📌 你係香港做過啲咩瘋狂
共 56 條紀錄
考左急救牌無耐，親眼目擊嚴重意外🥲
每個人都閃開九丈遠之際，我膽粗粗第一時間去為亞姨急救止血…
無耐出血量太大，我已經盡力地為亞姨止血，最後用盡哂一整包抹手紙… 等到救護車來。
很抱歉，最後都係救唔返🥲
係甘嘅情況你中願意企出黎真係好西利
希望你吾好自責，你已經做得好好
不過吾建議用紙巾或者其他人提到個d咩m巾止血，如果個傷者身上有外套可以用（都可以用自己嘅，不過會連人帶嬲一齊被救護送走）
我都記得呢單新聞 嗰陣覺得死神來了嘅感覺 但多謝你嘗試喺死神手入邊搶返佢 你個勇敢已經足夠死者安息 因為你唔會預計之後仲會唔會繼續跌鐵
請不要自責，你當時已經盡咗力，你能力範圍內可以做到嘅都做咗啦。如果發現自己身體不妥，或者發惡夢之類，記得唔好收埋自己，一定要搵人傾。
其實你好勇 謝謝你肯幫手。事實上，哩d case 唔係普通急救做到d咩 重點係第一時間 call ambulance 清楚講明狀況 留定房 照嘢 同 手術，未必救得翻，因為嚴重腦傷。
睇左D
個阿姨個頭蓋骨已經被擊穿。角鐵深入腦部組織。腦部組織受到大面積破壞。
點救呀！要神黎打救才有辦法
所以你已經盡力了。加油
識急救，肯幫手，已經好好。我處理過唔小交通意外，永遠有一班唔識嘅塘邊鶴喺度話：扶佢起身啦打地氣⋯⋯有時真係好無奈
呢單真係到依家都好記得，因為由細到大同媽媽去果頭買餸🥲🥲🥲多謝你當年幫手，雖然阿姨最後都走左，但起碼有人努力過
你已經做得好好，你好勇敢！
意外並不是你嘅責任，但你可以幫傷者喺意外之後得到照顧已經係好緊要嘅事
你已經做得好好，希望事件冇令你出現ptsd🙏咁嘅情況其實係搶救唔係急救，冇專業工具嘅醫護人員都的確未必搞得掂！
講真俾我都冇咁嘅膽去救，樓主好叻盡量去救。起碼可以喺傷者仲有知覺之際安撫一下傷者已經係功德無量。
當時我嘗試叫亞姨，但佢明顯無知覺…
傷勢太嚴重，我雙手專注止血，已經騰唔出手去處理呼吸脈搏🥲
其實認真即使即刻送院醫護都未必可以幫到很多，所以我覺得你願意為個少少可能性出力已經係聖人之舉了
鐵枝...銅皮鐵骨都無命... 辛苦你啦，自己盡左力就足夠❤️❤️，唔需要內疚自責。🥲🥲🥹🥹🫂🫂
我都試過同一樣狀況，盡咗力，佢唔會怪你
雖然我依家都仲覺得好多地方我可以做好啲
其實好矛盾，覺得自己可以做得更好…
但做得再再好，都唔會想同類型事件再發生
急救技巧，望都望用唔著
😮💨
你好勇敢，做得好好👍🏻
但應該好多普通人都會怕見血，仲要插中個頭，真係太不幸
你已經比好多人好勇敢😭吾好怪責自己，阿姨一定有一刻好多謝有你陪佢係身邊
呢單新聞真係歷歷在目，其實咁樣嘅意外都無乜可能救到，你盡咗力啦😔
你已經盡咗力同做得好好，做人無愧於心便足夠，願您一生平安好運🙏🙏
你已經很有勇氣很厲害了，不要覺得抱歉🫂這種悲劇普通人真的無能為力
你好勇敢，即使有牌都好，唔係個個敢上前，唔係個個都敢幫手🫂🫂
你已經好叻架啦，我因為公司需要都有考急救牌但都未必夠膽行上前
香港高空工程都幾多意外，真係唔知邊班人做嘅呢，唔好話我歧視
辛苦你，你好勇敢，亦都盡咗力了🙏🏻
希望姨姨一路走好🙏🏻
請問當時有冇戴手套口罩之類PPE? 如果隨身冇呢類裝備可以點？
同樣試過同一地點同一時間三個Case,真係第一次,成個人會Hand機!
你好勇敢，希望你唔會因為咁樣有陰影🙏🏻你已經做得好好
啲人行開晒好正常，肯定畫面好震撼
多謝你應用你既知識🥹
冇考牌但識急救，見到有意外或有人需要幫，可吾可以幫？
「無考急救牌，但識急救」
我會咁去理解… 所謂「識」，係上網自學，認為自己識？
一日未考獲過急救證書，我都唔鼓勵話自己識，因為未經過官方機構承認。
我係有考獲急救牌，但而家已經過期（有效期得三年）
不過touch wood遇上大型意外，我都係會根據已有知識，係安全情況下替傷者做初步處理；
大前提，係唔好令情況變得更壞，同埋盡力為傷者爭取更多時間，等救護車來到。
師兄,我係同行救護,有時救唔到人係會真係好無奈好自責!
救護人員都好值得尊敬，第一身前線係最多機會見到極端意外… 經歷更多無可挽救情況。
最慘係生命係自己面前消失，覺得自己總係做得未夠好，未能及時提高傷者存活率… 無力感會好重。
有時候覺得自己情緒好低落,好唔開心會反問自入隊的初衷係乜嘢,因為着得起套制服就要對得起套制服,傷者及家屬及隊員,因為自己係兩位任職消防總隊目及隊目的哥哥身上比別更加學更多嘢!
這個情況，就算隔離係急症室，都未必救到。盡力就好。
如果出好多血 不妨試下有冇衛生巾 止血最快 好過用紙巾
如果再選擇多次，我都一樣會即時上前。
尤其事後再發生宏福苑事件…
更加深深體會到，如果是但某一方行多步、做多啲啲… 後果有機會可以差好遠。