小東邪遇到好對手：老師精甩尾 (2)

買完麥當勞早餐又返Office。老師又話我有一part錯咗，我話咁點？然之後佢教我點做。如果我要研究點樣做要一個小時，我尋晚太眼瞓，我知道老師教精我快過我研究1小時，所以尋晚決定瞓覺。今朝就同佢講唔識唔記得唔知。佢係只需要講三四句說話，清楚明白。如果我要研究以我嘅功力需要至少1小時。所以佢教精左我。所以我好開心。我覺得我精甩尾。嗰種感覺真係想楂架林寶堅尼掟過彎。嘻嘻

今日所有case搞掂晒，佢忙到爆又要見客。我梗係安守本分好乖咁等。點知等吓等吓放工✌🏻。執齊晒所有嘢，見佢無客無傾電話，我好友善同佢講全部upload晒，真係唔急㗎，唔使即刻check 㗎，下星期好得閒，下星期先啦。老師答：我已經check晒睇晒。我：🙄

老師少少認真：點解錯？
我忍唔笑左：係囉，點解？ （嗰part佢教）
老師又笑又奇怪：我都唔知點解錯喎
我忍住笑：你都唔知點解錯？
老師笑住：你返去同我睇晒佢，同我check出嚟點解會錯。
我笑住：你都唔知點解錯，我就返去check ?
老師笑住講：你返去check吓睇晒佢，我哋下星期discuss together 

我以為我精甩尾，點知老師一個爆旋陀螺兜個圈兜返返嚟就係都係要我睇晒佢。但係成個對話其實我哋真係覺得好好笑，我同老師都係笑住講。因為根本功課簡直就嚟自編自導自演咁。又要我返去研究，Model answer 錯自己Fix，而家連question都錯，又係自己fix，咁不如全部我自己由頭到尾作出嚟自己做算。而家仲話唔知錯乜，又要我返去研究，其實由頭到尾係咪老師對我一種測試嚟㗎….我開始覺得有啲唔對路…..其實測試唔係要我做好佢，可能就係要測試緊我搵唔搵到問題喺邊度，然後要我Fix。不過的而且確同老師嘅對話真係好好笑好好笑好搞笑。有一種感覺就係你精我都唔笨。