📌 我冇諗過個女得3歲已
共 70 條紀錄
我冇諗過個女得3歲已經會面對欺凌，黎英國時佢讀半日nursery,頭頭番得幾開心，半年後突然又唔肯番學，唔肯去breakfast club ，但當時可能佢太驚或者未識表達，佢唔肯去breakfast club 我就由得佢，每朝番學好似生離死別咁，但係因為之前係香港番學一年都係咁，所以我以為佢又分離焦慮，直到升左reception,有一日突然間沖緊涼，佢提起一個男同學名，佢話係year 1 (佢地係reception 月同year 1同一班一齊上堂，同一個班主任），話個男仔用波掉佢，踩佢隻手，有時會佢玩玩下破壞佢砌緊d野，仲有好多，最令我震驚係原來個男仔係佢nursery breakfast club 同佢講左d好難聽說話，令佢喊，之後佢就唔想再去breakfast club .
我有心理準備將來會面對呢啲，但冇諗過係3歲，我即刻搵佢班主任，佢話會嚴肅跟進，但最後冇下聞，之後我間中都聽到個女講個男仔點點點，但我一直都係買書比佢睇，教佢要搵老師，同佢一齊示範點做，但給終佢得4歲，又係咁敏感，真係冇咩用，直到幾個月後，個女同我講個男仔偷睇佢去廁所，我又再搵佢班主任，佢又再講一次佢會跟進….
另外想講我女兩歲左右果陣去playgroup玩，會有隔離nursery啲staff帶埋班細路黎一齊黎玩。果陣有個細路女（4歲左右）係咁跟住我個女，開頭以為佢鍾意同我女玩，但之後開始發現唔對路，佢會大力捉住我個女同想屈我個女隻腳板。我當然即刻阻止同帶個女行埋一邊，我無鬧個女仔因為我諗住佢仲細係無心，但個女仔仲跟住我地。有其他媽媽見到即刻幫我引走個細路女，之後啲媽媽走埋黎同我講話佢地都覺得個細路女有問題，仲幫我同個host 投訴。個host即刻同nursery staff講仲同我道歉，要nursery staff帶走個女仔同之後都唔可以再參加。再下一堂個host同我傾計果陣，佢同我講話原來個女仔嘅行為係一直有問題，佢都試過整到其他nursery入面嘅細路🫠
你不如搵人同你個女 home school 算啦 😪 船頭驚鬼，船尾驚賊，淨係識得投訴 😪 不痛不癢我係校長都話之你死。你以為學校係法庭？早就該教你個女還手啦！個鬼仔已經話咗俾你聽細路仔做乜都無後果啦。依家唔打交唔通等到夠稱上少年法庭嗰陣先打？你個女篤兩嘢就喊咁好玩，個鬼仔梗係日日都當你個女狗咁撚啦！說算你唔叫個女還手，你自己都好親自去兇個鬼仔同小埋佢老母無家教啦！然後你仲要諗埋親戚個女添？你依家自己個女都未搞得掂你諗埋人哋嗰份托7咩？又唔見佢好出嚟幫呀表妹出頭？做咗傻仔咁耐仲信公義係天跌落嚟、去到英國就係講文明講法治？你面對現實啦呀媽媽 👩🏻
講得幾啱，同意你講法。
其實如果小朋友心理上而家唔想返學，可以考慮home school一排，等佢情緒好返啲先返學。再者，我係建議還手，就算係唔啱，但都係要保護自己先。啲鬼仔係咁賤格，你愈淋善，佢愈要蝦你，真係……要面對現實。
英國讀state school唔好期望太多，政府窮，老師人工低，人手不足流失率高，根本無可能「嚴肅跟進」欺凌事件。
每次投訴，老師可能跟進一陣子，過後已經無暇理會。如果在中學投訴受欺凌，面對的結果更可能是被報復，甚至被聯群針對。老師不可能整天跟著被欺凌的學生上廁所，廁格施襲是報復慣常手段。
英國教育一點也不理想，要得到理想的英國教育缺不了錢。花錢搬到有高收入人士聚居的貴價地區或讀私校，雖然不能杜絕欺凌，至少可減低受欺凌的機會，學校也有資源處理。
有時間看看BBC的《Adolescence》, 可以大概了解一般state school中學的問題。
補充一點，貴區state school一樣是政府資助，老師人工一樣低，不過學生來源自中產家庭，問題學生數目較少，教學團隊比較穩定，老師較多時間照顧學生。
中學當然最好是讀Grammar school。學生全部經過11 Plus 考試篩選，一般家庭教養不嚴的孩子跟本考不進去，能考進去的大多是有資源，肯讀書的孩子，欺凌問題自然比state school少。
我好明白，我小朋友喺香港讀國際學校，初頭返reception好開心，後來就麻麻地會講比我聽某個鬼妹同學對佢好mean。雖然我女成日講，但當時我都係同佢講對方可能唔係故意唔係咁嘅意思等等就算，直到依家小朋友大左，佢先講得清楚比我知當年個鬼妹點講嘢同點對佢，佢亦會好清楚個鬼妹係特登同真係好mean….我係有d後悔當時冇早d介入同老師傾，好睇後尾個鬼妹轉左去另一間學校讀。不過咁，我覺得其實間間學校都有呢d情況，只係自己遇唔遇到，但如果發現問題校長老師點處理係最重要，如果老師唔會理，我覺得要轉校
點解d小朋友會咁，我女學校好多呢啲style , 係老師面前會behave 好好，但對同學就好rude
我唔知呢度有幾多係度留言的人真係係英國+了解英國校園係點，千其唔好用香港果套，聲大夾惡係度無用
我睇普遍話要send比校長，攪大件事，係度完全無作用，只會標籤你為麻煩友
連local遇到呢啲事，一係同對方家長私了，同學校講係唔會有用，所以佢地真係想要正視會搵啲報紙，local community，佢個社區啲區報之類去協助，用外力去捉進件事
經學校投訴，你寫一百封emails比校長都冇用
想攪大佢，就搵啲第四權幫手炒熱度，mp其實都冇用，因為呢啲太過common，佢個個都理，佢唔會得閒
想低調就轉校啦
信我， 搵chatgpt 幫你寫封email, 字眼要嚴肅， 同chatgpt 講返你囡遇到嘅所有問題， 同埋邊位老師聲稱話要跟進但無左件事。
然係你要寫埋： 你女而家有陰影怕左返學， 如果學校無任何答覆同回應， 你會直接同政府同傳媒跟進！
然後email 俾佢學校校長！
信我！ 佢地好懶同hea, 你要咁做先會理你！
而如果真係成星期都無理你， 你問chatgpt 應該email 去邊度好， 佢會教你， 實有用！ 快去做左先
我個女同學，year 1 因為搬屋轉校，結果幾個月後因為俾人bully又轉返返黎。突然覺得好彩呀女學校幾好
又係我個女同學個家姐，我見佢返學喊晒咁，原來俾人bully 唔想返學。同呀媽傾左陣話學校成日都話keep an eye on it, 但完全無改善。先發現其實間間學校都處理唔到
轉校幾乎係唯一方法。另外以上講俾我聽嘅都係英國人，唔使覺得新移民專登蝦你
我都有問其他被個男仔蝦ge 家長，佢地都係淨係同老師投訴，冇其他辦法
個男仔仲要蝦過其他人，其實好大問題，唔搵local children's social care team?
我個仔俾個同學仔用iPad 打甩牙。我老婆send曬 email講到明要人地個細路仔轉班
之後人地老豆走嚟同我道歉。我無屌7佢。我只係講，你個仔都做左，我可以點？要知道喺英國，你唔接受人哋既道歉係最好既懲罰。
之後我就不停洗我個仔既腦，叫佢咪再同佢玩。
我個仔year 4.
喺英國，記住一定要日日寫email轟間學校。再唔係既就上埋council!
呢類問題我suggest轉校, 我都經歷過向學校反映問題, 但學校唔覺得係bully而輕描淡寫咁帶過就算, 最後我堅持轉校, 轉校原因寫咗一大段嘢俾council, council 派咗人去學校查+要求出report, 最後轉校成功依家小朋友返學好開心, 我都好感恩自己有take action, 我小朋友都係nursery & year1, 佢地對個學校環境唔覺得安心, 又唔太敢表達, 真係幾時捱到year 6
日日接放學都問跟成點
繼續約見家長
見家長既時候可能你會唔開心喊 。係無問題架
日日都問點 。我個女有冇俾人蝦
記得要日日問 。你唔問佢哋不了了之
佢哋個樣好似好關心你好似會跟進 。
佢哋得個樣…你一唔問佢哋就懶理
所以一定要日日問！
問到佢主動同你講你囡囡既程況點
最後囡囡真係好唔開心唯有諗轉校
媽媽，我睇到你嘅回覆就明白點解你個囡畀人bully。
你又怕影響人哋，又怕畀人標籤，投訴得太軟弱。最重要嘅教育永遠都係身教。
你有冇直接搵個家長confront佢？
同埋去到怕咗返學已經不能接受
Google Review唱衰間學校同直接投訴監管機構，race card 唔怕用。
世界對你凶狠，你一定要惡過佢。擇善固執呀
你係要揾個男仔呀媽 個呀媽對自己個仔既提點 點都會嚴厲過老師 個呀媽唔理 就直接去揾個細路講咁樣唔得 通常呀媽反應好大 個小朋友唔會比人蝦 佢會識反應 學番你反應就你要大咁教化個小朋友
同時 要寫email 去學校 要求會面 期間要錄音 話要冷處理會escalate 行動 煩到pk 佢地就唔會當你臭4
老師表面上是有保護我的小孩，最少係佢地立場上佢地覺得係，但如果我係放學時走上去搵果位男仔，老師一定會行過黎阻止我，因為佢地同時都會保護果個男仔，而且果個男仔係周圍蝦人，我唔知佢有冇特別需要被照顧,如果我講2句，佢個家長可以投訴番我令佢個仔受傷害，呢個就係英國😵💫😵💫😵💫
你表面拎住包糖話請佢食
睇你點演繹既姐
繼續比藉口自己
再繼續上網投訴啦
你係外國就要識用外國既方法玩同保護自己
所有西方國家都講人權講保護兒童婦女勞工
5止係英國大愛呀
但你就唔識保護你小朋友咁囉
攞番d呀媽氣場出黎 佢呀媽都可以對你專重 叫個小朋友being nice n 同你小朋友做朋友
就係你要識呃得下人
係西方國家
客氣同nice只會比人無視
要bitchy 要人地唔知點解你會咁既態度 佢先會對你好同特別care你
當然你要well dressed同英文好
其實有一招㗎，就係唔俾你個女返學，因為local council 係會睇住個出席率，如果出席率唔夠學校好大件事。如果學校同 council 因為出席率不足而聯絡你，
你就大條道理向Council 講我個女受到bully而家怕返學，而家仲去GP排緊counseling.
到時怕個校長受唔住壓力要自殺。所以睇住嚟用唔好去咁盡
唔係淨係教阿女搵老師，係要教佢反抗呀。要大聲嗌stop，踩手呢啲係可以郁手反抗。
如果學校無下文，你要主動追問情況，任何人喺同一間學校都係獨立個體，有無親戚讀都無關係。媽媽試吓主動啲，轉校係解決咗眼前情況，但你要有心理準備，將來一定會再有呢啲情況，淨轉校解決唔到。
媽媽，你試吓send電郵要求學校跟進，甚至可以將信件的收件人寫上校長名字，白紙黑字的話就有記錄，有記錄佢哋就必須要處理。而且直接俾封信校長的話就可以跳過班主任。
自己的話可能會軟弱，但係你睇呢度幾多人support你。小朋友的事情一定要強硬一點。
最好列明事情經過以及時間點
記錄每項發生過的事情響電郵度
英國人都係欺善怕惡。
人善被人欺。
幾個月前我個仔係nursery 都發生同類事件。學校一開始都係諗住大事化小，但因為唔止發生一次，我直接同校長講如果佢哋唔嚴肅跟進，我會採取法律行動。第二日即刻幫我個仔調去第二班，而家個個老師都當佢VIP咁照顧。
身教- show her. Don’t just sit at home and tell her what to do. You go and tell off the boy in front of your girl. You speak to the teacher in front of your girl.
If you don’t fight for her, who will. Show her.
But if you don’t think you can do it, don’t expect your girl can.
Maybe just leave the school
直接同校長report，甚至報警，同埋最好帶你個女去學跆拳。同埋你要搵嗰條仔個家長出嚟，直接同佢家長對質，你自己都咁軟弱怕事，點保護你個女呀！坦白講你要教你個女嘅嘢唔係要忍讓，有時某啲情況其實係要惡過佢先有用。
我見你已經申請咗轉校，希望阿女喺新學校返得開心，媽媽可以放心啦！
每間學校都總有啲曳啲嘅小朋友，如果阿女可以埋到堆，或者點都有一個兩個好朋友可以成日一齊玩，希望少啲機會俾啲曳嘅小朋友搞到
三歲被欺負其實正常，應該說三四歲正是互相欺負的年紀，因為小朋友全都以自我為中心，唔係應該唔應該，只係話哩個係小朋友嘅現實。
所以你應該教你個女點樣唔好俾人蝦，點樣反駁同反擊，自帶氣場。
其實你好難叫香港人面對，因9成9嘅香港人由細到大淨係識被乖同乜柒都驚一餐，跟住傳染俾下一代。沒完沒了，細佬嘅事就由細佬解決，香港人唔會識，淨係諗點投訴，點爭取所謂利己嘅權益。香港人周身金仲好錫身。
你又啱喎，我中學開始喺紐西蘭讀書，細佬小學，我個仔就讀到而家中學喇，其實都冇乜投訴呢回事。有嘅都真係全部都係亞洲家長㗎喇。當然好大單嘢嘅話都有嘅。但係啲細路喺學校嘅事就自己搞掂，啲細路唔會叫阿媽出頭，啲阿媽亦都唔會出頭。🤣
被乖，真係衰過扮慘，乜柒都要迫個細路諗後過，真係有唔妥，細佬會用腦自己解決。將所有問題拋番俾大人，仲慘過陪佢番學。
Bullying is a serious safeguarding allegation. It must be reported to the the designated safeguarding lead immediately. It has nothing to do with other family members in the same school/ trust. It is all about protecting children as no one should experience this at all.
你隻細路係華人就預咗㗎啦，俾人欺凌，幾時10年前，啲細路哥我個讀書已經係咁㗎啦，你估我哋壞人細路留學好過癮呀，只係你移民過去，叫做有父母陪伴就好少少，情感上，但係佢返學都係俾人恰㗎啦
謝謝你話我知，但其實個男仔係淨係蝦d細過佢ge女仔，白人佢都照蝦，所以應該唔關人種事
轉校啦，我個仔都係k1 被欺凌，諗住k2 轉班轉老師，點知仍然繼續。我地k3 轉校，而家諗返起都覺得應該再旱d 轉。小朋友心理有陰影其實佢哋未必知，要佢自'面.對及講返出嚟再硏究有冇野（大夫話，
要好好保護阿女，嗰個男仔似乎覺得阿女好蝦，就繼續一步一步踏底線，今日偷睇佢去廁所，難保聽日會做啲再過分嘅行為，轉校都應該，但for 長遠可能要教阿女反擊 say no, 等呢啲人唔可以咁放肆
係。我一直教緊，佢話佢都其實有say no ,但冇用，佢仲未敢行去搵老師
依家好多SEN 小朋友，nursery 人手又長期不足老師無暇兼顧，個男仔也有可能係，直接report head teacher /deputy manager 啦（如果老師唔處理…）起碼做D嘢，果D小朋友可能要1on1，囡咁細表達到已經好叻！
你小心啲處理個女情緒。我之前見過有一個小朋友一歲幾，又係咁，然後佢一翻學就emotional shut down ，因為唔想面對+學校無人幫佢，搞到封閉情感。後尾要搵心理醫生，建議即刻停學+轉校。
我個仔都係喺幼稚園被欺凌，由最初冇表面傷痕，到短短兩星期內被bully到有表面傷痕！我都不停出emails投訴，到最後同學校講小朋友有psychological impacts 同埋會張老師封emails俾埋校長
會偷睇佢去廁所已經好嚴重啦，唔係一般rough play，真係email俾head teacher寫低每一件事發生嘅日期，再講如果無改善會再escalate上去搵council、ofsted同轉校🫂希望可以早日解決啦
其實英國nursery啲老師唔會點理啲咁細既細路，真係要靠個細路自己還手，我細佬10幾年已經係咁，開頭見佢「淋啲」就蝦佢推佢落地，之後還左手仲同班人friend左
請你拎點勇氣出嚟，做比個女睇！唔係用口叫，用行動示範出嚟！ 轉校可以改變一下個環境，但一日未學會保護自己，一日再會發生。 唔只係你個女，你都係～
除咗樓上其他人嘅建議，你喺local group度出個post，扮問下人有咁嘅事情發生應該點做嚟引起本地人關注，有啲家長真係會向學校查詢，唔好睇少呢啲壓力
我有呀，其他家長都好大反應，叫我搵校長，我都搵左校長，校長最初hea 我，跟住我再嚴肅d佢就話會比個TA 跟住我個女，但最後都係跟左幾日，我就發現冇，又再問個TA , 個TA 話佢有時會去其他班幫手，當時我就搵左另一間學校了，因為知佢地得把口
轉校係必要，因為個校長不作為。但呢件事到底校方有冇話番俾對方家長知？呢樣好重要呀！你需要嘅係對方家長帶小朋友道歉，唔係就咁由校方求其處理，係要對方家長知道，家教出咗問題，bully之外仲有裝女仔去廁所係性騷擾喎。我女小二時有個男同學A放學出嚟同我講，另一個男同學B好核突講咗啲色情嘢(內容唔喺度打出嚟喇)，之後我同A媽咪講，要同班主任講番男同學B講咗啲咁嘅嘢。班主任後來了解完，原來係家長喺屋企睇鹹書個小朋友攞咗嚟睇🤦🏻♀️🤦🏻♀️🤦🏻♀️
😨😨咁都得？其實係校長回覆度，佢聲稱班主任係呢件事上最少約見到佢父母3次，只係我覺得佢地做法冇效果
千祈唔好搵對方家長呀⋯⋯佢哋會指責返你處理不當
要不斷同學校投訴，上堂指明要分開佢哋兩個，唔俾對方接觸到你女，呢個程度學校係做得到。
最好嘅方法係教個女保護自己，惡過個男仔
係英國你個女太溫柔好易俾人恰，唔止男仔會恰，啲女仔恰得仲變態
呢啲問題上到中學仲多
要同老師講阿女有精神困擾佢地先會正視。長遠要教阿女反抗同保護自己，同埋要識朋友。有朋友無咁易俾人蝦，就算有咩事都有人證
繼續投訴直到學校認真處理
不過對bullying咁大件事都無action 嘅學校，轉校是必須的
而家先reception, 幾時得嚟year6
呀女mental health 最緊要
佢地唔覺得係bullying ,可能佢地覺得個男仔只係比較曳，係我放大左件事，如果唔係佢地點會咁
你同個老師講咗兩次，佢話會跟進，你冇follow up ？每一日接佢放學嘅時候都捉住老師要求佢俾一個Action Plan嚟，冇可能會冇回覆。
直接搵左校長，佢地都比左action plan ,但我唔滿意，所以選擇轉校了
學校唔處理咪開名唱衰佢
其他人建議你去ofsted投訴又話怕個表姐讀緊有影響
你咁軟弱，唔怪得個女俾人蝦到上心口都反應唔到啦
正如喺度返工一樣 你唔出聲啲人會繼續
我以前一樣有呢啲情況就投訴會種族歧視
有咁大玩咁大 之後當咗我係VIP 怕左我
請好好保護囡囡，小朋友俾人bully會影響成長，父母應盡早處理，吾可以容忍。父母軟弱會害咗小朋友，真係戥你囡囡慘。
我會叫立即叫校長開會！再唔係就報警！你做人阿媽都多一事不如小一事，做你個女真慘。今次睇去廁所，下次非禮你個女
我冇多一事不如少一事，搵左校長當面講，亦send左email ,校長係email聲稱搵左對方家長，亦同全校老師開會，但係最後出嚟結果仲未係我滿意，所以先轉校，唔係冇投訴到council 就係怕事，我同校長講完後，學校係書面上都做左好多野保護自己
投訴上council 話學校同埋escalate 成件事上ofsted
呢個safeguarding 出左大問題，你唔stand up既話轉左校又發生同樣既事你又逃避？
轉唔到幾多次，其實都應該整頓下呢度啲學校(校長同啲資深老師)。
偷睇去廁所好離譜，是否要報警？
另外，建議你係運動方面從小訓練個女，第日可以學埋拳擊等（認真）
身為家長都竟然咁怕事, 又怕呢樣又怕果樣, 你自己都唔據理力爭幫你個女, 我哋遠在香港既人又點幫你呢
轉校並不是積極解決的方法
如果又被人Bully 又點算？！轉校是權宜之計，小朋友家長都要學識保護自己
在英國 老師處理bully事件都係話幾句，通知下家長就算，仲要對方咁細個，就算中學生都係從輕發落