我想問如果屋企人唔鍾意自己嘅另一半（in this case係男朋友）但自己又非佢不嫁因為佢對自己好好感情亦都好穩定
應唔應該分手 （硬係覺得因為屋企人唔鍾意而分手呢個藉口對另一半好唔公平🫠）
當然前提係另一半冇得罪過佢哋 純粹係佢哋睇唔上佢
（利申唔係當事人 純粹好奇）
e.g. 嫌佢學歷低、待人處事未夠成熟？（不過佢本身家底唔錯，所以經濟能力未必係佢哋主要嘅concern???）
但我覺得呢個世界上冇人係完美/冇人嘅三觀係100%同自己嘅三觀match吧，只要係唔合佢哋嘅眼緣佢哋點都可以搵到藉口雞蛋裏挑骨頭🫠
你要好好調節自己既情緒
因為佢地點都會 借d意講你壞話
對方係係中產 另一邊係住公屋
比人講左10年 話想謀佢地家產
只係無機會😂
當初會好嬲
仲要遇上對方唔會幫你講說話
而家得啖笑就算
我係問緊如果自己屋企人唔鍾意自己嘅另一半
唔係對方屋企人唔鍾意自己😬
問番當事人，男友娶佢定娶佢屋企人！
如果諗緊屋企人唔鍾意對方就分手，基本上佢唔係鍾意個男仔。咁就要分手，唔好累人哋！
其實係 但有啲所謂屋企人好賤 懶係關心但其實係pua緊🥲
又唔係同屋企人拍拖，喺啲屋企人成日強行介入人哋感情，睬佢有味
你本身係男定女..你講嘅男朋友係男定女.唔同組合唔同結果㗎喎
？咩叫男朋友係男定女😵💫 另一半係男朋友所以本身咪係女囉
btw唔係我 我再強調多次 我唔係當事人。
學歷唔可以當飯食，好多大企家都未必高學歷。最緊要你男朋友人品好、對你真心好、個人努力向上、有責任心、有誠信已足夠。就算俾你揾到個有錢、學歷高但完全冇以上幾點都係嘥氣。至於父母家人你可以解釋俾佢哋知，自己嘅路自己行亦會帶眼識人叫佢哋放心。感情呢啲嘢係兩個人嘅事，我個人覺得家人唔應太多意見😊
同條仔搬出去，永遠不見屋企
同條仔去外國，今世不見屋企