宏昌閣一個住17樓嘅婆婆
大火當日15:06打999
嗰時佢已畀煙困喺廁所
但警冇轉駁畀消防、冇問單位
淨係婆婆「需唔需要消防」
婆婆以為救緊火冇答
警察講完「有需要再打嚟啦」就收線
婆婆最後救唔返

喺到記錄呢個通話時長約1分23秒嘅對話：

警：呢到999報案中心
婆：呢到宏福苑宏昌閣，好大煙，知唔知邊到火燭？而家樓梯口見唔到啲燈
警：消防已經到現場灌救緊喇，你有冇即時危險？需唔需要消防帶你走嗰啲㗎？
婆：我𠵱家喺廁所，出唔到去，太多煙
警：需唔需要消防幫手？因為而家燒咗一樓棚架嗰啲
婆：棚架燒一樓呀
警：係呀，消防⋯⋯
婆：我唔知呀啱啱瞓醒覺，好多煙
警：你答我，你需唔需要消防帶你走？你而家喺邊？我搵消防帶你走
婆：我而家喺廁所呀，啲煙攻入嚟
警：你答我啦，你需唔需要（消防）？
婆：我而家出唔到嚟呀
警：點樣出唔到嚟？你係廁所㗎嘛
婆：我喺廁所因為門口太多煙，黑晒睇唔到呀
警：你住幾多樓？
婆：我住喺17樓
警：咁你需唔需要消防？
婆：你而家係咪救緊？
警：係呀，佢救緊㗎喇
婆：哦，一樓棚架著火
警：係呀
婆：咁我閂晒啲窗，我喺廁所
警：你有需要再打嚟啦
婆：好呀好呀唔該你

其實有時啲老人家表達能力未必咁好，加上當時咁危急嘅情況下肯定成個人都慌晒。個條接線生就算幾冇腦都好，一個呀婆，再加濃煙，喺廁所出唔到去，係咪都已經可以自己判斷到需唔需要駁去消防搵人去救佢。你估個呀婆喺廁所屙屎唔出打999搵你傾計咩？人命嚟架！咁就冇咗啦！真係好撚荒謬

聽到婆婆最後仲好有禮貌咁同999接線講唔該，心好痛，眼淚流下來了...

點解可以所有野都係錯的

婆婆聽到救緊，以為好快會上嚟救到佢….點知等唔到😭
common sense 都知個刻係好需要消防，點解仲要問😭

指引係咪要當事人出聲話「需要」先會派？佢問咗幾次阿婆，但阿婆都無答到需唔需要🤔 而係咪因為咁，所以先叫佢有需要再打黎？
普通人就覺得，講咗就等你救。可惜因為無講「需要消防救緩」呢個key word錯過左生還機會🤧
（唔好鬧我，我只係推斷）

佢同婆婆講教緊，其實比咗錯誤訊息婆婆。指引係死，人係生，要識執生同要有最簡單common sense
婆婆一把年紀，係咁惡劣環境下，仲可以咁冷靜同佢地講「需要消防救援」。真係要靠當時接電話嘅幫手！

能靈活工作的人不會當公墓完吧🤣

俾個警察聽返，害死一條人命，人地仲要唔該你

其實係咪要講出「我需要消防」先救佢？
根本整段對話已經清楚表達出她被困需要救援
聽電話個位係聽唔明嗎？
聆聽理解咁有問題點解可以坐上這崗位？
救人熱線變殺人熱線🤬
呢個電話打咗仲衰（慘）過無打！

「有需要再打黎」
難聽過粗口😀

強烈要求而家在職999 接線生全部做（智力測試）🌚

聽証會已經爆出幾單接線生幾on 9, 吾講， 我以為call centre 搬咗上大陸呀！

唔可以相信有啲咁荒謬嘅對話。婆婆你盡咗力了，希望你安息🤍

個警察乜事，唔問清楚婆婆住邊個單位仲老點

聽電話嗰啲唔係警察

接聽 999 熱線係「警察通訊員」，當然係警察啊

如果撞車撞到半死，係咪都要答需要救護先會有救護😵

諷刺啲諗，如果你打999再講口號，分分鐘光速有國安嚟拉你，你反而仲快有得救。

希望婆婆做鬼都唔好放過個接線生！晚晚打俾佢！

阿婆以為有救

真係好癲，點解可以甘冷靜
吾洗救我打比你做咩？搵人傾計？

因為聽果個無人性，擺明係度灑阿婆！係你地以為聽果個傻，果啲人係咁仆街，你試吓去報案室一樣，講一大堆廢話灑你。祝果位人兄早日有報應。

唔係每個人都習慣講"我有需要幫忙！" 特別係老人家🙏🏻

呢份對話紀錄唔敢睇第二次，真係好絕望好可悲，件事簡直就係重演緊瑞士奶酪模型，一個安全管理體系點可以每一個環節都出錯，太過荒謬

有錄音係咪搵得到個接線生係邊個
可唔可以處分
我覺得唔可以由得佢walk free

私人機構炒咗10世，佢麼應該繼續出公帑害人

我覺得炒魷魚罰太輕
其實應該告刑事？
應該算Professional negligence ？

講到門口已經太多煙攻入黎 都仲唔需要消防救？

接綫生一定要聽到求助者確認為實，佢驚瀨嘢要負責。制度係死 ，但 ...... 😭😭

大家對於「消防」有唔同理解

警問需唔需要消防救你出嚟
但係擺錯重點喺消防（因為係第二個部門）

阿婆覺得需要人救我出去
唔係需要消防救火

聽到最後一句唔該你，我好心痛，眼淚都流左出黎

完全明白
我早排先打完過去999。因為男朋友唔見左部電話係的士到，但我係fps 過數埋單俾司機。所以我有佢電話，打過去一開頭仲有聽，講返部電話去到後邊司機就唔聽我電話，我就打999報警同佢講個司機拎左我男朋友電話，仲同佢提供返資料(本身已經同藍衫班警察報過案有mark低，返到屋企先揾到司機電話，再打999)
咁我同個接線生講我揾到個司機啦，佢亦都有認揾到部電話，但唔肯送返黎同拒絕通話。
接線生聽完:但我幫唔到你喎🙂
我: sorry 小姐你貴姓
佢:我姓黃
我:黃小姐，個司機承認攞左我部電話，我亦有佢電話號碼，希望想攞返我部電話。我打黎999，你同我講你冇野幫到我，咁你有咩用？

聽電話個個要驗下智商
可唔可以問重點
都話係廁所走唔到

有料到呢。。。
呢個人禍已經係全部嘢錯晒先可以發生
仲要勁到連999熱線都可以錯埋🤣

環環相扣，咁多嘢一齊錯個問題究竟喺邊大家都好清楚。

明顯睇到訊息落差，個接線生idea 似乎係剛剛燒起，無expect咁大鑊

呢單睇到好心噏...
個婆婆以為有人救緊...
嗰刻一個人一定好驚...
點知係比人hea咗...
一定要個接線生上庭聽一千次一萬次條錄音。成個系統都係荒謬！

不想再看到了，最後阿婆還唔該你😭，好痛心啊

聽電話個位訓唔訓得着?? 😡😡

好心痛 同殺人有咩分別？

點解呢個世界總有D 87 係都要人答「需要呀」至會做野，D SOP係咪僵化到咁，係要留個錄音至做得野？

難以想象佢嘅家人會幾心痛😭😭😭

😢😢 好心痛。 如有今日係現場聽到呢段婆婆生前嘅說話可能會更加痛心。

個婆婆已經好清晰表達咗佢屋內情況：啲煙已經喺佢廁所門口！佢唔會知道屋外有幾大鑊而判斷倒自己係咪需要消防嚟救佢！就算個接線生自己唔識判斷，佢都應該轉告消防由消防去處理！命嚟㗎！

做聽電話嘅工，諗呢度都有唔少人
有時啲西客打嚟攞唔到想聽嘅答案都會嘈到拆天
點解呢個關乎人命嘅對答
接聽嗰個冇事繼續出糧….又唔駛上庭……

接線員自己的母親有咁嘅遭遇佢會點諗？

見到真係極度傷心又憤怒😡！點解999接線生不停問需唔需要消防？之後收線？梗係需要人地先求救啦！點解唔立即叫消防？ 如果通知消防，婆婆唔使死。

我終於明白了點解宏福苑大火咁多人遇難，原來係消防收不到求救個案，令人枉死！

根本on9，老人家可能覺得消防係救火，警察救人。打999已經搵咗警察，佢單位冇火頭，鬼知你問咩消防？

接線生是男還是女？
可以調查下是警察屬下文職？還是外判出去的機構嗎？
明顯是人為失誤，警察會有甚麼追究？

睇到喊出嚟，香港人仲可以點其實

幻想到當時嘅情況😢老一輩係會比較容易相信他人怕麻煩到人🥲希望呢位善良嘅婆婆RIP

就算佢消息唔update唔知道燒到咁大劑都好 都可以問多句婆婆係邊棟邊層之後報比消防 等消防有餘力救援既時候即刻派人去救被困既老人⋯⋯

咁搞法我好難唔想像 每一日裡面有幾多個本身可以得到救援既老人家因為無講到「我需要救護車」而死、

正常都至少要問清楚婆婆位置.........

呢位接線嘅警察 呢個對話足以loop足你一生 希望你每晚都發個「好夢」

接線生低估嚴重性
婆婆誤會消防救緊火 之後會救埋佢

只可以講係悲劇

好荒謬…打得嚟求救仲問乜需唔需要 唔需要我做乜要打999

真係好荒謬，係咪低能到集結資訊評估狀況嘅能力都冇？仲要三番四次問需唔需要消防？！

個婆婆信佢信到要講唔該佢。。。