📌 想知大家點睇入商會？
共 54 條紀錄
想知大家點睇入商會？ (No offense)
獅子會BNI 扶輪 商龍
作為一個BNI會友嘅分享，參考下
1. 要睇行業同願景，好老實講，我當你做餐廳，會友幫襯都係一千幾百，可能夠交會費，但如果你係到搵到好又平又好供應商慳左錢又做得好咗，搵到合伙partner開新業務 , 又係另一個玩法
2. 睇你點參與商會，如果只係諗住黎坐下，咁人地都係比下面你咁，要玩就向上走（領導團隊），識多啲跨分會嘅人，大數法則，識得人多，遇到貴人機會都多啲，就算識唔到人，個人嘅技巧同能力都有提升，記住唔好等人被價值你，令自己有價值先，機會其實都要自己爭取，想要就自己去拎
3. 雞棚呢，人生課程呢，喺唔喺商會都有，雞棚就有心呃你嘅，邊有咁易有破綻，所以睇自己情況，數字要清晰，心水要清，生意還生意，人情還人情。人生課程就睇你人生狀態，雞血黎，有人打咗會轉變幾個月，有人變好，有人變更差，如果人生走到樽頸位，可以去聽下，但始終實踐到先係你自己，嗰啲自我催眠，藥力有限嘅
入商會，好多人好多會睇直接既生意，往往好多會出現以利益行先既潛在會員，咁樣成個會既風氣就唔好。商會係做network marketing生意，會內係要建立關係，有關係先有長遠既生意/合作，出席會議就係產品/服務性價比引流，透過介紹去令人地認識自己係第一步，真正既係要令人將自己既生意推介去背後既人脈先係更長久。
另外，就係要增加資源，好多商會會員都會推出引流既優惠，如果懂得將資源放係自己既生意上，將生意做大，就算落個廣告都吸引過人。
當初我自己選擇左以上無提到既其中一個商會去入會(如果有人想了解可以pm），係因為每次係同唔同既分會對會，就算係同行，都會可以交流得到好多市場資訊，仲有多咗好多機會。我自己亦都欣賞係用獎勵既方式去recog會員，大家係build up 係一個輕鬆既氛圍去傾生意同合作，學習如何令自己既生意模式進步，做好自己既品牌。
利申：商會創會主席
大大話話從商近九年
由大佬級到上市公司到集團到小企
其實已經去到唔想識人既階段
個人認為浪費時間為多（E人可能enjoy)
Focus 做生意好過
邊有咁多可以合作
真係小數合作到既所花費嘅精神時間同收益係不成正比
最終都係睇你提供幾多價值
大部份都係大嘅睇你唔到
小既又幫你唔到
冇生意， 不如認真review下好過
不過如果當識下人
又有時間maintain 關係
拓展人脈冇所謂
因為見得越多人
就會令你越識睇人
以一個行業為例
當你識得幾十個marketing agency
同過十個八個傾過
你自然知道邊啲係有料
邊啲係無料
同時marketing sense 更精準
至於有冇生意真係睇做人 / 行業
（一係比面子你，一係硬需要幫襯）
其實生意忙， 根本就冇時間social
反而依加做得更好
當然有啲會，都係主打學習同個人成長
就 睇下你有幾多時間同精神🙈
試過俾朋友邀請一次去BNI嘅早餐會，之前已經Google過，知道佢哋係咩料有心理準備，but 我想去見識一下😂
.
結果一去到就會有一啲年紀好大嘅阿叔，人盯人、一對一咁樣，係我隔籬坐喺度，不斷咁樣喺度Sell我，話要我即刻俾兩萬蚊入會😂 留意返嗰陣時係朝頭早六點幾
.
跟住仲話唔參加唔緊要，你填咗張form先，跟住我話既然我唔參加的話，我唔明點解要填form ？
跟住就好似邪教咁樣喺度洗腦話，入咗就會點樣點樣有好處😂
.
同埋其實佢哋好似保險或者傳銷咁樣要跑數，一個新嘅BNI會員，到佢要招募其他新嘅人入會，佢先可以meet quota 
.
跟住我同個阿叔講，我話我係唔會參加的，跟住個阿叔即刻黑我面😂
以前十幾歲有跟美容院老闆去BNI食早餐
佢話帶我去見識吓😆🤣
自己覺得感覺還好而已
(不過嗰陣時打工仔身份又唔一樣)
但嗰陣時嘅老細好神心
次次都會去
覺得應該係有啲用佢先會咁
.
自己下星期三會去BNI早餐
(係台灣分會、可以網上隔空會議)
星期五夜晚嗰陣
會長仲特登邀請一啲得閒嘅會員
網上小見面一下
感覺到真係要自己比到價值
佢地先會真心接納
(咁都正常嘅老闆時間得咁多
都想留返嚟識啲高質啲嘅人)
不過後來聽佢哋講會入面有分子醫學博士
話相性同我好夾 到時再多多介紹
都係有啲屈機…
.
利申我自己覺得玩呢啲會
真係識人同擴闊視野大過生意，
但又生意/貴人呢啲嘢幾時遇到真係好難講~
價值係講緊 想法嘅有趣程度或者知識量
唔一定係金錢~
嘥氣，要入就入同行業嘅商會先有用，
去果啲商會，唔見有幾多係有Budget，
你諗下，入去嘅人都係啲黎識人
黎搵下有無生意，有無合作，
你同佢都係Hunter，你點期望到人地有生意俾到你。
二黎真係有大公司嘅一啲重要project
都會搵出面啲大公司黎做，
唔會搵初創仔，搵都係因為無錢，
睇下有無人肯做。
反而入番同行嘅商會，
有時有啲job佢地多job到做唔切，
就會派俾其他人做，
有實力嘅可以拍住做，
新黎嘅可以學住做，
反而啲商會就係一個行業得一間公司，
見到面大家都係鬥吹，
跟本無共同語言同話題，
跟住嘢又學唔到，單又細細張，
不如識多幾個啱傾嘅朋友好過～
要睇你入商會初衷係想多啲生意？定係拓展人脈？定係想學習？
BNI就明刀明槍，啲人坐底就同你講生意，
假以時日係一定會拎到生意額、但係太多阿豬阿狗入，人既質素每況越下，同埋要睇有官職既人既面色，兼且就黎加價、所有食早餐、早起身嘅都係你要考慮嘅成本黎
獅子會、扶輪、商龍多啲慈善活動，啲人年紀大小小，但具體操作唔太熟俾唔到意見
至於JCI青年商會呢個「商」，唔係商會既商，係商議既商，有好多創業既思維、技能、流程、落決策既能力、面對群眾公開演講既機會，透過做project 鍛練返黎，其次先到生意額。
希望幫到你🫶🏻
我最初初創業有入過 家陣公司發展到差唔多又入多次. 個人經驗分享
要睇你要d咩.
好初創d公司入去係冇咩用
原因係本來初創公司既所有成本就係比其他人貴, 好難做生意
二來比唔到value出黎 ( 生意係我穩定地比d野你, 你又穩定地比返d野我)
一單半單果d唔叫value
冇value自然冇人想合作
到公司發展到差唔多. 開始auto run既時侯, 商會就有用
你可以好易揾到十仔, 你比單佢. 佢自然會比返單你
當公司發展到差唔多, 律師好, banker好, funding好, 獵頭公司好, 車房好
自已都用得到. 識得一個得一個. 好緊要既支援黎
將所有成本，生活開支壓到最平
拖長自己執笠既時間係第一步
第二步係用平價接生意，賺唔到錢都唔緊要
要穩定既客源，有穩定既客源就可以同十仔傾數期
用數期令自己多返d錢去轉，再開始同銀行傾
冇老豆既生意就係咁做😂
我覺得入商會主要係睇你入嘅嗰一刻出發點係咩？
如果你淨係着眼喺搵生意，咁我覺得要勸你有定心理準備，因為有生意唔係一時三刻嘅事，我因為前提你都要有大量付出。
但換一個角度，你嘅出發點係着重於擴大你嘅人脈網、成長、學習be a good team member , good leader 甚至乎提升自己其他能力，我覺得係要加入。
當然，”加入”只係一個動作，喺商會裏面選擇嘅態度先係最重要，有正確嘅態度，你先會全程投入同享受！
利申： 參加過， 現時未有。
1. 人哋未必/正在幫你一單半單生意之際，你已經都要攞錢幫人，時間金錢成本，不如直接搵digital marketing 公司
2. 睇區睇分派，細嗰啲無人脈，個個等財神，你覺得識到佢哋有大作用。大嗰啲靠識人，都揀人，唔係專業人士，高學歷，公司特別, 未必入到。入到都唔代表人哋想識你
3. 唔係入到會=就得咗= 會有貴人幫你。試問好得嗰啲成功人仕，有無咁多時間玩會，佢哋要識嘅人，身邊已經齊備
4. 當見識吓，搵吓同路人，大家互相小幫忙一下，可以入一個半個，多就不了。
5. 小心狗公
獅子會及扶輪就做項目，識人攪下項目可以既，夾埋班大家想做野的其實無壞
BNI/商龍 就是一班想搵生意又唔想比生意人做的人去，結果就是不斷探其他會友、介紹街外生意比人做既平台，平台要經營，要儲分數，你不能只拿不給，花大量時間做經營及介紹
會費、早餐費、可能早上要搭的士、時間成本，攞得返當你贏
所有會都可以去下既，在不同事業階段，對不同人都值得去或不用去的原因
利申：我BNI會員
我覺得首先你要揀啱分會，然後再多啲出去外面識唔同嘅人，先會更多機會搵到生意。
呢個世界咁大，大把人剩係想攞著數，你有冇付出人哋係睇到的，香港BNI有五千幾會員，樓上好多人覺得啲老闆真係傻仔？
最後一句，BNI係個系統嚟，你識玩就有生意，你唔識玩，介紹邊個老闆俾你都無生意。
千萬唔好入J字頭，on9的
俾個朋友屈去過，開頭諗住俾少少錢入會，然後啲人就瘋狂利用你嘅行業屈你幫個會做嘢⋯
會裏面嘅老嘢也文也武，其他人仲逼你要對啲老鬼好尊敬⋯
最戇鳩係講明唔可以喺會裏面搵其他會員合作做任何生意，佢哋話佢哋係慈善團體喎，唔係商業為目的！
有生意既唔得閒入
無生意既入去搵
財自既入去聽人刷下鞋，
打下飛機😂
老千最多，雞棚最滿
幾個老千客都係商會元老😂
又話有獨家牌，獨家抽樓，獨家拎錶
獨家代理一切，
其實係財富轉移
入獅子會，
情願入馬會賭兩手
起碼都睇到期望值
入商會唔難，但要諗清楚自己想要乜。
諗住做生意既，諗下好喇。
識下人，飲飲食食，幫唔幫到手真心係運氣黎，但若果打算搵下老闆、識下老公既，可以試下既。
真係有用個啲會大部分都係啲要有專業資格先入到既會。
識有人獅子會，老實講真係勁嘅成功老闆唔會咁得閒所去join呢d膠會，自high搵笨加嘥時間。佢地去親果d都份要比貴會藉果堆，一個月單一個會費+開支大概10萬左右，一般會join大約3-5個。佢地會係呢d地方識人，多過呢d咁嘅會
Attend 過一次啲商會，冇入
自我介紹果時一嚟就俾人問佢哋搵我可以平幾多俾佢哋
可能我唔熟佢哋玩法啦，但俾我感覺係覺得佢哋要人入會係搵著數，睇下大家有幾多著數俾到，而唔係了解大家公司或產品有幾好
商會制度其實唔太岩只想做死一樣野的人，或者只係想搵END USER的人
做的野唔夠多同思維唔夠跳躍會搭唔到D新野出黎
玩得商會的人，其實好多都係識影分身做唔同行業，唔會做死一樣
講到尾係相性問題
唔介意乜人都識吓的話，其實冇乜所謂，始終識多個人冇壞，而且有啲嘢睇得越多，你會越清晰，問題係有冇咁多時間去Social。
但若果真係諗住搵生意的話，建議唔好嘥啲咁嘅時間。
值得入一次 但唔好諗住經營到任何嘢 唔好諗住搵生意 但係可以識其他老闆 記住入啲 Chapter 淨係 Owner 入
唔係二把手 唔係傳銷直銷
基本上只係適合一啲完全冇人際網絡嘅新手老闆
除非你係做開搭雞棚/層壓式 之類偏門生意要靠個朵搵人落疊， 如果唔係的話， 對事業生意無幫助， 只係識埋一班老人家話當年/睇班騙徒點搭雞棚/ 等國家搵上門比任務你
我係BNI 7年😂😂 由一開始係打工，到係BNI創業，再到依家轉型做科技公司。 我覺得BNI係一定有生意，但對我黎講，係搵一班夾既人，一齊諗下生意點樣做大啲。
其實想係商會搵生意冇可能，因為入得去既心都係搵生意。 就算有都係極低可能性，呢班人既需求唔係你既產品，係佢地產品既客，咁點會賣到你既野呢。
扶輪不是商會，您可以首先當識多啲朋友，有錢有時間可以搞啲Social Service
另外係您有料有資源就到到都受歡迎，您去任何地方打開手囉野就無人歡迎啦
最近見了一些人也很buy BNI 。
小弟不才，我覺得都Web 3.0 2024年，講緊AI，人地個個都做Social media, AM730報導香港迪士尼用Social media 針對性宣傳。
我覺得似塘水滾塘魚，十足相體大會😂
還不如係個呢到，同人講我係Freelance 做拍攝🤡👍可合作咁樣，可能仲有機會識到人。
大家鬥吹水冇野，唔好俾真心
唔埋堆根本唔會有生意，埋左堆有生意會俾你做，但要識睇人，龍蛇混雜
好多傳銷/直銷同保險
要睇你嘅 biz model，唔同分會入面啲人嘅質素唔同，所以要睇夾唔夾。不過總體黎講，獅子扶輪有錢啲，BNI 中小企多
認住呢條友 最鍾意去呢啲地方搭雞棚搵水魚
不停介紹話幫你間公司搭路去納指上市
實質有頭無尾過水濕腳
做生意本身已經好忙，所有會入去做Happy member，唔需要太投入某一個會，保持出現率，去到就去做到就做
我有fd做獅子會 bni主席
有興趣可以介紹你識
我係隔離睇，首先，你要好social，做生意應該有啲用嘅
比面派對
單打獨鬥入去就無謂
有board member 拉你入去可以考慮
入到去做平民只能作為“Body”一名
去過一次台灣BNI嘅活動
6點半之餘仲要人唔可以缺席
我第一個感覺係覺得似邪教活動
所以不了
老千搵食中心加成班個體戶扮大孖沙搵唔到錢既廢柴扮老細，改個名係商會就扮香港總商會咁
你呢堆咪個個都係搵生意，根本無人派生意。係功能組別有票嗰堆「商會」先真正R到油水。
睇你目的同投入程度啦，我入左BNI大約2年，的確係幫到事業發展，但真係要付出先有收穫
Local ones - mostly no except hkgcc. International ones in HK in general decent. Just my personal preference
一班好得閒又冇生意嘅人圍埋一齊r生意⋯⋯⋯⋯（我入過嗰個商會係咁囉）
商會仲生存緊證明係有價值
識玩嘅就搵到錢
唔識玩嘅俾你識到勁人都冇用
你唔 offense 咁我去我offense ，呢啲商會就係塘水滾塘魚，老千搵老千。😂
見識過獅子會大鑼大鼓咁去打卡…吖唔係，係做慈善，極度反感
圍爐取暖大本營。啲會好多都係互相利用唔係真心幫你
如果早起身同埋夠social就會發達，咁做看更嘅都係億萬富翁
睇你本身嘅business model
B2b嘅話有用
B2c就冇乜用
我就冇乜用
入過1年BNI，唔係行行都啱，如果你係當識多啲人係可以嘅