📌 弱弱一問，而家啲小
共 57 條紀錄
弱弱一問，
而家啲小朋友係咪一定會讀N班先再上幼稚園呢？
睇下你唔上N班嘅話 佢嘅生活係點
我FTM自己湊 想把握多一年時間帶佢去遊山玩水 睇多啲個世界 所以大仔無讀N 細女都冇打算讀
如果唔返N係工人姐姐湊 日日係屋企唔知做乜嘅話
咁返N最少老師帶住 知道佢發展情況 有固定嘅同學仔建立社交 固定嘅時間表同規矩
完美答案
見工人日日唔知同bb玩乜好，就想快快手上N班
N班是好東西
可以早d接觸校園生活
小朋友依家成日都想返學
見到老師同學仔都好開心
返n無耐就自己食飯
自動話要試戒片
仲講多左野
老母表示十分欣慰
咁直接幼稚園會唔會有跟唔上或面試冇咁易收 等等既問題呢？🙇🏻♀️🙏🏻
我自己本身做幼教🙈其實帶小孩子出去見多啲嘢，接觸多啲人，一樣可以好好學習，至於常規同各方面能力，就要靠媽媽適當放手比小朋友嘗試同從小建立，知識亦可以由家中去教導，咁當然N班總有啲好處，例如學習分離呢啲，可能就要多啲時間去教佢囉～
就係發覺好似..好多人都會上N班
5上好似會蝕底咗甘？🤯
我係因為工人姐姐湊，所以 1歲已經俾佢返Playgroup , 2 歲幾返N 班
主要係唔想佢日日對住工人唔知做乜
工人又唔會同佢傾偈，又教唔到乜
但如果FTM ，我覺得可以唔使，媽媽自己教就夠
返去同其他小朋友相處下都冇壞既
如果有發展問題更加需要返N班
我自己做得最正確嘅選擇就係比個仔讀N，不過情況因人而異～
我小朋友一直有上playgroup但我比佢讀N班係因為雖然我哋每個星期都會family day但一星期有7日 for me好難7日都帶佢出街 唔想佢成日困係屋企又想佢學下野 讀N班一個月先幾千蚊 可以識到朋友仔又學到好多野 雖然都好多親子功課 但我見到小朋友返學返得咁開心 就好值得🙌🏻
有讀阿 媽媽係想像唔到原來2歲人仔做到咁多野 例如煎蛋
我小朋友2歲都唔係幾識講嘢
未返N班前怕陌生人
返咗N班語言大爆發
好鍾意返學
唔怕人
我囡係十月B, 我唔捨得佢咁細個返學，所以無報 N，嗰陣時都好多聲音話唔讀N 好蝕底。
我輪班所以有時候日頭都可以陪吓佢 出去玩吓date 吓。2歲後有係星期六上一小時嘅嘅playgroup, 有時間會同同齡小朋友 play date.
到佢考K, 雖然係細B 不過表現都可以，7間有5間 offer，有私校有券校。
係呀我都聽到好多聲音🙂↕️所以諗唔通
咁你同囡囡好叻呀👍🏻
吾係 你都可以俾小朋友上playgroup
慢慢熟悉返學嘅環境
唔一定，睇家庭需要～我地兩公婆雙職～大囡歲半～弟弟就快出世～大囡一足兩歲即讀N班
唔一定。除非你心儀嘅幼稚園有n班，入咗先以確保k繼續讀到。同埋返n嗰幾個鐘可以俾小朋友習慣下返學、有老師小朋友一齊玩，照顧者又可以有少少時間做家務或其他嘢。
唔返唔會跟唔上k嘅，因為n班都未必有太多學術，係俾小朋友習慣分離同返學流程。
我哋雙職家庭得姐姐湊，所以一定讀N~返學好開心，最好就係學校會幫手戒片🥹 學自理同社交，都令我哋好放心~~
唔一定，就好似有啲上晝返一間幼稚園，下晝返另一間，真係冇一定
我冇打算比個女讀，連playgroup都冇報，覺得好睇你想搵咩學校同平時邊個湊，我係ftm+打算國際學校，覺得冇咩必要咁早番學，想3歲前比佢盡情挽🥰
呢個諗法幾好呀未讀書之前盡情玩😆之後有排讀luu 但旁邊太多聲音所以都想問一問🤷🏻♀️
我都一路見同月果d個個番哂playgroup又準備報n班，話冇壓力就假既，但不停同自己講勿忘初衷！
唔係，我仔無讀過N班同playgroup
利申：自己湊
有時間有心機就自己教，N班成日病，一個月起碼病1.2次
我係姐姐湊，有時長路上嚟幾個鐘。已經報咗n班仲要有延展服務的。好過喺屋企對住姐姐乜都唔識，又有小朋友同佢玩有老師睇住。
萬一姐姐走佬博炒，仲有學校延展服務可以頂住先，最遲八點湊放學
當年full time mum 自己湊所以冇上n 班，不過臨幼稚園開學前一個月有上playgroup 當適應下。有d 人會上分離班
返學要預計會大病，始終依家啲細菌病菌愈嚟愈多
睇你想小朋友個身體早啲定遲啲打仗
其實真係唔一定
因為我小朋友疫情下到N班年紀
最終上左二個月無上
唔一定，睇你需要
我就平日得姐姐湊，姐姐都冇太多時間同佢玩同佢講嘢。返N 後學識好多嘢，返嚟會同我講邊個係佢best friend。學校又好多活動好好玩。最正係老師幫忙同佢戒咗片，我唔使特別train 佢
如果自己湊我覺得可以唔讀N，自己帶佢周圍去，上親子playgroup仲好，但我係雙職家庭係工人加長老湊，我會俾bb讀N，weekend就帶佢周圍去玩
唔一定 身邊都有朋友無讀N班
turn out 社交 學習都無問題 一樣可以好好
上N班好在係有整整一年時間俾小朋友心理上適應，K1頭就可以輕鬆少少，唔洗同時間擔心佢番學會喊，唔適應又要開始學術上既野。
如果N班係近 又有英文語境 都值得上
看情況，睇睇小朋友思維、語言、行為發展好唔好，有冇哥哥姐姐讓他/她學習。
另外都可以跟其他新手父母交流下心得
我仔仔有讀n 讀n開始一個月後已經覺得佢叻左好多 然後就覺得決定讀n係無錯
唔一定要讀N班，如果平時長老或者姐姐湊就返N班會好啲，否則就可以返playgroup/分離班/自己帶小朋友出去玩
自己全職揍，大仔冇讀N班，K1面試時只有一間問有冇讀N, 認為影響不大
除非讀學之園嗰啲容易啲上K啦
我因為無得簡。我女有上。果時我間學校好好。仲要朝7晚7