喺屯門英皇戲院睇睇吓戲，有位觀眾不小心拍打消防鐘，之後全院響鐘+閃燈
居然等咗幾分鐘先有職員過嚟睇發生咩事

有部份觀眾出咗去，但因為我嗰個位睇得好清楚
知道觀眾唔小心，見到成個前因後果
（唔好怪佢，佢真係唔小心）
所以我知道唔係火燭就冇離開

但係戲院居然
由頭到尾都冇人交代一下
等幾耐，點處理？安唔安全？可唔可以退飛？
要知道只係我個位見到發生咩事
好多觀眾係完全冇頭緒

成件事要等消防過嚟
處理咗大概10幾分鐘，完全明白嘅，安全至上

後來毫無解釋咁樣又replay
播早咗幾個字
夾夾埋埋遲咗大概40分鐘完場
唔係個個人都咁得閒可以拎多40分鐘出嚟

走嘅時候見到有觀眾
同戲院職員喺度嘈關於補飛嘅事
其實處理得唔係咁好
關於緊急事故可唔可以俾多啲training？

點解我會睇到？
因為嗰位觀眾坐我後面，佢出去之前我已經聽到佢同熟人嘅對話，當時引起咗我注意
然後我個位係對正火警鐘
最後嗰位觀眾有同員工道歉同解釋
只能夠話真係唔係佢刻意咁做
對方都有私隱，唔方便講太多
但係相信唔似得我一個人睇到

我唔係要追究戲院，因為我時間上係唔需要退票，但係最低限度同觀眾講聲安唔安全，會唔會繼續播？
呢啲係從頭到尾都冇人講

我明白樓主你意思🫂
呢次就好彩係假火警，但係連呢啲時候都唔把握機會做好啲，負責職員試下同觀眾解釋係咪要走，用邊個出口走，到有起事嚟點算，佢哋係咪就咁掉低啲客

係呀，我唔明點解咁多人會覺得係我不講道理？
我覺得我語氣已經好溫和

另外我覺得呢個post啲人嘅reply真係完美符合咗「我們不是什麼」呢套戲嘅主題…..

你知唔知而家戲院用幾錢請人

其實你會唔會好好笑？？學你話齋，個觀眾唔小心拍打到個火警鐘。你估人哋職員好想火警鐘響？咁消防員就要來處理。不如你睇吓一間院有幾多個院先，職員係咪完全可以去哂咁多院通知觀眾先？不過可以認真同你講一句，其實你可以返去補票既(應該係免費換）。btw 仲要學你話齋唔係個個得閒拎40分鐘出嚟睇戲，咁你估消防員&戲院職員，有咁得閒特登嘥你40分鐘咩？？ 

做呢件事唔係樓主就係佢朋友

戲院咁黑，大家集中在屏幕，點睇住有個傻仔玩鐘？

我唔想講發生咩事，但係同我完全無關
我知道原因係因為嗰個人坐我後面，然後我個位係正對住火警鐘

唔想講你出文把撚咩
你最撚清楚咩事但你又唔方便講清楚👍

我要講嘅嘢完全拍打火警鐘嗰個人嘅身份無關？

你唔同戲院講邊個拍? 佢有責任賠

樓主不斷強調睇得好清楚個觀眾係唔小心拍打消防鐘，請問點唔小心？睇緊戲唔係坐定定？就算去洗手間都不致於會打到消防鐘吧？其實最有問題就係明明係觀眾嘅錯，搞到好似係戲院嘅錯。而且戲院都主動重新再播過，等觀眾可以完整睇番，已經係最好安排。如果話觀眾損失40分鐘，戲院何嘗唔係？再加上我們不是什麼衝緊票房，點會比你退票。

我唔方便講，人哋都有人哋嘅私隱
但係其他比呢位觀眾影響到嘅人，就算係冇得退票，戲院係咪最少都應該講聲發生咩事？係咪安全？

戲院唔係呢方面嘅專家咁憑你出嚟話俾你聽安全

因為消防嚟過，相信已經同佢哋有溝通

講左就要上身 好似宜開聽證會咁

你真係認為間公司識/會train 人？

就算俾人小，they don't fucking care, 現實係客會繼續黎，搞咁多野做培訓，不如諗下點賺錢。

覺得你呢個comment係Valid

ua當年會有3張卡：1張汽水,1張爆谷,1 張換票證

咁啱我自己就唔需要賠償，見到要賠嘅客都仲需要嘈先至有得賠，真係有啲R頭
但係我覺得職員最少應該同大家講句係咪安全

果個客咁手多
好明顯紅色盒breakglass 咁都搞

有D戲院會比回頭票，下次可以再來一次

以前好似發生過2次，唔記得睇UA定英皇既尖沙咀&銅鑼灣，中途響消防鐘，到完場有張爆谷劵；屯門岩岩開幕果陣D職員好多，多到好似上左飛機甘

在職員角度，我係佢嘅話都唔會100%信係個客搞出嚟，仲要成座嘢行一次，你想佢哋點樣代表戲院公司應承你啲咩

首先，fire link呢樣野
係商場fire panel首先睇到
戲院商戶都未必知
然後Fire Panel 只會睇到大約位置
再通知返商戶佢大約邊個位置著左Fire Alarm
商戶要揾邊一粒Alarm頭著左
再confirm係真火定假火，有無煙
唔係亂咁做疏散
會引起公眾恐慌
呢度一般都唔會係十分鐘可以confirm到
如果大家覺得有危險可以離開左先
再通知999

如果你見得好清楚
一開波就同職員講清楚邊粒Alarm著左
可以更快完左件事
因為職員真要用時間揾到
Confirm無煙無火先可以reset

現場職員發生火警鐘响,要等幾耐,跟住會點,其實佢都唔會知,都要等消防員來先知跟住點,換轉你係職員,個鐘一响,你都見到係誤按,咁你會唔會知要等幾耐?

其實我需要嘅，只係佢哋講一句，「已經叫咗消防員嚟要等一陣先至知」，或者「套戲會繼續播，等一陣」

可能職員係I人呢，咁咪唔想同人講嘢囉，你係唔可以逼I人講嘢架，如果唔係就道德綁架你

我撐樓主呀，處理手法做得差就係要指出，無得賴地硬，唔好吓吓都學政苦解決提出問題嘅人就當無問題

早兩年新都商場鑽野都有賠飛
依家咁樣冇得賠😪