宏福苑聽證會，獨立委員會方資深大律師杜淦堃今日播放一名居民婆婆與警方999接線生的對話，聽證會上透露該名婆婆最終不幸因火災離世。
接線生： 你有冇即時危險，需唔需要消防帶你走？
居民： 我而家喺廁所出唔到去，太多煙。
接線生： 咁係咪，你需唔需要消防幫手呀？
居民： 棚架嗰度燒呀，一樓。
接線生： 係呀消防已經到咗。
居民： 我唔知，啱啱瞓醒覺，睇到好多煙。
接線生： 你就答我，你需唔需要，駁過去消防，搵消防帶你走。
居民： 我而家喺廁所，佢好多煙攻入嚟。
接線生： 你答我啦，你需唔需要？
居民： 我而家出唔到嚟。
接線生： 點解出唔到嚟，你喺廁所咋嘛？
居民： 係呀，我都去咗廁所，門口嗰度太多煙，黑晒睇唔到呀。
接線生： 你住緊幾樓呀？
居民： 我而家17樓。
接線生： 17樓咁你需唔需要消防過嚟呀？
居民： 佢而家係咪救緊（火）吖？
接線生： 係呀佢救緊㗎啦。
居民： 哦，咁我閂晒啲窗，我而家喺廁所。
接線生： 你有需要再打嚟啦咁樣，好唔好？
居民： 好，唔該。
接線生： 拜拜。
杜淦堃指出，接線生做法違背警方相關守則，他理應將通話轉駁給消防。
火災時負責消防通訊中心的消防處副消防總長黃思律表示，他之前沒看過警方守則，但據他的理解，該接線生做法是「唔應該」，「應該要轉駁」。
杜又指，接線生理應第一時間轉駁消防，「唔使再討論大唔大火、走唔走到？」、「好多時求助者判斷唔到自己危唔危險，佢唔應該問危唔危險？」黃一律同意。
睇完幾個宏福苑市民求救電話，究竟999控制中心嘅接線生接受咩培訓？ 有無足夠培訓？
試過男朋友個座有人跳樓，我地打去
接線生：點解你會知佢死左
我？？？？？？？
唔知依家啲接線生係受咩訓練。。
所以唔好講“死咗”，淨係話有人“墮樓”
你又唔係醫護、又無埋去摸脈搏
點知佢斷氣未
佢啱就派人過嚟執
個時我地住低層 清晨1月1轟一聲咁嘈醒我地
打開窗 見到平台成堆血流出黎
依個情況底下 我相信已經死亡多過仲係有氣息☹️
anyway 唔希望有下次會遇到同樣case🙏
不過會知點講 thx
玩black magic嗎家陣🤷🏻♀️一定要講「需要」先有消防
仲喺度嘥時間討論需唔需要😅
唔知道呢一位接線生需唔需要接受紀律聆訊、行政處分，甚至刑事調查呢？
婆婆咁有禮貌
仲關心消防員救火
驚阻住佢地
死於非命之人
都係受夠在世既險惡
可以離開呢個世界
最正路嘅問答竟然係比ai答到，唔正常嘅就係現實答到，真諷刺
點解會問埋呢啲問題，佢expect對方回答唔使消防救佢？如果係咁打999有啲咩用？
睇左第二篇無咁詳細講仲以為婆婆神智不清答唔到
點知原來個接線生聰明成咁🤯
咁都要問佢需唔需要，好心自己執生啦
我唔講你做999接線要有咩正義感定whatever啦
咁緊危既情況都唔識轉彎係都要跟程序等佢自己決定轉唔轉比消防
咁既款做乜工都唔會做得掂
即係公司指引答唔中keyword、magic word 就唔會得到救援？
接連生以為佢打去傾吓計？
999係咁用？
個接連生夜晚瞓唔瞓得安樂
想講呢，999接線生嘅廢，唔係今時今日嘅事，十幾年前已經領教過佢地幾咁冇腦！
大家有冇聽過丁利華報案條模擬聲帶
其實係一樣 咁多年都係咁嫁999接線生🙂↕️🙂↕️
老實講，做得差佬都係讀唔成書，個腦可以好得去邊？ 10個有九個都冇嘅，今次宏福苑火災差佬都好多助攻，百幾條人命，唔少都要分番啲功勞俾佢哋
接線生真係好典型政府部門/ 公營機構的官腔，唔會幫你做任何決定，多做多錯，唔做唔錯，但老人家腦筋無咁靈活，又如何清楚表達自己的意願
訓佢老母練咩，根本只係是9但請條友接咗個電話冇跌call就算
祝佢晚晚發惡夢聽返呢個電話🙏
我估可能之前有接線生俾人屌過：人地無講過有需要喎！你點解自把自為浪費資源去救人？唔該你解釋吓！
KPI 喺冇事發生，唔使follow up, case closed
要攪清楚係人嘅問題（無良心/懶/hea/蠢），定制度問題先（如果直接飛線過消防會唔會被媽叉係又飛唔係又飛？）
最好見個接線生出嚟解下畫
有次係屋企唔舒服call白車，話明本人個接線生仲問患者係咪清醒
而家係要教返佢地做嘢㗎。
打到去，話埋俾佢聽三味入面要開幾多瓣，仲要按佢習慣嘅次序報地址/事由/有冇人受傷/幾傷…
錯左會俾人截停，叫你「冷靜啲」，然後佢再問啲你一搭通條線果時已經講左嘅嘢