常見問題34

❓
我想買保險
不過我有xxx病歷
唔知仲買唔買到

👨🏻‍🏫
首先，大家要搞清楚一件事
醫生口中既無事
VS
保險公司既無事
完全係兩回事來

好多時我哋聽好多既病(我姑且統稱叫病)
例如:椎間盤突出，水囊，纖維瘤，脂肪瘤，大腸瘜肉，胃炎，食道炎，半月板，十字韌帶 等等等等

係醫生既眼中可能係
1️⃣定期檢查吓睇吓有無大到
2️⃣食咗藥，如果冇再痛，咁就OK 㗎啦
3️⃣你個情況好輕微，都唔使做手術，做吓物理治療就得㗎啦
的確，喺理論上，有好多時嘅病都係唔太影響身體健康
不過
喺保險公司嘅眼中係另外一回事

保險公司嘅眼中見到嘅就係有風險

用過最簡單嘅例子就係大腸瘜肉
有好多人都會定期自己去照大腸鏡
大腸瘜肉，絕大部份都係良性
但係保險公司嘅角度就係
雖然你切咗粒瘜肉，但係因為你有呢個紀錄
會有一個風險係患上大腸癌既機會會高啲

咁好多人就會話，醫生話良性喎，同埋醫生話切咗就冇嘢
喺某一個角度上面的確係冇錯

但係因為保險公司係計風險
如果你想買嘅，冇問題
好大機會(唔係全部)唔包大腸/大腸瘜肉引起既事情
隔幾年之後，如果再照到無事無幹
咁我哋就可以包返啦

所以有陣時醫生嘅冇事
同保險公司嘅冇事
係兩回事

所以大家緊記，醫生話冇事，而你又想買保險
記住，喺保險公司嘅角度，未必係無事
如果有疑問
請問返你嘅agent ~

有多科覆診，唔買係咪最好

未必係最好

保險公司會睇多方因素
咩病歷
有無食緊藥
食緊既係咩藥，劑量，時間
需唔需要定期follow up

有好多人其實可能係公立有幾科係定期follow up
例如你腰痛，就會sd你去骨科
頭痛就可能sd你去腦神經科
肚痛胃痛，就去腸胃科

但係其實問深入啲，全部都係啲已經好返/相對較小事
因為公立有個我自己覺得唔太好既
就係好多時其實無乜事都會排個期比你

咁保險公司見你要排期 就會覺得有風險
所以就算有多科覆診
都好睇係咩事