前排有個45歲男士嚟睇診，坐低第一句：「我把口成日又乾又苦又臭，我老婆而家瞓覺都要轉身背住我」😮‍💨
我望住佢——面色偏紅、嘴唇乾裂泛暗，眼白輕微泛黃、講嘢帶口氣，神情有啲低落
我問佢：「你應酬多唔多？」佢苦笑：「份工係噉㗎喇」
未問診已經知道，唔係刷牙問題噉簡單

問診之後，情況係咁——口苦尤其朝早起身最明顯；口乾但飲水唔解渴；口氣帶酸臭、連自己都聞到；容易煩躁、夜晚難以入睡；小便偏黃、大便偏硬
幫佢摸脈——脈象弦數有力弦係肝氣鬱結；數係體內有熱；有力係實熱內盛再睇條舌：舌質紅、苔黃膩、舌中有裂紋
唔係飲水唔夠，係肝膽濕熱、胃火上炎
長期應酬飲酒、煎炸宵夜，濕熱困於肝膽膽汁隨熱氣上逆——口苦由此嚟；胃火熾盛灼傷津液——口乾唔解渴；濁氣上衝——口臭由此嚟三樣夾埋，唔係漱口水掩蓋到嘅問題

我分兩步：第一步清肝利膽、化濕清熱，龍膽瀉肝湯為底，龍膽草、黃芩清肝膽實熱，茵陳、澤瀉利濕；第二步清胃火、生津液，石膏、知母清胃火，麥冬、玉竹生津止渴
配合針灸取穴：太衝疏肝解鬱；陽陵泉清膽熱；內庭清胃火；足三里健脾和胃
針灸三次、中藥食兩個禮拜
第三次針灸之後，佢返嚟覆診第一句唔係講把口，係紅住面笑住話：「而家老婆唔再轉身㗎喇」「仲話我把口冇之前咁臭」😭