返工打招呼 Hello
= 太風騷
等其他人知道，今日邊個大佬係度 。
Hello , 或者 早晨要加尊稱。。
準時放工 say bye
= 串緊人哋仲未收工
香港準時收工係死罪，但係啲人好鐘意開工時，停曬工吹水。。
開會叫你 input
= 你 challenge 佢做法
比機會你稱讚佢的 Input ..
問點解咁做
= 唔係真係叫你解釋
即係，係點解唔跟佢個套，呢個係死罪，佢哋的辦事方式就係公司的 SOP
Multinational Corporation
= 講英文，但中式思維做事
要求下屬講流利英文，只係表明佢哋受過高等教育，可以同西人溝通。
但係，佢哋仍然是“中國人” 。。
用問題答你問題
= gaslight 你以掩飾自己唔識
即係叫你唔好再問，你自己搵答案，佢唔識。。
點解要咁care其他人諗法 你自己想做咩就做 開心自信最爽
首先，唔知你邊度回流，又唔知你去過邊間公司經歷左咁大嘅創傷。
不過係我有限嘅人生中，返工同人打招呼，叫做禮貌。
人地唔高興，唔同你打招呼，係佢無咩禮貌或者可以話係佢地嘅喜好啦。
準時放工講再見，如果明知人地o緊T都咁講，咁講再見果個又真係抵比人憎嘅。
開會叫你input 就等於challenge, 咁嘅心態好似有句話，叫「玻璃心」。我記得大學教人做人要有公共性，要學習討論同合作，當中唔係教人如何「批判」嗎。難道西方大學唔教人合作同如何批判？🤔
比人問點解咁做，如果分唔出對方真心問定出於假意，咁想必家中嘅父母一定對好好，真係要孝順佢地。正常情況，如果公司問你點解咁做，可能係問緊「點解唔係跟佢果套做法」，如果係有諗法所以唔做，你用理據同事實去回應，相信公司會另眼相看（當然前提係，你做完真係帶黎正面效果，而且比佢地無手尾啦），如果咁都覺得你有問題，咁做落去都無咩意思。
學習量力而為，既自我又不過於自我中心，係一種功課。做人有禮貌係顯示教養，睇情況而選擇亦係一種智慧。我自己嘅經歷提醒我，思維唔好太二元，亦唔需要絕對化所有事物。
Any肥，工作加油，保重。
多謝你咁有心機嘅回覆同祝福✨
放心，我冇創傷，只係觀察再自嘲一下 ，
等我可以多維思考。每次經歷都係學習 😂
人哋點理解，係人哋嘅事。
工作上做好自己本份就好了！哈哈
我都祝你工作、生活愉快！😊
學會城府，是一種成長。
欣賞想做好本分呢顆心，的確，每次經歷都係學習，開放自己學習多角度思考是很好的事。
大家咁話～
寫多小小，主要係我唔想網絡文化只有批判，我認為網絡應該係增加大家溝通交流，而唔係得負面批評。～
樓主加油
任何英屬地區華人都係最後兩點：multinational corporation
講英文唔代表佢地westernisez
只係改用英文串你 🙇♂️
呢個時候我哋可以用返喺外國時被特訓嘅passive aggressive skills 嚟反駁 😂 反映咗學好英文嘅重要性‼哈哈