分享生活點滴

早幾日，因為同學仔有事請假，所以小組變單對單，上小提琴課，老師很好。

本來應該好地地，但結果…唔知點解見到d 十六分音符，有d驚；見到d陌生拍子，又有d驚；見到阿sir示範，一邊大大數出拍子聲，一邊大大聲拉附點音符節奏，又有d驚，真係唔知點解甘驚！🥲

回想起自己，其實由細到大，都好少表達，踏入社會，從事會計，對文件多過對人，唔駛講野！😂

發覺自己，玩whatapp 冇問題；玩WeChat冇問題，玩facebook 冇問題；玩instagram 冇問題；玩threads都冇問題💪🏻🤣

原來好怕面對面，即時對話，特別陌生人，外國人😅

唔知有咩計仔改善呢～請教🙏🏻🙏🏻🙏🏻

我嘅情況同你差唔多，做左好多年office，溝通用文字搞掂🤣🤣🤣但因爲想轉行去做同人溝通嘅工作，所以逼自己同陌人溝通🤣

我嘅方法係放假自己去參加一D群體活動，例如行山或者做活動helper，因為大家有共同目的所以唔會太過尷尬，不過少少都好，每次共一兩個人傾幾句計，慢慢習慣同陌生人傾計的感覺。

重點係要自己去，因為同識人好易會依賴左🫣至於去到識唔識到人隨緣就好了😌🤣加油💪🏻🌝