📌 其實我真係諗唔到情
共 38 條紀錄
其實我真係諗唔到
情侶點解會鬧交
我拍拖咁耐 無鬧過交
我地兩個都隨和 好多嘢都無乜所謂 同埋可以遷就
就算唔啱 咪傾下 唔會鬧交
因為我地都好珍惜對方
唔捨得鬧交
亦都知道有咩應該做有咩唔應該做
唔會令對方擔心
呢個唔係先係正常既戀愛咩？
我覺得 唔應該用鬧交嚟試探底線 本身就應該要behave喇
反而有陣時唔嗌交都未必係唔好
有機會有啲嘢係是但一方啊忍咗因為珍惜
所以啊忍咗一直放咗喺心裏面
但係唔代表嗰件事係冇問題或者唔代表大家係夾
到有一刻忍無可忍一次過爆嘅時候可能會仲嚴重 
因為唔係所有人都對好多野無所謂？
正常人有原則好正常
所謂嘅嗌交都係要俾對方知道自己有啲咩唔開心
了解到自己有啲咩介意
令到對方更加了解你 可以用適合嘅方式去令到自己感受愛 
反而係可能一啲矛盾或者小爭吵就會更加了解到對方 
咩先係正常
每個人性格唔同 鬧交知道大家低線 下次會改善都唔係一件壞事
亦都有可能係你地兩個都隨和所以少嘈
大把人都好火爆 好易燥底 所以就會激烈討論
嘈交都唔一定係唔珍惜對方
同埋你話知道有啲咩應該做有啲咩唔應該做咁
每個人價值觀唔同 有啲人接受到嘅嘢有啲人又未必接受到
兩個人喺埋一齊就係有好多爭執 意見不合
其實結果睇嘅係對方嘅態度 鬧交之後會唔會讓步 會唔會想解決 仲會唔會一齊行落去
唔一定係唔嘈交先叫正常戀愛
其實唔洗你明，拍拖👫係兩個人嘅事，人地點拍拖真係人地嘅事🤓
其實點解唔可以接受鬧交都只不過係其中一種溝通模式⋯⋯
我同我男朋友都好珍惜對方 唔捨得鬧交，有時候會為左遷就對方而降低左自己嘅底線，可能會唔係做緊自己，慢慢時間耐左會好攰。
唔係個個人都咁隨和 好多嘢都無乜所謂 同埋可以遷就的
我拍拖7年+結婚16年，仲生咗兩個囝，我諗我有資格回應你～
我同我老公從來冇鬧過交嘅！
但係我哋絕對有遇到情緒，可能係其中一個人有情緒，少數時候係兩個人都有情緒。我哋亦有過好多時刻因為唔認同對方睇法而有過辯論。
其實有情緒嘅當下，至少其中一個人有意識畀大家時間同空間冷靜，係好事，因為情緒化嘅鬧交，其實冇乜意義，只係純粹情緒發洩，唔係唔可以發洩，而係當你以對方為發洩對象時，其實會好容易亂講嘢同埋傷害到對方，所以我係非常有意識地避免鬧交。
但係我亦唔希望大家只有妥協同包容，以至於犧牲自己嘅原則同感受，尤其係，如果長期只有其中一個負責包容、妥協，其實都係一段唔健康嘅關係～
所以，等冷靜返、等大家關係良好嘅時候，我一定會搵機會表達返我希望對方可以理解同認知嘅事，例如佢嘅一啲盲點，或者傾訴我嘅感受，或者提供另一個睇事物嘅方向。
重點係：可以唔鬧交，但仍然要溝通！唔一定事事遷就，但係會永遠尊重同理解對方。
超級羨慕你
我就係好憎嗌交嘅人，最憎人嗌交發脾氣鬥氣，最憎反駁型人格
超級羨慕你
好視乎你嘅性格同你遇到嘅伴侶嘅性格。有啲組合就係會鬧交。有啲組合就係完全唔會鬧交。鬧交亦唔代表一定唔好。完全唔鬧交亦可以有問題。
冇所謂咩叫正常嘅戀愛，只有適唔適合你嘅戀愛。
因為現實嘅人無咁隨和咩都無所謂 所有嘢我都好有所謂！
其實拍拖嗌交係正常㗎喎
咁先知道對方嘅觀點呀嘛
有陣時啲人收收埋埋
到真係嗌交嗰陣時就會直接分手㗎喇！！
唔係嗰個會好似你哋咁樣冇所謂
有啲情侶總係會執着喺某啲位度
而嗰啲就係價值觀嘅衝擊
嘈交就係因為價值觀出現磨擦
成功磨合到出一個新嘅共同方向
會變得更好
失敗就只能夠講價值觀不合
前題係 你哋都珍惜彼此 所以先會有唔捨得 🙂↕️
唔係個個都明呢樣嘢 😞
多數溝通唔到脾氣又去到忍唔到先會嗌交
利申：我同我老公由拍拖到結婚都無嗌過交
我都係
結婚十幾年，嗌交不超過5次
全部都係回流加拿大後發生
即係咁，有啲人係相愛，不過相處唔到。
相愛又相處到嘅人，唔係咁容易遇到，遇到就好好珍惜你嘅另一半。
（我兩種人都遇過，我覺得係同本身性格有關）
我同你有一樣嘅諗法，
第一段感情，從冇嗌交！因為我覺得嗌交係好傷感情，眼見兒時父母嗌交太多，不但傷兩人和氣，亦傷家庭和氣！兩人亦相見與賓，其實感覺好好，我好enjoy 呢種和諧感覺！
因步伐不同而分開了，到第二個伴侶。
原來真係會嗌交，就算我死忍，都係會嗌！
我就諗，其實係咪第二個伴侶根本唔及第一個伴侶愛我呢，所以不願修養！…..
路過見到你的貼文，純粹忍唔住分享！唔好意思未能幫忙🙏🏻
正唔正常你同對方覺得就得架啦唔需要求證，呢樣野亦都冇標準，有啲人覺得打者愛也，咁係咪打交就係正常嘅愛？
最緊要其實係愛，有愛就可以解決任何嘅野，冇愛再簡單嘅嘢都解決唔到
唔好講戀唔戀愛
人本來就有好多缺憾
人際關係本來就會多磨擦
人嘅耐心又有限
鬧交都係人之常情嘅事
你講嗰隻太理想
現實入面只要是但一邊唔想傾或者有不可退讓嘅事物就已經收得皮
只能夠恭喜你搵到個咁理想嘅另一半
正常唔正常係你哋兩個人決定㗎啫，只要講嘢做嘢出發點係為咗段關係同對方就得啦
睇你覺得鬧交定義係咩。
有啲人會覺得你發飆嘅野同自己唔同/唔合乎自己心意就等於鬧交😂😂
好羨慕你哋冇鬧過交😂😂過兩招洗下