📌 我懷疑我男朋友係隱形
共 45 條紀錄
我懷疑我男朋友係隱形富豪
佢每個月都交247會費
但淨係for周圍屙屎
同我一樣😆😆
話說初頭半年係有做運動💪
之後屋企裝修就去左247沖涼
有時候公司大廈廁所無水，就去最近的247解決。
有1次，行街，行到口喝就去左最近247 涼冷氣加飲水😆😆😆🫶🏻🫶🏻🫶🏻
****題外話，自從馬灣有咗247。基本上收工都會去沖涼。如果唔係就成身汗味😆臭死巴士乘客
咁都已經係 原來我都係咁做..
但自問做個女仔嚟講有機會急到賴 同衛生嘅厠所 $500真係幫到我
反而成日費事走來走去，但係佢商場或者公廁出完嚟就會見到俾人抄咗牌俾$400仲on9🙃
好多年前聽過一個健身場sales講，有個做教師嘅癲佬，會係中上環嘅gym room冲涼位度爆石，一被人發現趕走就轉去附近其他gym room 繼續咁做😑
其實佢精打細算，我深夜急屎起上嚟曾經諗過租酒店房屙，最後決定搭的士由銅鑼灣搭過海返屋企，用咗成百幾二百蚊屙篤屎
作為一個經常走圍去做嘢嘅人嚟講，車尾長期擺一套衫，有時食完晏又未夠鐘見客或者做嘢，走去拉兩嘢再沖個涼係幾爽
淨係有唔同嘅點柯屎飲水都已經贏
諗下有時約咗fd 係mk等，有個幾鐘空閒時間，外面又熱，入去涼冷氣都已經夠照。
我以前識得有個朋友 join 247嘅主要原因就係 廁所一定乾淨 天氣熱可以沖涼 可以周圍斟水嘆冷氣😆😆
不如出個自選plan：
屙屎💩 $50
沖涼🚿 + locker 🔐$80
𥄫女👀 $100
健身🏋️♀️ $17
之類，逐樣揀🤭
我覺得勤力健身既先係超級富豪
俾錢去搬搬抬抬
明明可以用夜晚幾個鐘 做搬運兼職 咪一樣搬搬抬抬
又啱喎😆😆我識個肥佬，失業去做惠康通宵更，半年後有腹肌添
我個個月都交247會費，但唔健身，但只要有一次係街個肚唔舒服，衝到上去用廁所，我就覺得抵
247真係好幾次幫我解決肚痛嘅問題🤣
當附近無商場無廁所嘅時候
247真係好好嘅解決方案😂😂
你明唔明好急屎既時候，周圍都搵唔到乾淨廁所，有都無位，247 就係係沙漠中心既一個淡水湖
我以前都係每晚去Physical 齋冲涼洗頭，sanna 都無用過，d 運動機掂都無掂過。
都去足6-7年
呢排好多人去247玩爆旋陀螺 有冷氣 有廁所 有涼沖 唔洗踎公園又熱又餵蚊又怕嘈到人😂
好羨慕睇完戲十二點幾一點商場啲廁所閂晒，我fd可以一句話我去247屙個屎先。。。。
247 主要功能： ⭕️痾屎 ⭕️痾尿 ⭕️斟水 ⭕️hea ⭕️𥄫仔 ❌️𥄫女 ❌️Gym
我終於明fitness club 點解長開長有, 原來有一批淨冲涼的會員😂呢條生意有得諗
今個月淨係去咗兩次247 ，兩次都係去廁所，公廁就喺隔籬，滿滿嘅優越感🥰
講真平時淨係屙屎飲水等人。
個月費都抵返。
仲要有wi-fi ,尿袋又可以借。
247真係好用架，夏天，行到攰有地位hea，隨身帶2包試用裝，又沖涼又屙屎
原來我有同類，我仲以為我有問題
半年冇去過做運動，淨係去過屙屎
其實247一個月幾錢會費㗎？🤣
想知道呢個咁靚嘅廁所究竟值幾多錢
我男朋友都係，每個月都「捐」錢比247，唔屙屎亦唔會用佢啲設備。
我係超級富豪，間中周圍擺下嘢only, 水唔斟、洗手間唔用🙂↕️
如果你平時去開荔長沙灣到油麻地，你會覺得有地方屙屎都幾抵。
屋企用處死式熱水爐，冬天去沖涼，焗埋個桑拿再返屋企係好爽架
識得有個地盤師傅
差唔多 但係佢就係方便 收工，有個地方沖涼
我老公直情唔去，都識有人唔去
應該係好多人都比咗錢，但無去
我十幾年前join C 字頭gym, 成日夏天行到成身汗就入去沖涼，換衫
你以為人地係賣健身會籍送廁所，其實人地係賣廁所會籍送健身
你絕對唔明一個男人係幾咁需要可以周圍安心屙屎嘅地方
返地盤表示247係我臨時架步，可以擺背囊，收工可以沖涼換衫
就算個身有浸奧寶味，都可以同女朋友講，係呀，啱啱去完247
同人講我都join左24/7 = 我都有做gym(就算我好肥）
含金量好高
我女朋友應該係超級富豪
佢唔去 又唔去屙屎 每月都交會費
我老婆physical簽幾年約，淨係一開始同臨完約加埋去過兩次
以前為咗收工方便 訂咗Anytime Fitness攞嚟斟水同埋沖涼
我冇交會費都可以去247屙屎飲水，唔通我又係隱形富豪？
其實247開埋d 地方都唔多方便，識痾屎一定係去商場酒店
屋企壞熱水爐嗰幾日，我勁有衝動畀錢 join 247 去沖涼
https://www.instagram.com/reel/C_43Sg5Suyf/?igsh=MWtzMml4cnJraXRlOA==
有人係方便19區㩒完鈡仔~之後去247冲涼洗去沉澳宝味