呢個世界從此以後會少咗一個善良嘅女仔。

路過見到個婆婆一邊喊一邊執垃圾，心軟就去Seven買咗少少嘢想俾佢食。一直都有個習慣見到啲老人家執垃圾，就會買啲嘢食俾佢哋。一開始仲好地地，佢又話肚餓，話帶佢去買多啲嘢食又唔要，佢話想食啲熱嘢，話個飯要70幾蚊，我見附近冇食肆，就俾咗$100俾佢自己去買
點知個婆婆突然問我帶咗幾多錢喺身，我仲傻傻哋show咗銀包俾佢睇，剩低一張$500同三張$100。
佢竟然突然上手搶走咗我個銀包，抽晒D鈔出嚟 嚇到我即刻攞返+彈開+大叫。佢就話$100唔夠，仲話附近有櫃員機，隻手一路想再搶我個銀包，又話自己好多日冇食嘢，但係我已經嚇到好想走。

好難話係俾人呃 因為都係我自己傻更更主動去問人 冇嘢好講鳥。

🙏🏿🙏🏿🙏🏿🫡🫡

不過觀塘東廣場附近有個年紀好大嘅婆婆 之前12度左右 淨係着住短袖喺度摷咗垃圾桶嘅嘢嚟食 真係好慘 佢牙口唔好 好多嘢都唔食得 如果有住附近嘅夜晚見到佢 可以幫助吓佢 佢人好nice 成日俾野比佢都叫我留住自己食 佢仲話佢可以自食其力 大家見到佢可以買D易咬嘅嘢食俾佢🙏🏻

老人家唔代表係好人🥺有好多壞人老咗而已😢要好好保護自己啊

應該係「老了的壞人」

好明你感受 但唔好俾呢啲仆街改變咗你嘅善良 呢個特質好珍貴的🥹🫶🏻

錢財不可露眼😭有時啲old say係老屎忽咗啲但係真係要聽

不過又唔好因為個老嘢完全改變自己🥹助人之心係好的

只俾食物唔俾錢，更加唔好拎銀包出尼，幫人之餘都要保護自己。

如果係一位攣攣哋黃白色頭髮戴眼鏡嘅70歲阿婆 佢慣犯來架
會出現在各大地鐵站地鐵上同鄰近商場 一邊打電話一邊喊「你幫下我啦我真係冇錢食飯啊 求吓你還錢俾我」

你無錯 係壞人衰

其實呢個世界冇好報

女神兄弟很有愛心
但是下次真的要小心點🙏🏿🙏🏿🫡🫡

我後生個陣都經歷過類似野
話好肚餓冇錢食野又有，冇錢搭車返屋企又有
所謂嘅成長，就係內心理想同現實嘅互動之後得出黎

我而家依然會幫人，但唔係咩人都幫
善意留返俾值得擁有呢份善意嘅人
可憐之人必有可恨之處
見到對方都有良好人格先值得幫

下次買野食就足夠
銀包都會容易引起貪念🤥

其實你嘅好心係好值得欣賞。阿婆咁做可能好多原因，壞可能係一個，但係，我只可以同你講返，佢可能真係有時面對個幾星期都冇飯開嘅慘況，試想像如果我地日日食凍野都已經係好慘，何況可能1星期都只係食人地扔出嚟嘅垃圾？所以佢可能只係想幾個星期有飯食咁，但都係，佢做左一啲好唔好嘅行為。

下次你想再做好心嘅時候，就唔好咁誠實喇，你諗住幫人幾多嘅時候，就真係淨係幫幾多，佢話想食熱野嘅時候，你就話你趕時間要走先喇。

呢個道理就算你以後做野都適用。你返工都可以遇到類似嘅同事，或者朋友，佢地都可能係你幫手嘅時候要求你更多，你自己心入面有把尺就得，對於一啲感覺唔好嘅言語或者行為，例如人地仲要求你更多嘅時候，你就要警覺，佢只係消費你，定係你地交情真係夠，最重要係你自己心裡有數，應該拒絕時拒絕，要有勇氣做到去保護自己，咁你以後遇到好多事都識得點樣應付，將自己擺第一位，或者到你覺得有重要嘅人，衡量，係成為大人要做嘅事。

靚女好好人,不如俾d錢我👀我唔介意收🫥

老嘢知妳入世未深就食住上，老咗嘅壞人都係壞人，張相就不應打格。

善良 同 醒目 係可以共存 你不妨兩邊都平衡下

做好心 都千祈唔好俾錢
可以俾物資 但係唔好用錢挑戰人性
呢個世界垃圾往往比較多

錢財不可露👀

💝

警世：唔係阿婆就純過小天使，唔係悽慘的人就唔會惡

拍拍樓主，希望樓主喺保護好自己之下繼續善良🫂

好可愛

善良都要先保護好自己。防人之心不可無。選擇善良係好。

人家自有因果。善念留俾需要的人。

俾做係我 我會話呢50蚊要唔要 唔要我收翻

熱心人心寒了😮‍💨
真係唔好怪人太冷漠，因為呢個世紀只係會恰d好人

太猖狂了

可以send無遮樣個版本睇下嗎

下次可以喺個銀包擺幾張「冥通」陰下佢😂同埋喺佢附近行過詐低跌咗封利是但係喺入面塞搭溪錢落去等佢慢慢用

我住嗰區，起碼有一個黐線嘅阿婆周圍走，周圍呃人。消失咗一個，跟住又有下一個白卡出現。東張西望都影過嗰個白卡有屋企唔返竟然喺天橋底瞓。精神病院放出嚟竟然喺條街度周圍走唔肯返屋企😅有陣時就喺地鐵站門口擺檔。啲後生唔知佢嘅紀錄就好好心踎低同佢傾偈又買晒啲嘢又走去買嘢俾阿婆食。老街坊就話佢玩嘢咋喎，附近舖頭就慘啦！嗰個阿婆專係喺附近偷埋啲嘢就喺佢檔口度賣！所以就算我喺其他地區見到啲好似好慘嘅阿婆都冇理到。

我而家做緊冇良心嘅人，心安理得

聖母心癮起，通常無咩好結果

知道社會既現實,妳以後仲會吾會做一個好人？
吾好同我講系個別例子！人去到逆境就會顯露本性。

冇主動搵妳幫手，就無好妳自己主動去幫。主動搵妳幫手嘅妳更加要小心。見到嗰婆婆推唔動垃圾車妳可以幫手推，妳手上有拉罐妳可以選擇俾佢，而唔係錠入垃圾桶，佢地都會好多謝妳。有時幫人唔係俾妳認為佢需要嘅嘢佢就會開心。呢個其實好難解釋俾妳知，總之就係妳俾紙皮佢好過妳俾食物佢

做好人，第一點，要比壞人聰明。

下次小心啲
俾食物好過俾錢
香港支援佢哋其實係有
所以最多俾十蚊內麵包就夠
畢竟緩不濟急

施捨少少就夠 你同佢糾纏太耐了

可憐人必有可恨之處

首先我唔會話果啲老人家唔抵可憐 但係社會自己係有社工系統去幫助呢對弱勢社群
無論果個老人係好人定壞人你想幫佢都唔應該咁直接用錢去幫佢
而原因就正正係你既經歷 你唔知佢到底係好人定壞人 你唔知正確既幫人方法 幫人呢啲事交返比啲有出糧既專業人仕

咁佢最尾拎咗你幾多錢

做人唔好太低B，畀人呃錢已經算好彩

財不可露眼

你有無拎返d錢

經一事蔡一智
有心人裝無心人
但唔代表你嘅善心係錯
不過喺街邊執嘢嘅多數精神都有啲問題，你要預咗佢哋大部分都係痴線佬，你要有呢個心理準備先好去幫佢哋

你太天真

錢財不可露眼就定律嚟 但你想贈送嘢食就量力而為啦 仲要係睇情況吖 知道未 今次當係一個教訓啦
始終香港人都係都唔係咁冷血嘅

仲要幫佢打格仔 影畀大家睇唔好害人

如果睇唔過眼，就幫手
但原則係絕不比錢。
你話冇錢坐車，我帶你去買車票
餓，想食咩？我去買
冇數據？話你知邊度有free wifi
同親人朋友失散？幫你報3萬5

不過次次都唔受我恩惠果度慘

你只係不幸地遇上一個老了的壞人