做男人做到我咁真係0尊嚴

今年45歲，同太太結左婚15年，兩人住，無孩，養左隻狗，慶幸自己創業，做物流，年收入都有500萬，月月比10萬老婆，自置物業，供斷左，生活0負擔，係屋企我無話事權，發言權，一講錯野，太太情緒極大，試過出手打我，用粗口鬧我，自問咁多年，我無還過手，無粗口對待過佢，自問不煙不酒無夜生活，無朋友，日日收工準時返屋企，我想努力落去，但我好辛苦，亦唔識點溝通，點表達自己感受，怕一講錯野又惡性循環

其實我太太都好好的，唔鐘意名牌，唔大洗，但係情緒上，上落好大，可能佢本身有焦慮症，睇緊心理醫生，食緊藥，但我照顧得佢太辛苦了，養隻狗都希望佢情緒會緩解到

又講下我自己問題，其實我自己唔係太識比情緒價值太太，我本人生活比較刻板，共情能力好弱，因為呢個問題挑起佢情緒好多次，類似亞氏保加症，但我有時都控制唔到我自己，可能太太一次又一次因為我呢類問題挑起佢情緒，佢希望我改變到，我都睇過醫生食過藥，但情況時好時壞，我對自己都好沮喪

師兄………我客觀咁講啦，你話想努力落去，但唔識點溝通、怕講錯又惡性循環。

呢個好正常，因為過去嘅模式已經形成。

你一個人好難打破循環，我好L強烈建議你唔好再自己一個人頂，立即尋求專業人士幫助……

依啲你就上網睇下相關機構，對你，對佢，對隻狗都係最好方法。

如果你太太暫時唔肯一齊去，你自己都可以先去個別輔導，學習點樣設定界線(你好需要)、表達自己，而唔會觸發大爆發。

點溝通，你試下講[我感覺]方法俾佢聽，試下喺大家都平靜嘅時候講。

千期唔好講：
你成日打我、鬧我，好過分！（呢句容易好引戰反效果）

講：[我感覺好辛苦同無尊嚴，因為我好想我哋可以平心靜氣傾下心事。

我好愛呢個家，但而家我真係頂唔住……我希望我哋可以一齊搵方法改善。]

如果怕面對面講錯，可以先寫訊息或信畀佢，畀佢有時間消化。

同時你都要為自己留少少空間，搵返啲朋友、興趣、運動，唔好將所有精力都放喺屋企，否則好容易崩潰。

最後一句啦…努力係好，但尊嚴同心理健康都重要。

15年都無仔女，經濟上你完全有能力，如果輔導都試過、界線都設過，太太仍然無改變，你都有權選擇保護自己(依啲野，我癈事提咁清楚)。

我完全明白你感受，因為我先生都係咁對我。20年來，佢有嚴重精神/情緒問題，有抑鬱加燥狂，亦有嚴重強迫症，睇過醫生，不過佢自己自行食吓停吓藥，但係咁樣先令病情更加嚴重。我少少錯或者一句說錯，佢會發癲狂鬧；如果我病，即使只係感冒，佢會埋怨我鬧我唔檢點，唔保護自己，為屋企人健康帶來風險，唔好講話佢會否關心或者照顧返我；就如我唔開心會喊，都會觸動令佢情緒發作，鬧我唔能夠帶歡樂俾佢⋯對孩子一樣差，佢好醒，唔郁手，吵吵鬧鬧去折磨我同孩子。孩子自細亦討厭佢、怕佢。中學階段，孩子因為反叛期，磨擦更多，到後來孩子曾經要求我快啲離婚，然後帶佢走，我同孩子都覺得好灰😔😢。幾乎每日，我都問自己到底做錯乜嘢，為咗令孩子有個所謂「健全」嘅家，我忍咗18年，諗住等孩子18歲就走，離婚嘅念頭幾乎每日都有。直至2年前，佢患癌3期😔，仲要係幾嚴重⋯孩子今年18歲了，有日問我，「媽，係咪走？又話等我18歲就走？」⋯問心，我唔忍心😔，我做唔到，始終係親人，亦都係病人，我已經走唔到，即使咁多年來，我冇一日係開心咁過⋯生活充滿無力感😢

找人幫忙，找人傾，如果唔考慮離開太太的話，你辛苦了

1：一個家，唔係公司，比錢唔係大曬，一個家仲有好多金錢量度唔到嘅事同付出。你一開局講嘢就比人咁嘅feel，家同公司差唔多，唔係出錢果個可以大聲d咩？家嘅核心係人，人嘅價值唔係由貨幣決定。不過如果你信奉呢種觀念，下面d字你可以全部唔洗睇。

2：做個唔煙唔酒唔蒲，顧家，無豬朋狗友，識反屋企嘅人，唔代表你係咩人中龍鳳，呢d係老公（老婆都係）嘅基、本、責、任。你覺得你已經係好好先生做得好好，但係你有坐低真誠咁問太太佢覺得你作為老公做成點，唔係你覺得，係佢覺得。（男人女人都好容易覺得已經自己好好，人性嚟）

3：男人女人都好唔會無原無故情緒起伏大。你自己都講左，可能太太情緒上需要價值同幫助，但係你比唔到，你亦都無提到你有改變或改善提供情緒呢件事上嘅意願。

4：清官難審家庭事，講到尾，係你仲想唔想同佢過，要唔要呢頭家。要，就要付出同行動，就放低姿態好好講通，唔識溝通就搵專業人士幫手。唔要，就好嚟好去，和平分手，比足饍養費，我唔信你老婆咁多年係無付出嘅，係你依家講到佢無付出咁。

果D話 唔信樓主可以咁忍、或者覺得沒可能的。 我可以話你知、其實好多！ 你地重點只係落咗個男人年薪度、但有冇唸過呢D男人係 冇自理能力？ 譬如連理財 都唔L識？ 個老婆自己搵番嚟、 可能冇老婆 佢冇今日去安心搵500w工。如果佢唔係咁kam、 淨識得忍、 亦可能專注唔到係工作上的成就？ 有D人就係甘單一、得一樣唔得一樣、全能的都可能係表面？ 點解我咁清楚？我自己老豆就係咁的人、我老母道理邏輯黑白可以全部 錯曬、我老豆 寧願犧牲我、叫我指鹿為馬、 都要遷就個癲X 老母！！ 係真有此類男人🙄！ 而且我父母大半生都叫撈得好👍彩、依家係晚年唔憂、仲養上下夾埋4代人。 係可能最衰 有我呢個PK 頂心杉！揭穿佢地😓 因我頂唔L順佢地點解仲唔離婚！
有D緣 就係咁其妙！ 冇話點解 ！

單從你嘅形容，似乎你係一個好好先生。
但係你必須要明白有情緒問題或者精神問題嘅人係需要專業嘅治療。
你應該同你老婆好好咁樣去接受婚姻輔導，平心靜氣咁樣討論一下未來嘅二三十年係咪都打算咁樣過？
唔煙唔酒唔打老婆唔出軌，其實係基本
有錢有能力但係唔識得同人溝通都會係一個問題嚟嘅！
好多人留言話叫你飛咗個老婆咪解決咗個問題，但係我相信你哋結婚15年都冇諗過離婚一定係有原因。
如果覺得兩個人冇辦法生活落去呢個先係離婚嘅最大原因。
你老婆有病應該唔係今日嘅事，你選擇同佢共患難還是直接拋棄係你自己嘅事⋯⋯
只能夠同你講，有時選擇比努力更重要。

你太太係咪結完婚冇返工？冇自己朋友圈，冇咗自己？我識唔少嘅都係咁，結婚15年冇自己生活，特別係冇小朋友嘅，所有嘢寄託晒喺你同屋企入邊，真係好容易有精神病
同埋你記得諗返自己創業咁多年，最初頭最艱難嗰陣時佢係咪俾咗好多support你；好多好似你咁嘅男人事業成功之後就開始越嚟越唔順屋企嘅黃臉婆，開始搵嘢挑剔，又覺得自己喺出面廠老婆唔理解佢，但自己又唔會主動溝通，而老婆都會feel到關係越嚟越疏離，而佢又冇辦法重新發展自己嘅世界，佢個世界就剩返你同個屋企，越嚟越自卑，又越嚟越倚賴，所以會有情緒問題

段關係行咗15年，相信係當中大家都有好多付出同努力🫶🏻分享少少自己情況，我本身都好容易情緒起伏大，老公都未必每次可以共情。

試過之前搵輔導員一齊傾，幫我哋即場學習如何表達同埋詮釋對方講嘅嘢。之後我哋都會傾返點樣同對方溝通，唔開心嘅情況都會攤出嚟傾。如果有唔肯定或者有誤會都會釐清，慢慢，我覺得我哋嘅溝通同相處都變得順咗。最緊要有嫌隙同埋唔開心，唔好收埋，學習慢慢去表達。

當然，如果情緒有需要，又可能額外要啲空間同埋包容體諒。希望樓主都可以搵到方法幫助你哋嘅婚姻💪🏻會有出路㗎 ！

佢嘅情緒問題唔會一夜間改變到，但試下先改變下生活習慣？唔知佢有冇工作，你冇提所以我假設佢冇做嘢。長期喺屋企的確會令性格改變，自己一個喺屋企會覺得係最舒服，你返嚟做乜都唔合心意同阻掟。同佢搵下有乜手藝嘢學下玩下，可以令佢心情放鬆啲情緒穩定啲。返工出門前放工入屋後，俾個攬攬佢，俾佢知道你愛佢。同佢多啲出戶外行下，一星期一次兩次一齊外出晚飯(唔係樓下譚仔吖吓)，平貴冇所謂，大家一齊試下新嘅餐廳搵下新嘅嘢食，慢慢修補番個關係先再提出睇婚姻輔導，同埋各自都要搵醫生處理下精神情緒問題

大哥，你今年45，年入500萬，物業供斷，無負擔，不煙不酒無夜生活，準時返屋企，對老婆15年唔還手、唔鬧粗口——你已經係絕種好男人，但你換返嚟嘅係零尊嚴、被鬧、被打、連講句說話都驚。

呢段關係根本唔正常。
佢敢咁對你，唔係因為你差，而係因為你太好恰、太忍得、太唔識反抗。

你依家嘅痛苦，唔係窮，唔係壓力，而係長期被情緒暴力同肢體暴力壓住，連做人基本尊嚴都冇。

我月入2萬 我老婆1.5萬 我地每星期都會有個time系溝通時間 你係咪少咗段溝通

「我呢15年，對呢個家問心無愧。我賺錢、準時返屋企、唔煙唔酒、從來唔鬧你唔打你。但你近年情緒好差，又出手又鬧粗口，我真係好辛苦，覺得完全冇尊嚴。我想繼續呢段婚姻，但我唔可以再繼續咁樣落去。如果你再動手、再侮辱我，我會保護我自己，甚至會考慮分開。」完

師兄，小弟都有情緒既問題

但係我自己覺得最主要係自己發現有問題

有可能你太太可能唔覺得自己有問題，但係你有無同太太表達過自己好辛苦？

有時候夫妻相處，要赤裸裸交個心出嚟，大家先會明

雖然你要抱住一個比太太發洩既心態。

師兄其實都講到自己既問題係邊，就要著手改善啦

我見其他comment 既師兄都有提議去輔導，都 suggest 你去試下

一個人真係頂唔到咁多野，你同你太太係家人黎，應該要一定要大家一齊扶持

祝你同太太問題早日解決

我就係怕太赤裸，唔識點表達，我都想佢知自己都有問題…

個人建議，可以赤裸d 直接表達自己好 SAD

你自己都要學識去表達先可以有空間改善

你好，我嘅情況同你非常非常相似，呢個真係緣份，我經常都面對太太嘅負面情緒，連帶影響埋自己，其實當我冷靜落嚟就會明白到，千祈唔好因為太太情緒問題而影響埋自己，你要知道太太其實係一個病人，好多時佢對你講嘅嘢傷害咗你，但佢可能唔係有心，你哋相處咗15年以依然堅持落去，我諗你更加清楚，好多時我都搵唔到朋友講我嘅感受，因為未必人人可以代入我身處嘅角度去出發，佢哋通常叫我放棄，所以我都明白你網上訴苦嘅無奈之處

其實亞氏保加症都會令人好沮喪好唔開心，因為未必同理到自己嘅伴侶，其實你可以考慮吓自己去搵輔導員關於自己同理嘅困難，同埋疏導下同老婆相處嘅壓力，亦都可以學習吓點樣應對情緒上嘅互動。以前我都係自己去咗搵輔導員一年，之後我老公覺得我轉變好大，佢一年之後先至同我一齊去，所以見到你好努力想改善同太太嘅關係，我都祝福你可以搵到出路，如果有需要介紹資深嘅輔導老師，你都可以聯絡我。☺️🙏🏻

試下静心同佢傾傾
真係搞唔掂埋離婚
你人生仲有4,50年
唔通下半世都要係咁壓抑既環境生活
咁不如提早登出好過
身邊都有同你差唔多情況既朋友
不過佢就冇你揾咁多
年收入有130萬左右
個老婆又係極敏感
小小野上綱上線
入屋唔記得除鞋行2步都可不間斷屌足15分鐘
佢都想離婚，不過個仔出世冇耐
唔想個仔係單親家庭長大
依家係到死忍
早排仲聽佢話準備去睇心理醫生
話人生已玩完

現在的婚姻，只是有個人，有屋住，但呢個人唔會令你開心，相看討厭咁生活，有咩意思，其實搵幾多錢冇用。一個人都可以做嘅嘢，多一個人就係為左開心，無同理心可以係一種精神虐待。你太太情緒起伏大，源頭可能係你，被迫瘋既人自然會發瘋，迫瘋別人的人都若無其事。好多男性都不會溝通，建立良好關係，自己不足那就必須去學。

兩個人一齊，好需要平等，你想要點樣，一定要出聲，好似去廁所咁樣，唔係忍一忍就過咗去，只會越忍越急，到有一日忍唔到。
忍一時係可以風平浪靜，但係退一步絕對唔係海闊天空，只會越退越後，逼到埋牆角冇彎轉。
人嘅關係就係咁樣。
慢慢向前行，下次唔好讓步，講出你嘅訴求，慢慢唔好急。希望你最後都可以達到個平衡。

講一次可能冇用，佢會情緒好大，好爆炸，覺得你好衰咁樣。千祈唔好怕做衰人，講多幾次你嘅訴求，用理據去克服情緒，唔使驚佢發脾氣唔睬你，佢過咗啖氣又會同你講返嘢，又可以當冇嘢發生，下次再講過，呢個係一個不停重複嘅過程，但係你千祈唔好怕。

你呢個我反而覺得有啲怪

拿，做物流自己開工司但唔煙酒，咁都叫做正常（雖然我真係無見過一做船做飛機或者做倉唔煙唔酒唔使傾生意，但又可以準時反屋企） 但： 無夜生活無朋友
我諗到既係你不停做野
但你又準時收工喎

咁你收工會同老婆做咩？
一個男人如果只係攞錢反屋企，家務唔做，咩都唔理
我諗我係老婆都會癲

如果你寫嘅嘢係真嘅，2個情緒都有問題嘅人，真係有啲難搞。首先要2個人都同意自己有問題，之後係大家想唔想再一齊落去，如果想一齊落去就要一齊去揾方法去解決。

你要揾一個有專業人士嘅場合，俾太太知道你嘅痛苦，唔係要指責怪責任何一方，俾太太知道你都想有人幫你/你地。

只靠一方係解決唔到問題。

係時候振夫剛，做得partner，either要係物質質上或者情緒上至少是星比到support你。 如果兩樣都無，不要也罷。 你又何必自討苦吃呢？

不過既然你話佢有出手打過你，咁就易搞啦。 養寵物屋企有冇cam? 下次比人打時就一就鏡頭，記得去睇埋醫生留record。同埋建議搵定律師，部處下點樣可以最少成本離婚。

識一條友
條女好靚
成個明星仔咁
但亦知條女情緒問題好大
搞到佢成日鼓鼓縮縮
摟佢傾嘢又唔多睬人（串）
好揀朋友（靚女另計）

呢類人其實個個只恨不得你們快啲炒一個大鑊/折墮，反正分不分一生常人眼中都不會是真朋友
男嘅基本是機會主義，女就唔駛講
不過華人圈向來奉行
靚女的確大哂

咁都叫0尊？？？
你只係家暴受害者，但你係男人，條女係你自己揀嘅，性格脾氣係你養出嚟嘅，要唔要走對腳係你度，你同我講0尊？

咁其他家暴受害者，弱勢嘅女人同兒童呢？他們體力、經濟、閱歷冇你獨立，冇你見多識廣，冇你強壯，所以佢哋走唔甩

你都走唔甩？

讀到你每月會俾10萬你太太，貧窮限制咗我嘅視野，我嗰刻覺得呢個情節係每人嘅dream！不過證明咗再送贈幾多錢也好，仍不能作為解決核心問題的手段，食藥可能幫到你冷靜下來，但醫生有沒有指引你如何更有效地與你的太太溝通 (溝通方法)？我覺得你也考慮求助輔導！

建議樓主搵比較資深嘅輔導員/心理學家傾下，如果對方有婚姻輔導/家庭治療嘅background會更好

見到你話自己好無尊嚴，但都上嚟抒發感受，相信你壓力已經大到不得不講，而講出嚟可能都有不安，需要好多勇氣。做情緒病患者嘅照顧者唔係一件容易嘅事，辛苦你了

人生𥚃面見過很多男人，主要不懂溝通，冇同理心的，不會用心聆聽及回應另一半說話，及作出相對應的行動，然而永遠覺得自己沒有錯，也不認真改變自己的心態，原本陽光善良聰明的女人，最後都搞到有精神病，甚至不在人世。希望你放過你太太。

同老婆仲有無得傾..? 最好傾到就直接傾，將你以上既唸法講比佢聽，真係為左解決問題，自己屈住遲早屈病呀師兄。

我背景都差唔多，做生意有苦自己知，又要煩街數，煩競爭，公司發展，人事變更。如果返到屋企都咁愁，都要解決下。

點解咁多港男嘅comment係覺得有錢就大晒＝唔使畀情緒價值、唔使用心照顧對方感受，而且啲錢係樓主嘅，唔係你哋嘅喎，咁撚串講到女人好似物品咁😂人哋老婆有手有腳，兩個人分開咗佢自己做嘢都可以生活落去，洗撚為咗錢睇人面色？

🥹你有冇試過同你太太溝通下？如果唔得，我建議睇輔導員幫手，可能你太太未必配合，所以我建議你可以先自己一個人睇咗先發洩咗啲壓力同埋搵到問題嘅來源，記住輔導代表自己有問題，只係希望自己可以成長先尋求幫助🫂

呢個post好似令好多老婆羨慕，包括我😆世界上竟有個有錢吾嫖吾賭乖乖返屋企嘅老公，仲準時比家工冇手軟，佢完全係Queen人生贏家！我有D懷疑🤔呢個post真實性。正常男人一早走咗，點解仲要受氣，留低比佢長期精神虐待？

唔好因為樓主係男人就叫佢忍左佢
😑依啲係家暴

唔好淨係以為得女人受家暴影響
男人都會
你唔會同個女人講叫佢忍左佢

家暴0容忍

必須搵婚姻輔導
同埋為自己同老婆搵心理醫生

因為咁落去唔係你老婆癲
係你咋

過來人經驗，有兩個選擇，
1離婚 ，趁仲後生可以重頭嚟過
2忍，佢唔會改，就算醫好都一樣，已經慣性。

好似我咁，忍嘅同時搵返自己嘅興趣，我鐘意砌模型，係屋企無乜事咪出小句聲，自己砌嘢搵返自己嘅樂趣

我當你講既全部都真，你搵5球1年，先俾120你老虎，仲有380。你咪搵下自己興趣，買d野返黎玩下，車錶音響女乜柒都好啦，無人叫你準時返屋企受氣喎，你咪玩撚完慢慢返去，有時做人太好係會俾人恰，包括親人

其實你可以自己去搵心理輔導員～我睇完你嘅post 即錢唔係問題的話，搵人幫下你去梳理情緒，你依家識得辛苦覺得頂唔順係正常架～
養狗去幫手分開注意力係好，但可能成為另一個煩惱架～一步步嚟啦

不如 你放多d時間 係佢身邊 兩個人 一齊搵d佢有感興趣既野學習 如果佢冇工作情況下 佢既世界只有你 感覺上 佢個人本身都比較內向? 或者一齊搵d運動 做下 朝住個好d既方向 你同佢都冇咁辛苦 加油

咁有錢！竟然身邊嘅另一半係咁樣對你？！其實你出去兜個圈，想要咩貨色都有….. 何必作賤自己？？？ 如果你俾10皮一個月我，你講東我唔敢講西！你話一就一、二就二！ 絕對尊重你、愛護你😍

琴日睇完人哋話做雞好過返工，日日俾人屌就有錢收…

呢度見你話「每個月10萬家用」…
對唔住，真係無法冷靜地俾一啲客觀意見你🫠

🫡🫡🫡
*女人都幾好丫，揾個好男人嫁鬼咗佢就可以了🙈

如果太太對外人也會情緒大失控，那的確是她的短板，她需要處理，不能把問題推在你身上。
如果太太對外人情緒穩定，對你情緒大，而你自問沒有對她壞，那請相信這是選擇性針對性的暴力。

5球一年家用每月俾10萬，仲要俾個老婆打都唔離婚，做男人做到你咁窩囊？學下劉鑾雄係點樣君臨天下啦。呂麗君發佢脾氣，劉鑾雄已經直接飛佢，永不錄用

最後先演變成由佢秘書甘比補位

唔止男人，好多人都係咁的，識幾個都係同你一樣身世，主要原因係唔識表達自己同提供情緒價值俾對方，建議搵專業人士幫手或者上下啲堂改善下自己溝通能力，最簡單買啲兩性既書睇

情緒病呢下好難搞， 你冇得罪佢，佢都會自己loop啲問題出黎搞到你無日安寧。 搵個專業輔導下佢， 同時係對你自己作出救贖。 一個人頂唔到好耐，始終有一日你頂唔順可能癲過佢。

不如個十萬你比我，我陪你行街睇戲食飯，有需要就同你北上
認真，一係忍一係分，你頂唔到咪分，頂到咪忍，以你條件同佢分左比埋贍養費都影響唔到你生活，所以話事權係你度