📌 其實父母真係愛錫仔女
共 94 條紀錄
真 我接受唔到 生個b出黎
辛辛苦苦養20年
佢要返40年工 畀啲上司鬧 畀啲同事蝦
但又未有財力可以令佢唔返工／揀任何佢有興趣嘅工唔睇錢都得
我問我媽點解要生我出黎返工受苦
佢話個個都係咁架啦
我話你明知仲生我出黎？
我今年先22歲，就已經畀返工限制咗人生😭
點解要生我出嚟😭
好多父母成日想啲仔女捱吓 辛苦吓
但係其實根本連自己都冇試過OT，冇試過搏殺🤣
根本就係，呢代都好少少最少香港有40%窮人陪你，但下一代必然非富則貴，有錢有樓呢d對下ー代黎講係基本野黎。窮父母思想仲停留緊讀書改變命運，就算比你大學畢業出黎搵十萬一個月，最快都要做到三十幾歲先追到人地條起跑線，你已經係個阿叔，你80歲命已經犧牲左30年追進度。但人地個財產利息由佢0歲出世果刻已經一直滾緊雪球，仲未計人地如果都去努力既話你連車尾燈都見吾到。佢吾努力靠副身家d利息再加有樓，根本吾需要靠返工食飯，周圍去旅行周圍玩都可以過一世
都唔知生個細路出嚟做乜，又冇身家要繼承
仲要唔駛靠我養佢哋
生我出嚟有乜意義😮💨
因為以前科技資訊冇宜家甘發達，同埋貧富懸殊未差甘遠，窮人吾會真正意識到自己窮，只會覺得生下一代係必須做既事。但係宜家你拎部電話已經可以了解其他人既生活，睇下d朋友，同齡人，先發現有好多你以為必然既事原來並非，例如返工搵錢
生仔根本係制造痛苦。老病死係必然，不如意事係十常八九。早知今日，又何必當初？ 所以我一直都覺得唔生仔嘅人先係做緊好事。
李嘉誠個仔，都要返工喇，不過，唔係為錢啫嘛，係為咗夢想💭、堅固家業。普通人返工，為錢，負責幫人實現夢想，偉大。所以、返工哩個term，唔係point，返一份咩工先係point。
打開IG啲人可以風流快活周圍旅行，有啲畢完業唔憂做日日去玩，而我返工之餘仲要俾錢養家，唔知為乜
（純粹呻吟而已，老母含辛茹苦養大我，佢都好自責點解生完我之後屋企就變窮）
唉，呢啲冇得怪，聽老母親講，祖父輩49年之前係大陸係大地主，49年之後大家都知咩事
然後到改革開放，死鬼老豆幫人打工搵唔少，佢打工做野能力極高，好似係老細第二把手，但成世人唔甘願做老二，所以不斷做生意，但次次都生意失敗，為咗做生意甚至係90年代尾將深圳兩個單位賣埋，都係生意失敗，從此變成超級窮撚，社會底層😂🤡
跟住就到我兩兄弟出世，出世冇幾耐大概我三歲果陣老豆就中風入埋老人院🤡，老母一個湊大兩兄弟
有時會幻想如果我家族係鄉下仲係大地主或者深圳果兩個單位冇賣出去，而家會點樣😂😂😂
要返工就係地獄開局，唔理細個點養都好
所以好撚憎富養呢個term，因為只係父母自我感覺良好，最後都係要返工（由富養環境轉入職場更加難適應）
這樣的不是愛錫是害了子女 如果父母去世了他們可以生存下去嗎 妳是怕累不想工作 父母愛錫子女 是教育他們處世同時亦教他們生活的方式
捱苦係因為轉數唔夠快，太善良而唔夠智慧比人恰，所以我在職場遇到咩事，都會同個女分享，希望佢早少少知道，可以避到部分雷。至於佢實戰如何，都要睇佢吸收和轉數的能力，仲要keep住一個可人的外表。所以現代父母幾咁難。
你咁好？
我屋企人話返工一會畀人屌，要接受，慢慢慣咗就冇嘢
我表哥之前做過幾份，因為成日畀人屌而辭職，我姑媽支持佢但我老豆老母就話姑媽唔識諗🙄
Btw其實而家乜都講KPI，轉數夠快都唔一定唔駛捱苦🥲
佢哋咁講只不過係因為佢哋嘅思考層次比較低(但都要體諒佢哋可能從來都無乜思考訓練)， 但我諗而家啲後生應該唔會接受呢類咁簡單的二元論。事實一個人識做人嘅話，畀人*嘅次數會減少。
都唔一定
我而家跟個師傅頭先先話我唔醒目同成日駁嘴，又話之前幾個學師醒好多主動好多，但之前幾個學師都話畀佢屌過，所以都要睇老細性格
至於二元論呢個講法個人唔太認同，我覺得佢哋以前生活比較窮，所以畀人屌都唔反駁驚冇咗份工，慢慢就習慣咗呢啲咁Toxic嘅文化仲要仔女接受
我父母仲話就算中咗六合彩都好都要返工，唔係啲錢好快洗晒，呢個就好明顯嘅窮人思維
駁嘴就係大忌， 好多人話擦鞋嗰啲人係冇實力，但係其實擦鞋係實力嘅表現中很重要。
其實講到咩都係溝通能力，如果對方嬲之前你已經sense到，又折到彈，又或者做錯識得好快咁認錯和答應改善，又好快改善到，上司未必會針對自己，但會有人妒忌你。無論如何，都係見招拆招。
錯，唔返工會話你係度歎世界，錢唔會天跌落嚟，非常不滿！
我老竇就最鍾意睇到我捱到仆街死，一日都唔好休息，捱撚到仆街就啱啦
好多老屎忽都係咁諗，覺得後生要做多啲先會學到多啲嘢
我可能持相反意見🤣我阿爸好錫我，但覺得後生一定要有野做。不過做既野一定要係自己鍾意，同開心。
我以前都覺得唔想返工，但冇做野一排，真係覺得返工對我自己mental health好重要！
但我份工冇壓力，基本上唔受氣，唔OT，一年4個禮拜假。有時會加到6個禮拜。所以去旅行都夠。
🤣正常office文職，勝在老細好人，一年只係黎睇我地1-2次。其他時間email溝通
好老細真係最重要👍
其實父母真的愛子女就不會要子女來世界受苦，除了那小部分覺得人生很美好很值得的人，很多人的人生都很不幸，而痛苦的人生機率大於快樂的人生機率，所以機率來說還是不生為善
我睇到你平時出嗰啲post都覺得你好慘
只可以抱抱你
咁哩個世界其實唔係所有工作都係令人痛苦
我自己好細個就開始返工到到而家
我大部分工都係好鍾意同埋好開心
我希望你快啲搵到一份始鍾意嘅工作
有啲人總係自私，唔會成為咗父母就無咗嚟條根，所以不能認同太多
成日覺得有工返就好，唔諗下職場有幾辛苦，唔諗下自己當年做新人係點
正一仆街嚟
我先22歲就已經畀返工限制咗人生😭
做乜要生我出嚟😭
真係，可惜我老竇老母嗰陣時根本冇咁樣諗過好在而家仲可以問佢哋攞錢咋 但係未必夠一世用
我認同做人係應該要努力同奮鬥，唔應該完全hea 哂
但係努力唔應該放係返工度
應該放係自己熱愛嘅事情和夢想上面
我老豆老母唔俾我返part time所以我仲係伸手黨🦦
當年我中學嗰陣我父母都唔畀我返part time，覺得做慣咗會唔想讀書（其實讀咗又點，咪又係幫人打工）
已經贏咗大部分人啦有嘢可以繼承
我呢啲返成世工退咗休之後乜都冇嘅又點？
我認同，佢當然贏咗世界大部份嘅人。不過最主要我唔想留言同你講啲再打擊你嘅說話，你打出呢句說話嘅時候一定係唔開心啦，我唔通話係呀冇辦法啦你返工啦，返到退休嗰日先有得唔再返工，我諗如果全部都係呢啲留言，你可能會更加唔開心？
我阿媽話生我出黎
都係想我做佢地既未來ATM😅 親口講
有幾多人因為冇工返而餓死？
又有幾多人因為返工搞到周身病？
聽過屋企人話邊個邊個叔叔等個仔18歲，就推佢出嚟做野(做廚房)，屋企人mind set=叔叔識教仔。
其實咪又係因為窮，教乜撚嘢吖，讀多幾年書都唔得
仲衰過怪獸家長
我啲上一代細個有家庭式整餅生意，佢地細細個放學去鋪頭幫手，新年個陣都聽長輩要up一次。所以覺得你地班細路好幸福。
做緊工程學師，好多嘢做好辛苦😢
但又唔敢辭職，因為而家市道唔好難揾工😢
生出嚟又唔撚柒理，我被逼返閪工，一個人受苦都冇人理喇
又唔使諗得咁極端,返工有時都幾開心呀,對自己嘅人生負責返同埋返工時搵到自己存在價值, 可以貢獻社會都係值得開心...你可能要改變下自己價值觀... 咁當然做父母有能力供仔女讀好少少書,搵到份好少少/被尊重多一點嘅工就更好
係呀 我前日係佢面前爆炸 屌完心情十分愉快 好似心裏放底左一舊大石🥰
更多的是.... 子女有邊日生活得好小小, 即刻小爆佢.
我曾經有一段時間非常之想生bb/領養bb 因為我覺得得我嘅bb先會冇條件愛我 小朋友佢會天然愛父母 但係我諗咗一諗我覺得我好撚自私我就係為咗有人無條件愛我同埋為咗要有一個精神寄託而創造一個生命 跟住我再諗佢大個咗要好似我咁出去返工去受苦 我就覺得好傷心 我會希望我嘅bb永遠都只係一個bb乜嘢都唔使做 然後我就覺得喺我冇能力留低錢畀佢舒服一世人之前我係唔會養bb 因為我唔想bb有任何辛苦👁️👁️
比仔女返工先係愛錫佢地呀！父母養唔到佢地一世架，除非屋企大把錢者
I hope you find meaning in life, spread love and make people happy
阿媽三十幾歲已經躺平唔返工靠我養。
我仲有我人生想過有我自己夢想想追。
每次生日就喺度話佢嗰日好痛，冇人叫你生我。