和解完就無事？小心保險公司塞呢張紙，簽錯了隨時賠身定仲要自行承擔所有法律風險！

前日慢溜碰到前方小巴，司機即時調解，我地司機亦都再三請小巴司機上車詢問各位乘客有冇受傷唔舒服，確認大家都安全之後再簽署和解書，而且即場以一個非常合理嘅金額達成和解並且簽署無人傷亡互不追究法律責任，等基本做法。

交通部即時提供報案編號立案，而當我哋通知保險公司時，保險公司要求我哋填一個上報的表格，及後突然WhatsApp多一份文件叫我哋簽署名為「取消索償信」，小心中伏！

我地再致電問深一層，和解協議已簽，「取消索償信」作用係咩？保險公司回覆：咁就唔會郁到你NCB，如果唔簽就會扣NCB。

我地再問：和解即係無索賠，點解唔簽份取消索償信會扣NCB？交通意外三年內係有效追溯期，萬一有人索償保險公司幫我處理，先會扣啫係咪？

保險公司：你都好熟喎，係呀，三年內有人索償我哋先會扣。

我哋：咁我唔簽呢份書冇人索償係咪保持而家NCB。直至三年，有人索償，保險公司會代為處理之後扣我方NCB；若無人索償，我的NCB可以繼續滾存。

保險公司：正確

我哋：明白，唔該，咁我淨係簽通知書，第二份不會簽。

保險公司：好，拜拜。

忠告各位萬一遇到交通意外，不要承認自己責任，立即報警取得報案編號，若果冇人受傷，嘗試與對方商量你能夠負責的金額處理及和解，並且簽署互不追究法律責任條約，此為第一步。

第二部，千萬記得通知保險公司，而且自己檢閱再請教身邊有經驗的人幫忙檢查文件，千萬不要立即簽署所有文件，因為魔鬼在細節，以我哋呢個個案為例，如果百忙之中唔記得睇，馬上放棄咗自己保障，暴露喺無上限嘅索償法律責任當中。

我依家用緊蘇黎世，我簽咗通知書之後佢都照扣喎😱明明係我俾人撞 + 冇索償

要再睇多次份通知書有冇加入魔鬼細節，警察方面有冇提出控告你（不論罪名大小）。通通都無就要聯絡，基於咩原因無索償但係扣左NCB。等Threads帶唔帶到流量比業界嘅專業分析