我知講出嚟好難信，但我正式宣佈：我要向大快活道歉。🫠
以前成日笑佢係「大廢活」，覺得三大龍頭入面佢係最難食。但唔知係咪換咗 CEO，牙活呢排真係「超水準」發揮。
今日試咗佢新出嗰個「炸豚王飯」，真心嚇親，以快餐店水平嚟講，塊豬扒嘅厚度同鬆脆感完全唔差。（用手機APP叫八折，唔洗$50就食到）
最令我驚訝嘅係牙活嘅餐具乾淨度。大家去開另外兩間龍頭應該明我講咩，啲托盤、筷子、匙羹成日都油淋淋。但牙活呢排啲餐具明顯乾淨好多，攞上手係乾爽嘅，唔會有一層「千年油」喺表面。
相反，另外嗰兩間龍頭真係愈做愈 Hea。其中一間個焗豬同燒味之前確實好咗一陣，點知好景不常，最近去食又伏返晒。焗豬塊肉乾到好似柴皮，飯底完全無炒過；燒味仲衰，啲肉碎到好似食剩咁。
咪話呀叔唔教精你，我身經百戰，而家一腸（睇）個餐牌就知咩料。
拿，大家樂而家最抵食既得一隻，叫上海骨菜飯，有豬扒幾舊，炸到酥，跟涼菜、半隻鹵強同菜飯，先29蚊。
而焗豬呢都要叫得有技巧，唔係乜lan野時候都叫得，你一定要見佢個牌寫成呎長焗豬先叫得，唔係中伏
拿，大家樂唔可以成日加價，所以佢d野食質素同果期既食材來價有關！
如果果期d冰凍豬扒平，佢就會入d大大件成個飯盒咁長，而且有1.748cm厚既豬扒。入左筍野佢地當然唔會放過晒命機會，所以個牌就會寫「成呎長一哥焗豬扒飯」！
如果果期d豬扒來價略貴，佢就會縮lan左成呎長幾隻字，淨係寫「一哥焗豬」！咁你叫時就要心中有數了！
如果果期連一哥兩隻字都冇埋，變成乜lan野鴛鴦焗飯，雞球併豬扒之類咁，就係果期豬扒來貨好貴，佢就整d垃圾出黎頂檔，07年～08年就發生過，一唔小心就中伏！！
不過大家唔駛驚會中伏，其實呢d係有路捉既，果期你上美國芝加哥期貨交易所個網睇豬肉期貨既價，如果巴西豬肉期貨價大跌就係準備有成呎長豬扒既時候了！
屋企樓下那家大快活啲食物係好食既，呢個炸豬扒係香脆(雖然有甩皮啦)…但間店衰漏野，試過叫扒餐無汁…又試過叫佢走沙律醬個阿姐死都唔肯，要我同佢嘈咗兩個字先肯叫廚房出一兜走沙律醬既吉列魚柳…
塊朱扒好實，最邊果塊係炸肥膏 唔係肉，
碗飯 份量好少，就算叫咗多飯 都係呢1碗 唔會俾多啲，
如果想要食 日式朱扒 唔建議食，佢只有外表相似。
大快活愈戰愈勇。
其實03年前大快活仲係小丑頭年代係狗也不屌，後來沙士後大革新rebranding之後呢廿年係不斷進步 。
其實厚豬都出左好耐
食過2間水準都有分別，有間勁出色（但我唔記得邊間）
大家樂我淨係會食炸髀紅豆冰
大快活大家樂美心係一撚樣咁撚柒垃圾！香港三大劣食餐廳！根本就係為咗啲拎杯水坐一日嘅廢老而開！
炸豚王其實間間唔同質素 有食過好脆熱辣辣都有食過又乾又冷嘅 反而生炸豬扒我就覺得附近幾間都好食
呀屌 其餘兩間啲衛生真係咁大鑊？俾大陸人見到實笑到面黃，咁香港仲搞乜撚旅遊業呀
打手template
1. 成日以為間野好差
2. 唔知點解最近去試左，好食到嚇親
3. 踩下同行對手
幾年前有fd做過兩間，
大快活上下限可以差好遠
大家樂穩定啲，但料渣少少上限唔高
大快活個肉醬意粉係穩定輸出，晏晝通常嗌雞髀加細嘅肉醬意粉，聽日試吓你呢個
大快活早餐最穩定，偶然會有驚喜，例如之前印度薄餅令我每周晚上/午餐報道....
另一間美字頭，減量之餘仲加價，啲餐仲要來來去去ABCD餸左右配搭當新款放餐牌
個托盤真心拿渣，間間都油淋淋，係快活好啲架咋，大家樂就唔使講，冇次乾淨
我估不同分店可能會有影響
我去過兩間大快活
啲橙色水杯好油
樓主嗰間係邊？
今日見app有八折去試，真係太多人，所以等咗好耐先有，連塊扒都未隔清啲油
大快話嘅咕嚕肉其實唔錯 以價錢嚟講
早幾年係咕嚕肉關注組成日見人食
睇邊間啦，油塘果間大快活係地獄黎，食過3次，3次都勁污糟同中伏
喺香港我覺得好多百幾蚊餐廳同大快活水平差唔多 所以食大快活算
食兩餸飯好過。。。😂
起碼佢哋價錢合理，質素亦唔係咁差。
大快活 只能去食早餐 吃一些怎樣煮都不會有可能難食的東西
我只想講，個人認為大快活絕對好食過美心同大家樂，完。
以前都出過啦～無咁多人講，5歲姨甥讚揚比沙哆皇更好咬
100分果間燒味有d分店都好ok, 但只限燒味，其他都好唔掂
同KFC 咁， 有分店係有驚喜，但唔同分店落差都幾大下。
大快活好唔好食可能睇分店
相反大家樂就間間都難食😂
間間師傅唔同，有D真係去左大排檔小炒咁，滾架所有野
有試過同一分店水準好飄忽，好鬼sad
(gym 餐)