📌 係以前，只要你讀完中
共 57 條紀錄
係以前，只要你讀完中七，會比人放入陪審員條list，即係有機會會抽中你。
當年法庭審案，仲要係全英文。
即係當時嘅社會，一個人認為中學預科畢業，就掌握到完整嘅英文聆聽同理解能力。
當年大叔考AL時，淘汰率大概係85%，即係得中一入去讀書，最後得15%可以讀到預科，大學入學率再低啲。
咁我覺得到今日，條線應該無乜變，即係top15%嘅人，讀完DSE應該有足夠英文聆聽同理解能力。
順手問埋，而家咩學歷先會比人踢去做陪審員？
唔好睇學歷，睇數字
從來社會精英都只係最頂尖嗰10-20%嘅人，唔好講大學，以前讀到高中，都已經係這個層次嘅人，相等於今天DSE嘅尖子，我深信絕對有能力做到你所講嘅嘢，甚至更好。
所以原則上所謂學歷貶值，並唔係因為大學學位唔值錢，而係你要證明自己係最頂尖嗰10-20%嘅難度高咗，你唔單止要入到大學，甚至你要讀得好好，懂得經營你嘅大學生活。
所以之後d人會讀MPhil同PhD證明自己係最top果10%
我u grad收到信, 封信唔係話我抽中, 而係話我入pool, 原來香港人中七畢業(唔記得學歷要求)已經自動入pool做陪審團, 但因為要讀大學, 所以政府exempt左我3年, 去到u grad後先再入返pool (封信真係咁解釋)。
我反而有興趣知去左留學嘅人, 咁政府最多知佢地已18歲, 但未必知有冇中七學歷, 更唔會知有冇3-4年讀緊大學, 咁佢地係18-22歲呢段時間咪有機會收到抽中嘅信囉?
與學歴無關，全日制學生豁免，因此往往大學後先收信入pool
任何具備下列條件的香港居民，均有資格出任陪審員：
年滿21歲但未滿65歲；
精神健全而並無任何使其不能出任陪審員的情況如聽覺或視覺的損傷等；
品格良好，及
熟悉聆訊時所採用的語言— 即中文或英文（視乎個別情況而定）
https://www.judiciary.hk/zh/jury/jury.html#4
20年前一U grad就收信，幾年後抽中左，去到法庭大約有三四十人再抽5個，點知從來無抽獎運嘅我又抽中，真係要做陪審員，全程廣東話，三日搞掂，係有車馬費俾返你。同期有另一單當時轟動嘅案件審左超過一個月，陪審員收到5位數津貼而且終生免疫，正常我呢啲就好似係10年免疫唔會再被抽中。
83年夜校中七畢業都收過3次信, 第一次去咗抽唔中 (當日至少有六個案要審都抽唔中）,第二次因為懷孕推遲, 生完即刻出信再去, 抽中咗, 但用咗半日就完結。跟住第三次又收到信, 但嗰日去到冇案件審,不用抽,直到現在,還有三年65歲先甩到身。
？如果刑事案件，假設犯人and/or受害人係講”punti” （本地→以前法庭係咁叫 instead of “Cantonese” )
應該有即時法庭翻譯？所以ok ？
（最早見過真trial 已經係1990s, 唔知以前）
Sorry, 我唔知好唔好彩，我只係會考5科合格，真係收過 陪嬸團 候選人信。不過收信還收信，從未叫過我去。
有可能我讀過 VTC 夜校，叫做中五以上 😅😅 ，所以掉我入名單。
🪔🤣🤔😂💃🤭💃🏼💃🏼我啊爸讀完中七攞埋獎學金入大學，但大學畢唔到業……💥✨👍🏻🤣🙂↔️😂💃💃🏼🎉三十年都未收到依封信
而家所有人都要考DSE，讀完不代表任何能力
以前做過律師intern 上過court 抄下note
部份老一派律師啲英文都有少少難聽
話說而家上庭唔洗英文架喇？
無大學畢業4十幾歲收到信，另外高才通親戚，個女係一年都黎唔到香港十日，大陸做野大陸大學畢業，今年2月都收到信，佢，佢老豆收左信問我咩
收過4次信，入選過一次，審咗三日個犯突然認罪。完
BTW上個月去遴選，發覺的候選陪審團平均年齡高咗好多，望落去嗰個都似50歲以上。
其實我有少少唔明，轉制 dse 嗰時啲人話一試定生死壓力會好大，咁係唔係讀五年考完一個再死讀兩年再考多個會好啲？
入左pool, 有一次直頭叫我去high court 報到
但我人已經唔喺香港，我寄埋信我喺外國生活緊，唔該踢埋我出pool
我08年IVE畢業，早幾年都收過信話入左pool。有次收到傳票叫我去高院，但去之前果日上網check左話唔駛去
我part time degree畢業都俾人揀過入pool做陪審員，不過當時正值Covid爆發，我在隔離營當值，所以唔洗我做
大專就有了
BTW 蔡天鳳果期收到信被通知抽中🤯🤯🤯 果時驚左勁耐會被傳召 到而家都未被傳召😬
而家可能讀完大學啲英文都唔掂
我試過in接線生既工
考我英文國語
我講完都想揾窿捐
佢竟然請我
收到過信，叫埋我去法庭
我去到法庭然後法庭門口貼左通知有一邊律師反對然後直接解散陪審團
收過4次傳票, 去到都抽唔中. 唔中就會隔一排先會再叫你. 最近1次係高院販毒案, 犯人係個女人.
10幾年前已經要大學生
收過信要去法院報到
但個時疫情，唔記得抽唔中定唔開庭，就唔駛我去
其實就算當年，好多陪審員都根本聽唔明英文審訊
https://youtu.be/jWsd3qtmnrs?si=Urvuo6BctDwmOCYN
大學生，成十年前收到一次on list, 之後無再收過，家陣一街大學生，有排都未排到我🤣
我都唔明，香港人，3年幼稚園，6年小學，6年中學，學左15年英文有d人仲係一pad屎咁。
👍🏻🌄😏🤭💃🏼💃你梗係未見過人，睇文字，啲字識飛識跳舞呢！🪔😂💃🏼🤭😏
題外話，你講起d字識飛，廿幾年前我阿嫲個賓妹，有日有人打比佢叫佢抄低個電話號碼，佢自己寫完之後唔識睇自己d字，2，3，5完全分唔到，佢問我老豆識唔識睇先好笑，大佬自己都唔識睇，其他人又點會識睇
08年AL，non local u，早幾年收到信抽中
我老母見到法院寄信俾我嚇到以為我瀨咗國安
我同事在公司升職後就突然就收信，佢只得中五。職位頂薪由33k轉42k後就收到。
讀緊書嘅人係唔使做，而家多咗人讀大學，所以就會讀完大學先收到
Grad左無幾耐收到信入pool,之後就無下文
不過我半年前搬左屋要點通知佢？
中學無畢業，早幾年都入咗pool
利申：武肺前有進修Pro. Dip.唔知關唔關事
法庭有翻譯嘅，所以唔係全程英文，當然雙方律師同法官都係講英文
由此至終都無收過信係可以check到究竟係無被列入定係純粹收唔到？
有冇人知轉左地址會點？
會唔會sync 左稅單？
如果唔係收唔到信喎
實務上淨係會問本地大學拎該年大學畢業生名單放入陪審團入面
無响香港讀大學, 從來冇收過。我估入唔到佢哋個list, 唔恨做。
當年法庭寄信黎
我老母以為我犯法好緊張咁打黎
話比法庭拉
大專畢業後嗰年已經即係收到，點解有啲會隔咁多年後咁耐
我想做都冇機會，因為我係法例列明豁免嘅其中一類人。
從未收過信，一直都想試下做，但如果全英文就搞唔掂...
我無u grad 但我響陪審員list，今年40幾，早兩年收到信
1980年 A level Use of English 合格翌年收到通知信入咗list.
我老婆中學畢業都比人放入陪審員list 學歴係冇關係
90後 中七學歷 有收過類似嘅信 但無下文 應該抽唔中