📌 尋晚趕尾班車俾差
共 61 條紀錄
尋晚趕尾班車俾差佬逗
差佬：讀緊書？
我：係呀
差佬 ：U?
我：Asso
差佬：俾啲心機讀呀 到時入返U 我就係成績唔好先做差佬
當年我啱啱考完DSE 披頭散髮咁去咗荃灣同人打邊爐
去到千色薈樓下比差佬查身份證
經過同你上面差不多嘅對話
最後個呀Sir講咗句：做咩公務員都好 千祈唔好做警察 兩頭唔到岸
廿年前我響自修室落地下被三個便衣 check袋。果時d便衣check還check，有禮貌仲會傾幾句，講下點解check我（因為我個袋有盒新波鞋，又話果時好多黑社會搵學生運毒咁）。
我當年同爛仔拍拖
條仔同佢fd 樣衰（堅樣衰）到日光日白係長沙灣道比差佬逗
我隔開少少望住佢地
其中一個年紀比較大問我係咪識得
佢查完我身份證同我講：
靚妹你係乖乖女嚟，同佢分手啦，返去讀書啦
當年中五準備考會考，我讀band 1學校，的確浪費極多時間係呢條垃圾身上，係機舖波樓通宵渡過
唔係即時分手
而係隔左一排因為我陪佢去機舖兩個幾鐘黑面
佢話之前都陪我睇左套冇興趣嘅戲，點解我唔可以陪佢
但佢冇睇到我付出；任何一次陪佢去機舖、波樓、酒吧時間都比套戲長
所以我決斷離開
我同佢講話趕緊地鐵尾班車
佢同我一邊落lift
一邊check我身份證
一邊同我吹水
最後仲有幾分鐘剩
我試過唔見包去差館報失
銀包入邊有張差佬優先取錄既紙
我咪照同佢講
然後佢叫我唔好入黎做呀 行內人勸吓你
然後我真係好乖咁冇做🙏🏻好彩
Ps2018前既事

透過志警成計劃去考，只係差視力未pass
去做完矯視之後就會直接收你
不過其實考完之後個考官同我講 原本我是但噏啲數字佢都會pass我🙄
不過我做完矯視之後我都係冇去🤭
作文
事實上好多大學生最後都係考老散
係街到d PC學歷分分鐘高過你
你竟然可以撞到
1/28000的機會
快啲買六合彩
冇所謂，李加超都係中五做差佬。你覺得外面好多好工等住你做？ 我幾十年前由大陸落香港時係彎仔等人，無拉拉比差佬搜身，我已經好配合，孖必其中一個，將我既銀包掟左落地下，然後問我咩鄉下，我果刻都仲細，我直頭呆左。 亦試過我返夜校途中截查身份證，兩個阿Sir,問呢樣果樣，問返學返成點呀。好礼貌。 呢個世界行行出狀元，亦都行行出爛仔。
入到大學之後就會發現畢業人工仲少過差佬，考警才是出路
呢個po值得貼去尋日定前日一個關於被警察逗既對話po度🫣
嘩，睇咁耐終於有一個正常嘅警察
我都唔記得咗到底有幾耐正正式式想稱呼一個香港警察係「警察」
樓主唔洗理啲廢中同網軍 佢地只係想洗底 事實就係門檻低左 但都冇話過冇大學生入去考警隊 成班衝出黎柒做乜
哦, 又作 潮濕文 ？！
依家 考入警隊 都有好多 係大學本科 甚至係 碩士畢業嘅 ！
教育係普及咗咁囉！
你以為 完成阿蘇, 再入返U, 就當你畢到業, 你會 毛喇喇 變咗尖子？！
唔好天9真喇 !
原來而家仲有asso? 大學唔係已經易入咗好多啦咩
以前差佬逗人好柒串架，依家想挽回警民關係，客氣咗好多。
covid有次係hall翻屋企係元朗站拖住個行李箱被三個差佬一個便衣好惡咁截住，要睇我行李箱入面有咩
跟住問我點解帶行李箱，依家都冇得出國。話佢係大學翻屋企之後佢係咁問我dse幾多分，以前點溫dse，溫書嘅時候有冇打機
最後見我唔答佢幫我拉翻埋個箱叫我走🤡
証明佢地專搵學生哥查身份証，比起南亞9因為學生哥風險少。
警察由以前到依家每曰都要請人。就係因為文化唔好所以咁
差佬career path唔錯架，做唔到署長，都可以做到保安局長，仲可能做到特首。
佔中後，19前 啲差佬都冇乜嘢，係on9左少少，而家就難講
員佐級警務人員升一級平均要15年。你努力讀書，大學畢業考督察。屆時，一邊努力工作，一邊努力擦鞋，保証你每月有可觀收入。加油！
Check你背景，食環掃街都唔請你，入去踎讀埋博士就有你份
佢哋有啲都直接「做自己」，講明當差只係一份工，捉唔捉到賊隨緣。落緊口供可以照嗌麥記外賣，勁chill 。口供唔識寫要我逐個字教，再問點解我識咁多字
因為我有讀書囉！
做 差佬 可能係冇得揀之中嘅 有得揀 睇人工已經高過做埋差唔多相同嘢嘅政府部門喇