大家好，留意到各位對事件的關注，造成困擾或不良形象，對此深感抱歉。關於廣大脆友的不同問題與討論，我們虛心受教，並有幾點希望釐清及解釋。

牛池灣歷史固然不是誰人擁有，任何人皆可認識閱讀，而我們一直非常鼓勵我們的參加者發佈相關歷史資訊，以達到共同參與、以記憶保育歷史的宗旨。然而，導賞團行程路線安排、所展示的導賞材料，皆是我們付出時日和努力蒐集資料及準備所成。我們只是一間小機構（已作商業登記），在香港做歷史文化行業要面對很大的競爭，很多導賞團都是免費，我們不是免費的原因是因為我們沒有收取資助，可以說自己喜歡說的東西，可以做自己喜歡做的地方。如果歷史不能被包裝、販售、推出成商品與服務，我們恐怕歷史難以在時間的洪流、社會的變化、流動的遺忘中生存。我們提及與準備的不是隨處可以找到的歷史，我們希望付出的努力和心血能夠得到回報和支持。

留言續

我們所指關於拍攝的部份是導賞員手持的講解資料，在此貼文中關於「金碧酒家」的相片，實為我們親身拍攝。請各位仔細留意，圖片中右上角有人正在下樓梯，而右下角亦沒有紅衣女子。其實，導賞團內每一張用到非親身拍攝的相片或歷史圖片，我們一直都會指明出處。若有人不同意我們使用，我們會立即刪除，這是我們一貫的做法。

「尋思我城」是一間商業機構，我們推廣香港歷史文化，但我們也要支撐生活。我們希望讓更多人有興趣付出金錢以了解香港真正/隱藏/有趣的種種歷史文化。坊間有很多不同機構推出導賞團，我們很感激一直支持我們，以及願意付出時間心力金錢參與我們導賞團的各位朋友。我們樂意見到業界的競爭，因為有競爭才有進步，而每一位都應該為保證服務質素而堅持。在此希望各位脆友手下留情，我們會虛心聆聽正確和有理的言論，但還請不要嘩眾取寵，謝謝各位。

老實講 真係太虛偽⋯

作為路過的網民
岩岩去睇返原po主既帖文
照片layout design好有心思好靚
有溫度既文字亦係佢自己既個人分享

明明成件事係可以吸引更加多人去關注香港歷史 what a lovely post
偏偏你要岀黎留言「提醒」對方侵犯版權同有資訊錯誤
其實唔使咁passive aggressive
如果真係如你地口中所謂咁無所謂
當初直接留言話「謝謝你分享 歡迎下次再join❤️」之類 其實其他人就已經會知道原po主係join左你地個導賞團

如果係真正想保育同推廣香港歷史
其實應該會樂見更多人分享同討論先岩
而唔係一味怕行程公開會影響生意

更何況如果導賞團本身含金量夠高
又豈會比一個半個post幾張相幾段文字就取替到？
有興趣深入了解既人自然唔會吝嗇個少少金錢去join
相反淨係想去影下相自己去行下既人其實本身就唔係你既target客群

你好，你第一個留言給原po主，係誤導大眾係你哋公關災難源頭。

原文只有一圖有少少入鏡，你咪DM原po主先已可以輕鬆解決。

而入鏡嘅細相🔍🔍🔍，像素不足以分辦一構圖下係我影還是你影，道理就係何來知識產權？這 po回應同樣誤導大眾。

你不必用千字文留言及出po回應，更以法律之名去恐嚇我及相關人仕，你嘅態度同形象係你自己表現出嚟，大家好清楚。

行程路線都有版權真係第一次聽
公眾地方任何人都有權規劃自己條路線點行
姐係我幫自己規劃條尖沙咀一日遊路線，去完星光大道，再去太空館、碼頭搭小輪，啲遊行社咪又要告我侵權？？

我想大家共同的疑問是：你們對「知識產權」的具體定義是什麼？

舉例來說：

1. 如果我參加了你們的導賞團，之後把當天聽到的內容，用自己的文字重新表達出來，這樣算不算侵犯你們的知識產權？
2. 如果我參加導賞團期間，在同一處公眾場所——也就是你親身拍攝那張照片的地點——自己也拍了一張照片，這樣又是否構成侵權？

如果以上情況都算是侵權，那是否代表所有參加過導賞團的人，都不能分享你們所介紹的任何內容？這樣會不會形成一種壟斷？

我明白在香港創業並不容易，你們一定付出了不少努力去保存與傳播這座城市的歷史與文化。但值得留意的是，付出努力的並不只有你們。每一位參加導賞團的朋友，同樣付出了時間和金錢。難道大家的心血，也要拿來比較誰付出更多嗎？

明明係個好好嘅機會俾你賣廣告，咁都變到做公關災難，係犀利嘅🫡

小弟歷史系畢業，本身都對香港嘅local history 好有興趣。之前見過你哋page搞嘅活動都想參加，不過睇完你哋嘅回應之後我真係不了。
從你哋嘅字裡行間比我感覺係你哋重視商業利益多過真係推廣歷史。原po主個po無論係排版同caption 都睇得出係好有心機去整，遺憾嘅係你哋只着眼於其中一幅圖入面一少部分唔係好顯眼嘅「侵權」位置。
唔係話唔比搵錢，但係你哋嘅言論同行為都掛住商業機構同商業利益係嘴邊，係咪真係有心推廣本地歷史的確成疑

同為歷史系畢業嘅我覺得呢句好怪：「如果歷史不能被包裝、販售、推出成商品與服務，我們恐怕歷史難以在時間的洪流、社會的變化、流動的遺忘中生存」

你哋到而家都未答：如果講到咁尊重知識產權，點解你哋又可以用王家衛電影嘅劇照出post？你有冇問過電影公司？有冇買版權？

潛水左不了了之，可能研究緊法律追究大家😮‍💨

我有睇果個po，當時見到你個comment都有少少confused🤔樓主既分享係好有意義既

其實一開始講清楚係邊度有問題，唔好下下講一半唔講一半又唔指重點出黎，講到人哋好似用曬你啲相自己出post，其實大家唔會咁大反應

作為創作香港相關嘅嘢嘅創作者，好明白知識版權嘅重要性，同想更多人了解香港，但係唔需要咁快起曬鋼同將事件複雜化

講到自己咁辛苦咁日曬雨淋、咁重視版權，但係自己嘢都未做好（之前出嘅post有版權疑慮），真係好矛盾

路線安排不受知識產權保護，望周知

真係屌都嘥氣
我來回睇咗原post幾次
嗰到成廿張相 就係嗰一忽仔先係你地「自己影」嘅相
Ok fine 但路線都係知識產權wtf
想喺香港剩做歷史文化賺錢生存 你哋應該有排行
加油啦

其實有冇一張清楚啲嘅材料？原圖上面有着燈，佢嗰張冇着燈。同埋佢嗰張右邊有貼對聯同冇黃色牆腳，雖然佢可以crop，但有冇着燈應該係最明顯。

樓主由頭到尾都係用自己的文字、自己嘅方式，整理同分享，目的係想多啲人關注「有啲嘢就嚟冇咗」，呢個完全係分享，唔係偷你哋嘅嘢

而歷史點樣傳承？
咪就係靠唔同人不斷講、不斷寫、不斷分享，先可以令件事留喺大眾記憶入面。如果其他人一律唔准分享，咁仲算咩保育？呢個叫壟斷，唔係傳承
如果一定要俾錢先准講、准知，咁歷史、文化只會變得越來越小眾，越來越少人關心
你哋可以收費、可以努力經營，但你哋冇權冇權禁止一個人地用自己嘅文字同圖片去分享、去記錄、去引起關注

有冇懶人包，好懶嗰隻？

唔講以為牛池灣村係你買咗啊😂
琴日睇po嗰陣都已經覺得奇怪
原來人哋連po自己影嘅相都唔得

咁其實係咪即係成件事係起源係原post其中一張相嗰個黃豆咁大粒嘅導賞物料？路線我見原post冇標明，如果純粹跟返次序咁post都叫侵犯你嘅知識產權嘅話，咁我都冇野可以討論，講真，其實成件事都係取決於你地嘅態度，劈頭就拎知識產權嚟講，好似尼度淨係你地可以做導賞，其他人唔講得咁，先會令人對你地咁反感，希望你地自己反思下究竟你地帶導賞團嘅原意係咩

琴日睇到原post下面個comment，以為啲相全部係機構影嘅相，原post係偷相嘅。
點知今日睇到呢個post，即刻笑咗出嚟😂睇咗幾次呢間機構打嘅嘢都唔太明人地抄咗佢啲乜，睇完comment先明⋯⋯哦~原來唔係我理解能力嘅問題，係佢哋邏輯有問題😂😂😂

咁都得？咁平時參加永安旅行團啲參加者係咪都唔出得post 費時俾人抄路線啦咁樣咁小家？
原本睇到個post發覺係導賞團都想參加，因為參加者影嘅相幾靚亦形容得好吸引，點知你哋機構咁嘅回應。
其實導賞團嘅導賞員質素同講解內容先係最重要，呢啲嘢唔係抄得返嚟嘅，對自己嘅服務有信心啲啦，咁小家見到都唔想幫襯。

簡單總結，參加者肯應承你地唔可以post返導賞團內容而又post左就真係冇野好講，但呢啲城市導賞團唔俾參加者social media share 就真係第一次聽，仲口口聲聲話想推廣香港歷史文化，不如直接話想推廣自己個tour啦🤯 大好機會推廣自己個tour 都攪到咁😂

你地做嘅嘢係有心嘅，呢個無可否認🙂‍↔️ 但呢件事原先係好機會promote你地嘅tour，變咗公關災難，作為旁觀者會對貴機構印象極差，因為睇得出心胸狹窄，心口掛住個利字。

你行/plan路線/影/講解緊既係歷史and公眾地方。幾乎冇知識產權….

講白啲，如果我開間旅行社，copy晒你成條路線，講返同你一樣講嘅嘢，你都只可以硬食。

做旅行團係咁。有經驗/信譽嘅就做得。

講到尾都係用保育歷史黎包裝，打從心底怕有人商業登記一間導賞團公司，行返同一條路線，搶埋你地剩餘嘅生意

你哋系時間可以收皮了

連做人都未識做 啲處事手法同小學雞冇分別 得啖笑

參加過唔同付費/免費導賞團,又真係未試過咁既遭遇.. 無論係導賞者 還是參與者, 參與得既通常都係喜好歷史文化, enjoy呢個氛圍的. 如果你地真係唔想人地repost你地講過既野/show過既資料圖片,咁集合出發之前同團員嚴厲聲明好D. 但講真, 如果我參團之後翻去 自己再上網搵下資料/睇書補充下知識, 再po文, 又真係點分 你定我

因為一篇回應，令你呢間商業機構，失去左好多商業機會

冇join 呢個tour , 想知原po 係咪完全copy tour 個路線同簡介（即係tour 簡介過既野，原po 係咪就80% 寫番出黎）？

如果係，我覺得的確有問題
當然冇犯法，呢d 唔可以話咩知識產權
但setup tour 要諗動線，做功課介紹，呢d 都係心血

情況就好似有人copy 另一個人既travel vlog
介紹番完全一樣既野，甚至功課都唔駛自己做，說辭都一樣
另一個人又真係自己拍番一模一樣既野，唔可以話侵權既，只係冇品者
有心既，去完覺得正既，咪就咁po 相推薦人參加個tour 囉

原po完全講阿媽係女人嘅見聞，冇任何路線說明，只有一圖之中，有人拎住A4 Cover 入鏡, 好多人都影到嘅相,誤導人屈佢以為偷相。

加油

係唔係參加你導賞團唔可以影相放上網？
咁賣部菲林相機係咪淨係可以影相俾自己睇？

牛池灣，金碧酒家
有幾隱世呀？

如果強調自己係商業機構
係要倚賴市民去付費參加你哋嘅導賞團先可以令你哋持續營運
以嗰位樓主講嘅或者po嘅相
單純係分享緊感受甚至係可以令更多人去參加你哋嘅導賞團
真係有必要講到人哋唔尊重知識產權？
呢件事已經唔係涉及歷史誰屬問題
而係你講自己做生意嘅同時又要戴光環仲要去「教導」一個善意分享嘅人

直接講sorry係唔得嘅 寫咁大段含義模糊嘅嘢做乜 太造作啦 香港人有錯咪認囉

唔好講到你哋咁偉大咁有歷史任務
其實對你哋嚟講最好係佢拆之前除咗你哋之外冇人去
咁你哋就獨賺😂

商業考量可以理解
但扮到咁偉大 仲要拎知識產權嚟撻人就好鬼肉酸😂

建議：柒咗就靜

收佢檔啦，sorry，做人太串真係好Red Flag / Kam 🫠

原本琴日睇到原post個cm都拗爆頭，你今日仲要加大個公關災難😓

以為樓主 買起左成個牛頭角😂

侵犯佢地版權三十幾年
好驚比人告

上次我去朋友birthday 扒
喺門口影左張相 一陣佢又嘈😂

成件事好肉酸

一有‘我城’呢兩隻字既一概不理 。

路線點受知識版權保護，我真係太蠢，搵唔到條例，希望樓主指證我

口講歷史，實則為錢

個陣見到個cm都覺得 乜介紹都要拎批准？ 咁大支野 又唔係私家地方

撐咩姐😂同邊個撐姐，撐黎做乜

你好似黑社會收數？

寫到咁冠冕堂皇令人作嘔

其實公海留言之前可以DM溝通左先嘅

留名等睇關公災難

支持

好地地一個廣告
畀你個小編搞到變公關災難