📌 我一直覺得由學生到結
共 48 條紀錄
我一直覺得由學生到結婚嘅人好慘
因為佢哋冇得再去體驗其他人
成個青春只係比咗一個人
唔夠膽想像係有幾無聊無趣
唔係無得
係人哋無咁嘅需要
有啲人一pair走到白頭，有啲人尋覓過幾次先搵到真愛
本來只係緣份亦無分對錯，但你用嚟定義其他人嘅青春有無趣，狹隘咗少少咁囉🤏🏻
我自己就係咁，超級後悔
18歲拍拖，29歲結婚，36歲離婚
其實我哋感情唔算差，一直相處都好
可惜敵唔過時間，去到某啲位真係想試吓其他人，我都尊重佢
而家離咗婚就拍返晒前半生冇拍過嘅拖，雖然會離離合合，但絕對唔後悔，仲覺得非常爽😂
其實拍拖係一個了解自己嘅過程，只要你有反省同埋肯去搵，理論上係會一個比一個好
我覺得啲有錢仔有錢女都好慘
體會唔到搭飛機坐econ嘅熱鬧、食M記加唔加大嘅掙扎、忍辱負重俾老細屌嘅貼地感
唔夠膽想像係有幾無聊無趣
咦，戲真的有點多了，幫埋人地諗「覺得好慘」嗚嗚嗚那真的好慘，指你哎
用自己認知去猜測人地真係好無謂
就好像不結婚不生小孩的人嘲笑進入婚姻的人一定會很不幸福一樣
就好像喜歡社交的人嘲笑獨來獨往的人一樣
尊重下個體差異啦，這個世界的觀點只有相對的，沒有絕對的，不要把自己的看法加於其他人身上
睇伴侶質素。我係青春比同一個人，佢有顏值+情緒穩定+有實力+善良+温柔+懂得感恩和分享，咁我仲乜要再體驗其他垃圾？
我係未婚夫初戀
有日我問佢：世界咁大，咁多棵花，你一揀就揀中我，會唔會覺得未夠喉？你本來可以經歷更多戀愛
（唔係出陷阱題，純好奇想知佢睇法）
佢答類似嘅嘢：第一次拍拖就同到你一齊，我就係世上最幸運嘅人。我淨係要你，對我嚟講你就係最好嘅花
緣起緣滅皆是緣
遇到啱嘅人，且行且珍惜
幾千年前佛洛伊德已就此打過譬喻，佢叫學生走過一條田野小徑，穿過期間如果認為那是最好的一株稻草，就拿定在手不能再選。結果，有學生害怕不會遇見更好，一早就拿下，一路行一路後悔；亦有學生因為害怕唔知下一棵唔知會唔會更好，最後行完條路一無所得非常納悶，佛老話這些都是婚姻。
主要睇吓對方嘅靈魂有唔有趣，有冇好奇心一齊去探索世界。一年換一次伴侶嘅人，都可以極之無聊日日鳩流流唔知為乜。
如果你指嘅體驗係身體方面，有聽過｢享樂主義｣吧，其中一個副作用就係好容易變為性冷感。
也是，也有同事抱怨很年輕就與同學結婚什麼也沒試過(但他有偷嫖還好意思說)。
相對來說，我38歲才結婚，雖然37才初脱單(也只有一次拍拖)，也從沒嫖或約炮之類，但我喜歡自己找對象的過程，先後與十幾個女仔網聊/約飯/約看戲，這些都是有趣的、增進對自己和對異性了解的經驗。
唔覺
樓主冇遇過幸福
我覺得你好慘好無聊😮💨
係幾慘既…
冇機會感受分手既痛楚
冇機會體驗同唔啱既人一齊有幾辛苦
我地依啲只係溫室入面小花 只係識得幸福
😞❤️❤️❤️
我同之前嗰個一齊17年，散咗之後先發覺，原來個世界可以好多姿多彩同美好💕
但係我都無悔嘅！每一個人，都會教識我一啲嘢！ 我而家每換一個男朋友，就係覺得自己增值咗😂😂😂
但係當你第一次買六合彩就中頭獎 唔開心咩
同啱嘅人一齊 無論做咩都係有趣嘅
我16歲拍拖,拍左10年，而家結左婚2年，仲係好愛對方，完全唔覺得悶，因為我地會成日去旅行，一齊做運動，參加下唔同既活動，最多時間就係一齊係屋企睇下電視煮下飯仔，其實夠愛一個人既話你唔會覺得無聊，因為你覺得無聊就自然會諗下有咩可以一齊做
完全冇意欲想同另一個人再經歷拍拖，我會寧願揀單身自己去闖蕩下😂
因為你冇真正嘅愛情，所以你覺得拍拖就係同唔同人玩煮飯仔
講話咩一開始走到白頭，一開始搵到真愛嗰啲，正正就係你講既人既一啲盲點
唔係每個人都想一開始走到白頭，亦唔係每個人都想搵真愛，亦可以係體驗過後先搵真愛自甘心
最終有個好結果唔等於個過程唔重要
25歲至初戀嘅我，依家已經同唯一一個男人過咗21年，大家一齊生活一齊成長，係一種好簡單又珍貴的幸運/福。
你遇到啱嘅人成為soulmate日日都好有趣
唔啱嘅人咪又係吃喝玩樂 隔一排就厭😂
想體驗咩其他人，笑死，
即是想出軌，甘幾時都可以出啦
唔通玩到七老八十先黎搵真愛？
人大左心態唔同左，就會用條件黎搵，愈老就更難出現靈魂伴侶，更多既係何伯何馬
建議年輕時搵到唔好放手，一定後悔
遇到對嘅人唔會無聊無趣一齊10年20年30年，日常都可以發掘到好多有趣嘅事好開心。相處仲會有好多，只有大家先知嘅笑料。甚至乎學生時期建立嘅感情先係最純粹，你唔會睇對方過多嘅條件，只要人品三觀合，其他嘢都唔睇，係鍾意就鍾意，成年人愛就睇更多嘅條件。身邊好多由學生時期走到而家嘅情侶，6-10年嘅都有，都好甜蜜，甚至乎已經訂婚了。反而畢業後先拍拖嘅朋友，反而冇咁長久，通常1-2年。
我唔想係judge你 都有朋友好似你咁諗
但就好似音樂家玩樂器咁
佢哋日日玩同一樣樂器 如果嫌練一首歌太悶咪練另一首 練下第樣曲風 佢哋點都可以喺練同一樣樂器當中搵到新意
咁當然都有音樂家半路出家學另一種樂器
但識一種樂器嘅音樂家 從來都唔會覺得自己唔識另一種樂器會過得比較無聊無趣
佢哋仲未知要對住同一個人幾十年係一件咩事😵💫😵💫
On撚9 結婚被迫咩 慘乜鳩😂 同你周圍體驗吾同人都有後果啦 以為下下剩係得好咩
總有人鍾意童話嘅
但我就完全一d都唔想
唔揀過 點知咩係好
唔覺得啊 我覺得好幸福
係啱嘅 唔使再去同其他人試
19歲拍拖 28歲結婚👰🏻我明你講咩 但係長久既專一更加難能可貴
都唔係嘅 當你真係係啱嘅時機遇到啱嘅人
自然就唔會覺得冇得體驗多幾次拖
肯定係恨不得下世下下世都同佢一齊
你以為，可能人地真係好愛對方，唔需要所謂嘅fun同開眼界
最驚明明對方夠好都因為哩啲諗法放棄關係，人嘅品格>>>>>>>>新鮮有趣fun
遇到岩既人就唔會想去體驗其他人🤣
反而覺得專一可以解決好多問題
祝你快啲遇到岩既人～
吓 拍長拖唔一定等於悶
好爽喎少好多drama
分分合合唔代表就有趣😂