吾知大家係新年睇左套夜王之後，仲會不會睇而家新出的三級電影夜王導演版？？但以我所知它紙係比原片的2B級加長左30幾分鐘，多左D未曝光的吸晴片段及未曝光的神秘角色！大家覺得值得睇？？會為左個延長版而去睇差不多3小時的夜王導演版？？
我今晚已經睇咗。如果同之前尋秦記或破地獄加長版比較，呢套算係最好誠意，因為除咗加返部分被剪走戲份，令啲角色更完整，亦都令之前劇情有少少轉變。例如之前係鬥贏完太子峰拿回東日就口述被時代淘汰而結業改開club V, 但新角色就交代係拎唔返東日嘅。
我自己今朝都已經睇左啦
依個導演版絕對係誠意之作👍🏻
導演滿足晒大家嘅要求
我自己比較鍾意導演版本多D
最好係初初剪果個,之前謝票場導演講過
話原本個cut超過三個鐘
因為係導演最想表達嘅野
我覺得導演版個頭同尾段都好過原版
原版開頭子華段獨白其實真係好尷😆😆
而家改咗我覺得好好多
.
再加埋角色多返背景
明白多咗佢地點解要入行
雖然聽你甘講值得睇，但始終套戲太過長。。都考慮緊睇不睇好。。😅
套戲真係偏長
大家都有自己考量入唔入場
或者你可以等多啲身邊人評價再決定
我有fans濾鏡一定覺得值得睇😆😆
今朝睇完，鍾意《夜王》係應該睇埋導演版，呢套唔係加長版，劇情上係唔同咗，但結局係同舊版一樣的。
唔會，本身已經唔覺得好睇，所謂3級版都只係加多幾句粗口，要聽人講粗口點解唔自己講比自己聽，要比錢聽？