📌 其實狗主放狗可唔可以
共 66 條紀錄
其實狗主放狗可唔可以帶定尿片之類？
夏天周街都狗尿臭味
重要特登去「人地」屋企大門條柱屎尿💩🤮
唔係射幾滴水就搞掂呀？
重要流到全街都係狗尿
慣左大曬咩？
日日起返你屋企💩好唔好？
放狗人可唔可以俾啲公德心？
我唔想每日落街就詛咒🐶💀
其實呢個post只想提醒狗主有品德
天氣熱愛護環境，小心處理狗便
但發現原來好多三觀不同🫨
香港公民教育發生咩事
樓主：狗周圍痾嘅屎尿好臭
樓主以外：香港你住哂？你係咪有特權係咪大撚哂？牛屎唔臭？食煙唔臭？人尿唔臭？外國唔臭？動物天性嚟可以點？
❨利申：冇養狗，好鍾意動物但都覺得狗屎尿好臭，我都想知將來要養狗嘅話點做會好d❩
總結負責任狗主（部分）的放狗經驗：
唔好行去屋苑門口或鋪頭‼️‼️
盡量唔去石屎地/磚地放狗
抱狗去草地/沙地先放低
大量水，加醋，加梳打粉，加清潔劑
先著片再落街，痾左第一次，去到草地再除片
帶尿墊
我唔係養狗，如有更好放狗tips歡迎提出👏🏻
只希望人狗可以真共存，呢個引戰po😂都幾fun令我明白更多狗主諗法，都希望令多啲狗主諗吓點為毛孩同社區做多啲（環境好樓價都高啲🤭
多多積善🌿🐕🫵🏻
推動到起更多狗廁所
世界更美妙
完
最能憎啲狗主拖狗出街嗰陣，隻狗周圍呵完尿，求其攞支水吱兩下就算
但呢度某啲狗主嘅公德言論真係震驚三觀，原來鄰居落街都需要包容狗尿
其實人類都係污染緊地球，你每日生活、食嘢、外賣、交通
呢個地球唔係剩係得你使用的，間屋就算買咗，都唔代表嗰塊地同個地方就係你全權擁有
我有2隻狗，都一直有用水沖完啲尿散開咪仲污糟既迷思🤔不過依個係漁護處對狗隻喺街上便溺既指引，唔做可能被罰款。而狗隻（尤其公犬）既習性真係會留低氣味，所以出街又會疴好多次，包尿片唔係隻隻狗work, 有啲包左反而死忍唔去厠所。但我認同唔好喺人地門口、鋪頭出門俾隻狗疴，依啲係基本尊重，我依家多數俾兩隻狗去草叢或泥地疴完再沖水，起碼唔會流到一地，我覺得無論有或無養寵物的人都行多一步，互相體諒已經好好👍
世事都給你看透🌿
道不同不相為謀
食下花生睇無恥狗主繼續吹
完全同意，你睇樓下班狗主幾自私幾無公德心幾無恥就知
我懷疑緊我係咪生存緊起香港🥲
冇公德心都咁理直氣壯
人狗共存我好OK🫶🏻🫶🏻
世界唔係淨人類住我明🫶🏻😂
但狗主們可以對其他同住地球人類鄰居一樣友善嗎？
日日出街都要經過狗尿味真係好影響
你講一樣就會講第二樣 eg. 人唔臭咩 人先係最污染環境乜乜
唔係唔包容，我都勁鍾意狗，但係真心好多無品狗主，連南豐紗廠呢啲歡迎動物嘅地方都有一堆狗主由隻狗屙完就走唔理，啲姐姐成日都要執手尾
希望啲狗主明白其實大家唔係針對狗狗，只係講緊一啲無品嘅行為姐
你明白🫶🏻🥺
冇針對任何狗，佢哋都係無辜
只希望狗主做好啲，唔好令咁多人厭狗
都唔洗講咁多，睇下啟德就知。Airside入面啲狗主人永遠無衛生意識，帶埋隻狗入citysuper，狗毛周圍飛。Airside出面草地大量狗屎狗尿，臭到不得了。Pet-friendly唔係仆街friendly，成班養狗無公德心到一個點。滿口歪理，我本身唔憎狗，而家因為班仆街主人真係好L憎狗
食環指引都係用水沖洗就ok, 所以有射水=有公德心
唔知點解狗尿既問題係香港先有，倫敦果邊隻隻狗都係咁周街痾佢地既主人係連水都唔會沖，淨係會執屎，無聽過有人會投訴
Real !!!!利申3隻狗
而家夏天再加潮濕 我住村屋 喺屋企行去巴士站嗰條路臭到呢⋯⋯
唔知點解香港有好多狗主覺得幫隻狗着尿片好似虐待佢哋咁
冇養狗
其實狗尿有咩方法可以解決呢？
點解啲救主唔去狗廁所，或者train去沙地屙都好
點解要屙到成街都係🤮
其實係冇辦法解決😂我覺得主要浸味咁大係因為有好多主人唧少少水就覺得心安理得
有陣時我隻狗真係着唔切尿片喺路邊屙咗，起碼要倒大半支水先可以完全稀釋 其實只要啲水夠多就唔會有味
笑了
一般狗仔會去熟悉既地方尿尿，可以慢慢教。而多數我經過會好臭既都係人尿，隧道、天橋、巴士站附近。原因好簡單 無廁所、忍唔到到既原因很多。
如果香港係不同地方有增設狗廁所 ，就大條道理狗狗主可以做。而設立狗廁所要錢、地方。
政府同納稅人 支持當然好😌
好欣賞大家了解到係土地、資源、教育既問題。
認同你講係資源問題
但狗尿唔臭就真係笑了，日日都同一位放尿真係唔臭？
人哋屋企隨便痾就唔緊要嘅？
狗狗唔識，但主人可以有品
人屋企門口係衰格的
貼紙仔警告⚠️
要出聲提佢
主人無品、隻狗好慘，次次比小
都搞到隻狗。
好似呢….狗咬人 ，狗要人道
明明應該人道個主人
方圓百里都無狗廁所
你住緊達地本身都係佢地同大自然嘅地方
係人類霸左黎起屋
咁請問駛唔駛用消防喉洗地？
閣下有冇D咩建議提出？
謝謝！
何文田地鐵站出入條街
係就係豪宅區
但一地狗屎
臭到仆街
呢個唔係重點，呢個係常識，市區亦都屙唔到係你門口，不過講真如果佢隻狗係你門口屎尿又真係抵屌
佢地當啲狗係仔唔係係原因
佢地都係狗閪黎
屋企附近無合適養狗配套就咪撚養啦
我好鐘意狗有養狗都係寵物美容師。
樓主嘅意見/想法我係十分認同。
狗狗要小便咪去公園，草邊。無錯，狗係會霸地盤各樣，但主人可以計劃同行邊條路線（養狗前根本要知附近有乜位置可以放狗）
狗狗係人地鋪頭/門口去小便係主人問題。清潔係基本，道歉係常識。仲有，pet friendly 商場只係歡迎寵物入去，唔係寵物大晒。明知自己小朋友甩毛勁就唔好入去餐廳太入嘅位置坐/超市賣食物嘅地方更加唔應該入去。本身無話唔鐘意動物嘅人都變成仇狗，唔係狗狗做出嚟係一班「主人」做出嚟。成日屌香港度度都唔pet friendly ，的士又唔車。但其實就係屌個班人就係最唔負責任，完全唔諗人地。但調轉講，有一大班有責任感嘅主人有做好自己同有教小朋友。閪人係有好多但唔係個個都閪。希望大家係對事唔係對動物。動物係無辜🫶🏻
其實可唔可以唔吱水，改吱稀釋咗嘅漂白水？應該會無咁臭...
D 狗有時會lam
漂白水真係唔得..
我自己會用檸檬水
尿都算，反而佢地唔幫隻狗執屎嚴重好多🤡有時夜跑太暗真係未必睇到，好幾次都差啲踩屎，養得寵物唔好咁懶，做返個負責任既主人啦
我最唔明嘅係帶左一枝水落街
但係唧 1/10都無
唧多啲會死？定水費會令佢破產
其實啲狗主可唔可以......
：人類（佢自己）先係最整到個地球污煙障氣呀最應該消失！
：食煙/汽車廢氣/汗臭味etc仲臭啦，我有冇唔准人出街呀！
：唔通你叫我拎條大水喉出街咩
：動物天性就係咁你咩都唔識學人吠
歡迎狗主再提供素材
同意，真係好撚唔OK，隻狗痾完篤尿，啲放狗既人（唔理主人定工人啦）攞個水樽係咁吱兩野就算
啲水同篤尿1:1都唔知有無咁樣當沖左？？？唔知以為佢地溝緊cocktail呀
狗狗係想留味道，所以帶尿墊都未必願意屙嗎上面，尋日有日教加梳打粉入吱嘅嗰樽水度，已經照跟，但唔知有冇效。
以前我都係用水沖，其實狗主都心知依個動作係冇用 純粹做俾路人睇🤷🏻♀️所以依家帶狗係俾佢著住尿片，知佢已經屙哂就除左佢掉落垃圾桶
好認同，我都train緊隻狗出街痾尿墊。一黎公德心問題，二黎隻狗痾得準既話其實易清理好多，三黎佢慣左係尿墊痾既話打風落雨就唔洗出街。
東岸板道啱啱開放嗰期勁多人放狗
行入去都有陣臭味
南豐紗廠都見過有狗尿…
作為一個狗主 公道啲講 自己行過一啲多狗出沒嘅街有時都會覺得有啲臭
我自己做法就首先一定唔會比佢係私人地方門口痾 其次係水裡面加少少白醋 白醋人畜無害 有殺菌淨味功效 會比清水好少少
其實真係可以第一下就放隻狗係有草或植物既地方，之后狗狗都係痾空氣，但見好多放狗人（香港/大陸/姐姐） 都就咁俾狗狗係路中心或燈柱痾，好無公德心
利申：狗主
我覺得都係盡量做啦，有時我都會帶定，不過屙起上嚟真係未必墊得切，同埋始終狗仔嘅天性就係鍾意周圍留下自己嘅氣味🤣 沖水就一定要既！！！！
呢啲post 下面永遠都係大亂鬥
有啲狗主就會話食環/漁護話fer 兩下就得
有啲狗主都會試下用唔同方法例如係水入面加梳打粉/ 清潔劑 /唔好比佢係人地舖頭門口屙
高下立見囉😗
我買咗支稀釋尿液，我隻狗屙完尿最後會倒落去🤔（其實都唔肯定有無成效）
好多時d賓妺印傭，一係吾理，一係掛住face time
之前試過有條路好多人放狗，勁臭狗尿味，第二日落勁大雨，再去嗰路，即刻無晒陣尿味
我都有養狗，我會俾佢喺草叢小便，之後我會再用水沖，大便我會舖紙接完再入袋掉狗大便d收集箱，有時喺街見到成地屎漬同埋一浸尿味，我都覺得好臭
🙈其實我都唔明ji 兩下水會清潔完系咩概念，儀式感定係有做好過冇做？
不過我未諗到狗狗以點生理上舒服痾又冇殘留，所以都系收個皮先。but 都肯定尿片is not work...
我好認同呀，有管理處既範圍真係好乾淨嫁，一去到公共地方就勁臭狗尿味，我試過有一次，5步範圍内有2篤屎漬，同渠口勁多狗尿味，點解有管理處既範圍冇事一去到公共地方就咁？仲有次係天橋，隻狗狗橋中間一篤，橋尾又一篤，個狗主都係唧兩下水，除左令篤尿大篤左，and then？？？其實個公共空間你會散步你狗狗都會散步，將心比己你希望自己心愛既狗狗行係人地d屎漬尿漬上面咩？地下係唔乾淨嫁總好過有屎有尿吧