己放在這些咁激動的位置呢？ 點解唔可以避開這些令自己激動的人事物，如果你再處理落去，下一個會到自己出問題
如果你想處理問題，要在父母單獨又情緒平穩時，迫他們去做選擇，如離婚/分開住/搵社工或NGO去調解 做婚後輔導