📌 感覺自己真係脫節.
共 49 條紀錄
感覺自己真係脫節.
後生既同事用AI, 十分鐘? 廿分鐘? 就攪出一個靚靚仔仔既 summary 做 presentation
自己呢? input 完 d data 俾 ai, 出黎既果完完全全無人地果d咁精彩. 我連入指令俾ai 都要問後生同事係點入先可以出到咁既output
真心係有D氣餒.....
成日同自己講, 活到老學到老. 希望快快趣趣同AI 成為老友, 減輕到工作量.....
一啲啲嘢
有啲後生以為拎住個 AI 好叻
同老闆係咁鬥用 AI email 筆戰
結果贏咗場交，無咗份工
你試下由呢D萬用公式開始：
經典萬用公式：RTFC
R - Role (角色)：你希望 AI 扮演什麼人？
(如：你是專業文案、行銷專家)
T - Task (任務)：你需要 AI 完成什麼事？
(如：寫一篇文章、修改程式碼、歸納摘要)
F - Format (格式)：輸出的樣式？
(如：Markdown表格、 bullet points、JSON、一篇1000字報告)
C - Context/Constraint (背景/限制)：提供資訊與規則？
(如：基於這份資料、風格要幽默、不要超過50字)
另外，如果你英文同國語都OK嘅，正如其他人提議咁 --
上 YouTube 睇片學或者 search 下免費的 online course 學下都會有幫助架
你亦可以「反方向操作」，
俾你心目中答案的 format圖，掉俾AI 問要點入 input 先會出到個答案
教多你一招，如怕自己英文講得唔夠精準嘅話，你照用中文打，但最後叫佢出英文答案俾你就得架啦~ 😆
最後：免費版 vs 收費版 AI 都有分別!!
所以俾心機學啦，試得多你就明架啦~
希望幫到你~ ☺️
我大您10歲, 做遊戲的
年青一輩, 認識的事, 一定是比較大
但, 您的經驗 + AI, 可以做得準
特別是, 知道「客戶 或 老板 或 合作伙伴」要甚麼
AI 能做一個項目 / 影片, 特別是我們做遊戲的, 可以在70-80%
但最後最論成敗的25%，要靠人，特別是有經驗的人。
AI 越普及, 產出的「同質化」項目一定會多, 而最終的差異, 賺不賺到錢, 就在最後的部份。
不一定要與年青人, 當做對手, 或兩類
可以與他們一起合作, 他們做好前期, 您專注在那決定成敗的 25%裡。
這樣，才能「事半功倍」
AI 要教，同埋…..要俾錢
免費仔嘅AI係好蠢
其實依家AI用返普通語文prompt就得，唔需要有咩特別技能。反而係你本身要有框架，有方向，先識點用呢個資源。
AI就好似一個junior staff，佢可以做簡單嘢，但會錯、會漏、會自相矛盾。你要知道點lead佢，要佢做咩，佢唔識要點引導，要check咩易錯位。
唔關年齡和是否懂得用AI事，是你原本就沒有如何做好一個presentation 的概念。
如果你有，你必定有能力指揮AI得到更加優秀的答案。
其實無乜特別，就係熟手，多用多試就有手感。其次就係要搵d 聰明d ge model 用。
其實好多時落prompt係中文擴充句子同埋寫rules俾個ai跟。千祈唔好花錢去外面學埋啲三流呃錢課程，你有心嘅，日日學少少，唔好學咁深入，日日都有新paper published同新model新platform。每個平台知用係咩方面最好搵返對應嘅prompt再自己擴充中文小作文就ok。
唔係要你了解透徹ai點運作，因為每個ai model都有少少分別，你要一路adjust，要想像自己係個manager/team leader，點樣交代工作俾啲下屬，佢醒目咪做得又靚又快，有啲ai識做但轉數慢唔夠精，同人一樣，慢慢教同講規則。你同ai嘅關係一定係一個上司對住一個有能力但要你監察同提點嘅員工。靈活運用到ai你就已經幫到工作，唔使好深入架。
一個日日ai，深度使用ai達5年嘅資深用家同ai model trainer。☺️
如果係我就專注返自己領域，不用跟車太貼🙅🏽
情況就等於黑膠碟，135菲林，被淘汰後若干年，而家又變返「潮流」。
有人話「閱讀」實體書本，若干年後將會成為「技能」。唔怪得而家咁多人專注閱讀。
我70後，兩個小朋友既媽媽，我反而係公司裏面較早玩Al果批， 我都係自己上網學 ，其實唔難，不要氣餒， 冇嘢係唔得嘅，age is just a number
今日我啲大陸同事先示範好多款大陸AI APP俾我睇，點做文件報表 presentation等等。真係快又靚仔我都好想學啊，不過我對大陸Ai就怕怕😆
有心學真係好快！信自己做到嘅💪🏻
而家啲Model真係越嚟越聰明，所以好快上手。
我哋80後由以前56K寬頻到而家AI，全部都可以順利過渡，自學能力一定冇問題🫶🏻
有香港youtuber拍片教點寫指令，自己睇片學就唔洗太麻煩人
講個故事你聽，有日行街聽到有後生女講，話而家interview要考佢打字，佢同啲fd一齊覺得CLS，話語音就得啦。我想話，好好珍惜你呢個”睇住電腦發展”身份，我哋係跨代野都識，唔好話精，但唔會咁易輪。AI落prompt，可以睇多啲reels/youtube，唔好期望乜都出得準，人哋放上網唔會講gen咗幾十次先成功。AI係大勢，當佢係一對手，但經驗係屬於你自己。加油！
你可以將你需要既output用bullet point既形式整理出黎交比AI，一黎幫自己整理思路，二黎AI可以跟住你既要求輸出
因為bullet point可以好精簡 唔會好似打一大段文字咁有有多廢話變成無效指令
你既經驗係後生冇得比架 就算AI整好之後，你都可以一眼發現問題同唔合理既地方，知道點樣調整
睇AI model，好既model 好易gen 的
加油！ btw 見到呢度d comments，開心其實香港唔係得mean 人❤️
後生用慣電子產品 打慣機
AI解難好啱佢哋呢個時代嘅模式
唔洗同佢哋硬碰
keep住問keep住學就得
出summary唔洗好高階嘅AI
反而要花時間研究點同AI溝通
用啱嘅框架 方向
可以避開佢帶你遊走去第二到
簡單啲嘅話 你upload份人哋靚嘅嘢
叫佢分析 點樣出到類似嘅風格
再叫佢比份prompt嘅guidelines你for下次用
你有呢個感覺同埋行動力，證明你已經唔會係脫節果班人💪🏻💪🏻💪🏻
入prompt 會慢慢越入越順🙂
上網都好多reference
佢哋就算十分鐘做到出嚟都要時間check 同執
AI有排都未到做完可以唔洗check output 就咁交貨
加油!
可能人地係用緊高月費ai 自然乜都高質素好多啦～我覺得就同年齡無關，幾個ai巨頭老闆or工程師都唔係特別年輕果輩，加油啦～
表面可能係咁 但當你有好多需要用腦 創意 人性嘅工作 對比就即刻出返嚟
或者做做吓冇電 壞機 淨係識用AI嘅人就只會企喺度 唔需要妄自菲薄 要認清自己真正嘅價值所在
你會咁諗都好呀
真脫節應該係學都懶得學
剩係識話自己適應唔到
你有心學跟上已經唔脫節。我有些朋友到現在都沒用，不理解。
我見到更多on9 求其 ai 完， check 都唔check就交，然後俾老細屌到七彩
有啲就睇到AI 份嘢覺得好似有文有路就當諗完，但其實AI 答案係東拼西湊，有部份唔啱用但佢無能力分辨，又係俾其他同事執到七彩。
反而你嘅經驗先可以判別到內容嘅質素
一齊學！我有朋友教班呀你有興趣可以send details俾你
而我所知， AI都係鬧出黎，話下佢就會變你想要既野，但上網搵 model 都要
初初係咁，你唔慣咁樣命令「別人（AI)」做嘢，用吓用吓就會知咩prompt、點寫、俾咩資料，出嚟效果最好。慢慢連吩咐人哋做嘢都會越做越清晰😂 堅持！同埋多啲搵方法改善就好！
咩料呀？！
你當AI係freshman，唔講清楚每一步就唔識做，最緊講重點，未掌握到keywords嘅話就有咁詳細講咁詳細咪得囉！
唔識咪問返佢轉頭點講好d囉！咩都問就得得架喇。
又唔好話脫節
而家個代倚賴晒AI， 可能出嚟嘅結果佢哋自己都唔明。
你有經驗，你會知道AI俾你嘅嘢用唔用得着。
你依家同佢哋嘅差距只係對工具嘅熟練程度！ 咁呢樣嘢好易追上佢哋
如果AI無幫助到你，咁不如用返傳統方法做？最重要係你本身個腦入面都有個great idea。用AI定PPT，都係工具啫，唔洗勉強
Ps我見到notebook lm gen出嚟嗰啲就頭痛，通常好難閱讀
唔好氣餒 真係熟能生巧
ig & threads勁多用AI嘅攻略
勤力啲勁嘗試
好快就會同AI fd左
我自己都係收藏勁多AI教學狂試