57402306 呢個號碼係典型假追數騙徒（junkcall.org 有紀錄，同你之前講嘅情況一樣）。
呢類「上門追數」電話完全係騙局，警方話最近好多宗。你全家冇借錢，對方講得出你姓名、身份證同地址，只係因為買咗外洩嘅個人資料（銀行、電訊、保險公司數據洩漏，黑市成批賣）。
佢哋大海撈針打電話，專門用嚇人手法。冇即刻叫過數、只威脅上門，正係典型假追數劇本，想先搞到你驚慌。
你第一次去警處備案係最正確做法！
警方話呢類案好多都係「撞嚇」，唔還錢佢哋就冇後續。
即刻自保幾招（警察教路）：
• 保持冷靜，唔好再接陌生電話（尤其5字頭）。
• 自己去環聯（TransUnion）或者信資通免費查一次信貸報告，確認真係零欠款。
• 有懷疑即打防騙易熱線 18222 查證。
• 通知家人，教佢哋一樣唔好理。
• 如果之後真係有人上門（99%唔會），即刻打999叫軍裝。
放心啦，你冇借錢就唔會有事，呢啲騙徒最怕你冷靜問到底同報警。
繼續警惕，但唔洗驚到影響生活！
真心唔使驚，騙徒黎
去警署報定案
早幾年有騙徒連續幾日打幾次電話
講得出我地址、身份證、全名
自稱西環國安處，預約我想去調查案件
我話屋企等佢哋拉我，等咗咁多年啦
我有收過！
講完全名住邊就話差佢哋10幾，跟住又話呢刻唔找行動組上門，我聽完只係回覆1句：你隨時上嚟我拎定把菜刀等你！
到今日蟻都唔見有隻💁🏻♂️
52370469都係，一怒之下屌返佢老母轉頭，屋企人話我太衝動😖
你叫佢上嚟自揪就OK了！我都接過，之後打去18222，系果日第21個人打去，佢話🤪
你同佢講話搬咗好耐啦喎
小姓比，名卡超，
地址：中環上亞厘畢道
隨時光臨，我會叫人企定係門口歡迎你。
不嬲都有賣資料㗎喇，好似實名電話號碼咁，實名咗後我先開始收到依啲詐騙電話，之前嗰十年都未收過，我依家收親依啲都會同佢講：好呀上嚟搵我，我報定警等你。跟住就cut我線
我試過收到一樣嘅電話，跟住我同佢講話好啦我還錢啦，叫佢上嚟屋企攞，佢話好，跟住問我地址，我約佢去葵涌道999號一樓交收。佢開頭話好，後尾問我嗰度係邊度，我同佢講係葵涌警署報案室，有警察做證明我還咗錢安全啲，佢問我係咪玩嘢互屌完我收鳩佢線
我前幾日都收到，一打黎就講到我住邊度，我一開始以為係送貨，第二句就話要上黎收數，之后成個conversation 就係keep住問我屋企有冇人,叫我宜家即刻番去，問佢我爭邊個錢佢又講唔出，仲要串我話如果我身家清白點會我d個人資料會比左財務公司……..我心諗如果我真係爭佢錢仲會咁戇居番去咩🤔⋯⋯之後兇佢話會報警，佢就淆底收咗線
同一個劇本對白，去年我也接過，聽到佢講得出我全名，身份証號碼和屋企地址，嗰一刻真係俾佢嚇一嚇，心諗又無借貸，點解會有人收數。之後，又話上嚟我屋企收數，同我確認是不是在家，我就感覺有啲詭，將計就計，話屋企人是當差的，叫佢即管上嚟對數，嚇到佢口窒窒話過兩日先，搞清楚再call 我。
放心啦我都收過幾次，我直頭叫佢你有本事就上嚟，唔好咁多口水我全家攞定架生等緊你上嚟收我條數，同埋佢哋呃嘅金額唔係多一般幾千至兩萬，博你以為真係唔記得還卡數或貸款，自保方式其實好簡單，首先你唔好驚&擔心先，就算有欠款一般都係銀行職員打比你唔會第一時間就係收數公司，而且你問佢係幫邊間銀行或財務公司收數佢哋一般都講唔出，只係話自己係第三方嘅收數公司，至於幫邊間收佢會以”商業機密：作籍口去騙你唔識，（老老實實幫邊間收都講唔出就己經有問題啦），當然如果佢講得出邊間你咪收線直接打去該銀行或財務公司去再次核實是否有這樣事件
我上個月都收過咁ge電話，我好冷淨同佢講，如果個個都打個電話嚟就有錢收，重有人出嚟打工，正正經經搵份野做啦，柒頭
之前凶我話我簽左咩24個月298電話plan，又話我係咩網上按到佢地公司網址。甘我問佢幾時按到佢話十日前，佢講得出我名同電話號碼。佢講，我即日報失信用卡，去過警署，警察無幫備案，只係勸告你無做過d野一定係遇到騙徒。
我上兩個星期同你遇到一模一樣嘅嘢
個電話頭四個Number一樣！
都係講啱晒身份證號碼然之後話而家要去上我屋企淋紅油
因為我嗰陣時幫客整緊指甲個腦完全load唔到
然之後我仲問佢：「我爭幾多錢？」 之後佢答我4萬幾(後尾諗返覺得都幾搞笑 四萬幾蚊就要淋紅油🤣🤣)
但其實我當下驚到手都震鳩埋
然後即刻打電話俾我偉大嘅老豆同佢講呢件事，佢就同我講話唔使驚，如果佢再打電話過嚟就放心叫佢上我屋企淋紅油啦 隨時歡迎咁講
當然最後就冇再打返過嚟
冇諗過而家啲詐騙咁高明連身份證屋企地址都噏得出

半個月前我都收過一模一樣電話 仲話要我10分鐘內返到屋企樓下 要即刻還錢 如果唔係就做嘢 淋紅油 話我差4萬幾 我話我邊有借人錢？條友就話基於私隱 已經係你樓下嘅同事有個大信封 入邊就有晒你點解爭人錢？不過呢人哋唔係郵差 所以你就要俾萬幾蚊行政費先可以拆開嚟睇 仲即時叫我過數俾佢 如果唔係等住淋紅油啦 X你老母X 成個黑社會咁 我真係無厘頭 即時笈線 呃我錢 仲要X9我 乜X世界？
上年試過收到呢啲電話🤔
條友講得出我嘅資料，話我爭唔知邊間公司錢過期，佢哋負責追收欠款，跟著我話唔知你講乜就收咗佢線，然後佢用另一個號碼再打嚟，話再唔還錢就上門收數，然後我話咁我報定警等你上黎，之後就拉黑晒啲電話號碼。就無再收到呢啲電話