📌 唔經唔覺，已經7年無
共 48 條紀錄
唔經唔覺，已經7年無睇過81，依家睇電視都只會睇Viu。
有時網上睇到啲81嘅片段，好多都唔識。越黎越覺得81好似亞視。
有時想聽下新聞，無辦法會開83，但真係越聽越唔對路，有種被過濾嘅感覺。
就黎睇HK01都好過83。你哋有幾耐無睇電視？
電視會睇83台新聞及東張，Youtube會睇hoy tv 臥底旅行團。妖TV對唔字，真係冇興趣
本地計我八成睇TVB 兩成睇Viu 。電視劇真係平均TVB 好睇啲，有機會咪睇下囉，Viu 呢兩年cut cost cut 到無朋友，炒冷飯炒到無得再炒，晚晚零成本晚吹，自家劇都少咗（雖然8 成都唔太好睇），TVB 都有問題，但總的比Viu 有返啲制作良心。
有睇，你懷疑自己有心理障礙，想睇又唔敢睇，這是被某些人控制了思想，對某些未知的進行否定，要突破否則人生越走越窄！
你唔睇81又做乜咁關心佢呢，利申，我屋企全日20個小時都開住81台
係咪講緊無線？我起碼15年冇睇過😂 有時去人屋企見佢睇緊，我全部淨係識啲老人😂 好多人講愛回家，一集都冇睇過。
新聞真係睇少咗，反正social media都會睇到，你唔想睇都彈比你睇。
VIU轉管理層後，一樣開始變垃圾台，但綜藝真人show係佢強項，未死得晒，上年嘅自家劇，除咗光明大押，其他都幾好，而家又播返外購劇，仲有學大台雪人.
返而Hoy轉管理層後，近排好咗，個歲月如歌節目，用心製作，仲有煮題cook都幾好.
81係而家係俾阿女睇多啦A夢，屁屁偵探，有時多人講嘅東張事件，先會睇吓.
十幾年冇睇無記。宜家係睇viu好多創新嘅節目。無記感覺上做嚟做去都係嗰啲劇，演員又係果幾個已經無興趣睇。
宜家viu仲差過hoytv ，話佢似亞視都仲未夠班
多數睇tvb,hoy都會睇,viu淨係睇鬼王,其他節目都係垃圾
間中去外母度食飯，開81台
依家D劇集，重濾鏡，推到好光
多大頭鏡頭，剪接剪到碎一碎
劇情膠就唔再講了
前排有一套維穩劇,奸角派人去office搵返緊工的副司長，話可以介紹佢個仔入名牌大學+開份好offfer的工
大佬，一開口已經報得老廉啦🤪🤪
頂唔順佢啲咩中年好聲音 等等果啲唱歌比賽節目 捧果班所謂歌手
我都無耐無專登轉去無線 係最近重播尋秦記先會轉去睇一陣
無線啲劇真係越來越膠 對上一套重要搵班中女去扮女團…
我日日都睇電視,但只睇ViuTV(偶然會睇下Hoy),自從超級戰隊唔再喺匪脆台播之後,我已經將8字頭嘅台全部delete晒
我成日都睇無線、Hoy資訊台，主要看綜藝節目、新聞。
冇睇大台超過10年，好悶，好新意，對上一套睇，應該天與地，冇追，完咗download 返黎睇
剛畢業直情係大台做過，所以好憎大台
Viu 有間中睇，真人show好睇，近排睇足球女將
劇集，間中睇，有幾套係正，題材好創新，如 「如花」
join埋netflix d+，基本上唔會睇電視台
綜合留言，TVB同VIU各自有支持者，但無人睇HOY
好耐冇睇81. 今朝就算78新聞都係報英國日本衰新聞同某個國家的超正面新聞。而家睇網上新聞同Viu 96 NHK Newsline
我唔睇一切香港傳媒
01 81 viu完全唔關我事
最後睇TVB，已經係做天與地，2011年。除咗個台偏頗討厭，主要因素都係自己慢慢轉咗睇YOUTUBE、之後就NETFLIX咁
得罪講句，viu同tvb一樣都係屎，對於唔睇電視嘅人黎講，睇住啲人自己食住屎笑人地食嘅屎臭啲，自己嗰啲香啲真係幾奇怪
無睇電視
通常都係上網睇番啲電視節目
Viu會揀啲劇同音樂節目睇
Tvb會睇下東張西望
Hoy就睇一線搜查
電視變成用黎睇yt netflix Disney+
我係肥珍妮無做愛回家之後冇睇
大概多少年？
其實以前都只係睇愛回家
完全唔會睇香港傳統傳媒既新聞
屋企無電視機，有興趣既會上網睇
近7年無睇過tvb
無線主要係歌頌、感恩呢啲，然後不斷重覆播美國、日本抗議新聞！
新聞報導可睇78 HOY資訊台，
佢哋肯定冇cctvb咁舔共
78台起碼唔會模糊咗"TAIWAN"
又唔會將美國「戰爭部」竄改做美國「國防部」