做義工體驗養龜日常
Lokman為龜龜修甲不慎被𠝹傷
小儀誤解龜龜能自生自滅：「以為佢哋食塵都生存到。」

Lokman楊樂文@MIRROR、阮小儀、「阿丙」梁仲恆、王耀祖、胡麗英、阮韻珊、倪秉郎將於5月8號起演出18場舞台劇《關於那隻龜回魂的故事》。近日一眾演員探訪本地龜類保育中心，專程去到西貢龜途社區教育基地擔任義工，親身體驗照顧龜龜日常，為演出做準備。

小儀就笑言平日接觸貓狗較多，以為養龜毋須投放太多心力，甚至誤以為佢哋可以自生自滅。佢憶述細個時曾聽聞朋友家中嘅龜龜匿埋喺電視櫃多年後都冇事，笑稱：「以為佢哋食塵都生存到。」小儀靠今次探訪發現，原來龜龜每餐需遵循高纖維、低水分、低蛋白嘅飲食原則，更需添加營養補充劑。「原來龜龜畀人刷背時真係會左右擺動、扭Pat Pat，非常得意！」

#Lokman楊樂文 #阮小儀 #關於那隻龜回魂的故事 #Viu1娛樂新聞 #Viu煲劇平台 #Viu1 #Viu

喺劇中飾演全家最細心照顧龜龜嘅Lokman，呢日身體力行幫龜龜修甲、餵食，甚至帶佢哋散步。Lokman表示：「點知就喺修甲時唔小心俾龜刺𠝹傷。」Lokman又直言龜龜冇乜表情，唔知佢哋諗緊乜？但深入接觸後，先發現原來佢哋同樣有情緒、有個性，人龜之間嘅交流比想像中更深刻。