初級成年人開始要煩惱安樂窩 近排睇緊大圍車公廟既盤
有冇人住緊溱8 想知生活機能 交通方唔方便
咁近城門河會唔會有臭味
容唔容易有漏水問題
低層近地鐵嘈唔嘈
謝謝🙏🙏
買溱岸8號都係初級成年人？😂
Anyway個人覺得御龍山可能開心啲(?) budget夠揀柏傲莊
無問題，純粹覺得Target緊$1500-$1600萬嘅樓嘅人人都話自己初級有啲犀利啫🙂↕️
之前住過好幾年，由溱8入伙開始住，向河景15樓以上。喺屋企唔特別覺有河臭味（不過我自己開冷氣多，少開窗）。
如果港鐵有特別事故，嗰廣播會大聲啲會聽到下，但大部分時間唔太覺得。
買嘢我以前出沙田/馬鞍山多，當時圍方未開。而家可以去圍方。另外重嘢就上網買。秦石有街市但我無咩煮飯少去。
交通就有機會早上屯馬線出去比較多人。另外有巴士/小巴出沙田市中心。
以方便程度計梗係柏傲莊方便好多（交通、買嘢）（而家住緊），不過柏傲莊尺價貴啲。
而家諗買，你要預嘈幾年，因為而家起緊條橋接駁去城門隧道
低層主要噪音來源係屋苑正前方既T4主幹路地盤，預計2030年才完工，呢幾年都肯定有工程噪音以及空氣污染，起好之後會係一個有隔音屏障包裹既高速公路，但低層相當有機會仍有汽車噪音。
順帶一提，其實車公廟站步行去大圍站都只係需要10分鐘，所以大圍站一帶其實都係溱岸8號居民日常生活活動範圍之內，好多居民都會喺大圍買完野食完飯沿住城門河邊行翻屋企，根本唔駛坐車。
臭味點都有，條河係咁
交通方便就點都冇得輸，一落樓就係屯馬綫
食完飯可以散步去沙田大圍都唔遠
自成一角，附近又唔會太多閑雜人
住過十年新翠應該有資格講🤞🏻
買呀 入左紙抽3期 但都冇望嫁啦 同埋溱8個露台好似好洗啲 好唔鐘意柏傲莊個細露台 唔知點用 同想要梗廚🧐
柏傲莊個則唔買到500尺以上都唔見使 但投資一流 但溱8個價都唔平喎 舊年900萬就買到兩房高層 而家都貴返一球都有？
上年年中有睇過溱岸8號，10幾年樓齡嚟講佢都真係算係保養得好好，開則都好，有專屬地鐵站出口，唔使淋雨，但係業主啲價好硬，而且附近真係乜都無😅 10幾年樓齡買咗返嚟都要全裝，計埋裝修錢同柏傲莊唔係差太多。柏傲莊新咁多，又方便咁多，個人覺得唯一唔好嘅就係佢嘅開則無溱岸咁好。