其實
我唔係好明點解要摺被。
即係如果有人上嚟屋企我都會摺一摺體面少少
但係平時我揚一揚走啲塵/死皮etc之後就求其攤返喺度 唔會特別摺埋
反正夜晚又瞓落去（同埋摺埋嘅話冚被有啲煩
如果我on9就大力屌醒我吧。
我friend話「監𧄌先摺被」😂😂
自始我就好心安理得唔摺
唔會on9，我本身都唔摺被，純粹懶，但上次見人講原來摺被先唔好😂
我覺得係時代同埋環境唔同咗，以前果個年代可能冇自己間房，又或者幾個細路瞓一張床，又或者好似我細個咁瞓廳嘅，起身要收床+摺被，因為冇可能攤哂出嚟擺係張梳化度。所以時代改變好多以前嘅教育都唔再適合宜家呢個世代，例如以前啲人會叫人食多啲飯，先有氣力工作，宜家反而話食得飯多冇益
是誰要求你摺被呀？
我想除了軍人或酒店服務員外，其他的都是自願吧😊
我一定會揚起幾次散濕氣，再鋪好床面，張床望到被袋花紋靚好多。
研究顯示，摺被係唔衞生的 。因為瞓咗一晚張被係有溫度，加上人的死皮好易滋生細菌 。正確係揚一掦，攤開張被，將接觸皮膚嗰面朝天接觸流動空氣 。
好似話就算要摺被都唔好起床後即刻摺
要等啲濕氣散一散先
就算唔摺被，都會用床冚 冚返張床，我唔想夜晚同啲塵一齊瞓
摺被會將死皮污糟野楊到週圍都係。瞓完鋪床面好啲。但因為我瞓廳，所以有摺
就係要揚走哂佢。唔係張床會愈來愈多蟎蟲。佢地就係靠食呢啲野為生。揚一揚跌哂落地下方便吸走🤣揚完唔洗摺平鋪番係上面
摺埋感覺就係會積味積菌
朝早攤開佢晒吓太陽都比摺起好
我幼稚園嗰陣阿媽叫摺被已經咁諗
被逼摺咗一段短時間之後冇再摺過lu
細過屋企人強迫要摺。大過有客人黎先摺，仔女摺唔摺隨便佢。
我係為咗阻止自己瞓返落去。。。個被型咁fit自己，係會好想拍返入去嘅🙈。。。
冇錯，仲要細個比人洗腦摺被=自律，係提升個人素養的方法之一，到而家都覺得係on9