奇人奇事，最近幫老爺層樓放租
個地產agent約咗我哋星期六睇樓，
問咗佢幾次，究竟約幾點，佢都答唔到淨係答我星期六
撞鬼你咩，我成個星期六喺屋企等你咩
有機會其實係可能租個客一直都冇俾到時間個agent，淨係講星期六😹😹
唔放鎖匙，你預星期六嗰台客一睇即中？如果係我冇嘢講😂
個盤擺喺度等人睇啲時間都係成本，當佢一個月月租$18000，一日都起碼$600成本
我都有同老爺講，不過老爺話唔放我都冇辦法🤷🏻♀️
咁層樓係佢，佢唔放心畀個 Agent
不過層樓係同村都近嘅，喺屋企行過去就係
會呀，嚟緊會搵呀
啱啱先油完油，原本都冇咁早放租
呢個agent係村嘅人介紹，推唔到
比指定時間個Agent, 唔好任佢安排你既時間
e.g. 我只有2-4pm會係單位開門, 其他時間睇樓要早通知另外安排。
係想做生意既agent自然會同你講返: 我個客要上午/下午睇樓,起碼你唔洗係單位全日。
需要等agent嘅咩？你俾啲相佢周圍發俾地產agent咪得囉。
佢約咗個客星期六嚟睇樓，因為我哋冇畀鎖匙 Agent，佢要約我哋開門，但係佢一直都係話星期六嚟，完全冇畀到時間。
你嗰啲人係咩名廈 出去租先俾條鎖匙任agent 上啦
老爺唔肯畀鎖匙 agent 🤷🏻♀️
所以先要約時間
我唔係第一次放租，一直都幫公司放租緊，
都有16個盤，地舖、工廈、住宅都有
有啲盤有畀鎖匙agent，亦都有啲盤冇畀鎖匙agent
人哋非常有交帶約好曬時間，唔使我下下追問🥺