📌 我自己堅持唔返大陸，
共 91 條紀錄
我自己堅持唔返大陸，但老豆阿媽好鍾意，我就諗不如幫佢哋報啲短線團，有人陪佢哋行下玩下都好，想問大家有冇推薦？唔要搭飛機，唔要長途車（阿媽坐太耐會暈車)，高鐵都可以，最緊要舒服同口啤好。佢哋體力好好，精靈，行山都無問題。感謝 🥹
** 預咗可能有人話，點解一定要返大陸？冇嘅，老人家鍾意，亦都無謂因為我嘅選擇而阻礙佢哋做鍾意嘅事。
見到comment 咁多人閱讀理解fail🙈人哋就係自己唔想去大陸但想孝順想去大陸嘅父母，所以問吓有咩團可以幫佢父母報名
仲要覺得自己買咗靚嘢 😂😂 你話佢俾人呃佢又唔開心
😅🤣 最驚話完佢就嬲豬，第時佢自己搵報團就容易俾人呃
尊重每個人既選擇先係真正既自由，真係唔係個個做到。唔係話對與錯，而係對真正既屋企人唔需要咁苛刻。未去過張家界既可以trytry。
都係呀，始終佢哋嗰代人對中國大陸係有一份好濃厚嘅情意結，最緊要佢哋開心，都無謂改變佢哋任何思想～
張家界而家有條電動天梯，係咪好方便呀？
係呀，佢就係上落好方便所以先推薦你啲屋企人去，個到都玩到1-3日(睇點玩)。算係一個幾宏偉但又唔會太hardcore既點。
好呀！年輕嘅時候就係因為覺得冇腳骨力，所以冇上過去張家界，只係去咗個鳳凰古城，都有少少遺憾，叫父母代我去睇都好 😆 
大航假期幾好，我去過溫泉三日兩夜，帶屋企班老人家去，玩得幾開心
其實佢地去細旅行社 睇下有咩有興趣仲好
可以試下純玩三天團，食下野
去惠東/東莞
仲有千古情 都出名
之後先報高鐵團
反而最緊要 純玩團，唔好貪平99蚊買野團
其實可以喺香港搵定大陸嗰啲當地團，會比喺香港直接報團平好多
我前年同屋企人去雲南6日5夜，三個人包咗團，一架7人車跟一個導遊，包晒酒店同大部分景點門票，人頭2000人仔
有睇啊，超好笑 🤣🤣 所以先問吓大家有冇懶人包，唔想去咗啲中伏嘅
我唔反對返大陸旅行，人各有志啫 😁 咁既然阿爸阿媽鍾意，咪幫佢報吓團返去玩囉 
美x之旅 or x食之旅都ok, 我媽成日跟呢間都話幾好🤣
真正嘅孝順係做到有愛又包容得起彼此的不同
大力讚賞！🥹
😂😂 真正嘅孝順可能係可以完全放下個人嘅執念，陪佢哋一齊返大陸
我爸媽跟過99蚊兩天團，沒有購物，食五餐，酒店ok !不伏！
享樂，你check 吓仲有冇99蚊，不過會有1.5小時介紹其他旅行團！
X航假期／大X假期嗰啲短線團， 如中山／惠州／潮汕， 好多純食玩團
感謝您啊！咁我就搵吓呢個 X航假期 / 大X假期先 😁😁
大x, 美食x旅那些團，有些純吃，純玩，要去蜜蜂場聽下書，酒店四五星，又有自助餐，出張數據卡幾日用10gb那些，用到WhatsApp ，比佢坐車睇下劇，打卡已經好好。
大x假期，得一間，記得去鴨記買數據卡，幫佢插定卡上足子彈。
畀佢哋揀，然後你畀錢😊… 噉樣佢哋就會好享受 ... 至於旅行社，只係揀啲有信譽嘅先
桂林+1，或者茶是/酒是故鄉濃/醇取景地廣西賀州，但我唔知邊個團好，只係知應該有團去呢啲地方。
依家細旅行社好多大陸高鐵團，都係target 老者多，你去睇睇
坐高鐵可以去桂林或者陽朔。 或者直接喺香港包架車去清遠，英德。 一定要揀新的民宿。 我媽咪腳唔好，我都係同佢哋去玩呢啲地方。
但我要跟團啦，因為我唔會上去，幫佢哋報旅行團咋，所以想搵間穩陣嘅，睇吓大家有冇介紹 🙂
唯有去小紅書搵啲團，嗰度會多啲資料。（戴頭盔）唔好鬧我。
一般都係大航,美食之旅,油麻地果幾間
詳情推薦真係可以去門市捉個報團阿姨問問,個個專家上身！
不過自己睇catalogue 對比下d行程啦,老人家去玩真係跟團好
白龍天梯當年我去的時候都有。。但上山後都要行。。而且什麼張家界袁家界的山去了5天行山行了4天。。
現在主力搞內地旅行團嘅旅行團好多，大航假期、美食之旅、美味假期、關鍵旅遊、新怡旅遊、領華等等，大部分都有Facebook專頁，乜線路都有。
其他老牌旅行社都轉型做好多內地團，不論長短線。
不過如果嘥時間去購物點，最好俾貴少少參加純玩團。
🙈🙈 我係從來都唔會睇大陸團嘅旅行社，所以先想上嚟問大家拎懶包
近近地咪廣西同福建高鐵遊
廣西有桂林睇風景，福建去廈門睇土樓同埋鼓浪嶼
有冇好嘅旅行社推薦？🙂 因為我自己唔會去，幫佢哋報團。
大航同食玩？呢兩間應該比較多長者或退休人士，應該會玩得埋，我父母經常會報呢兩間
一嚟老人家未必會捨得，二嚟咁我送個團俾佢哋，佢哋又開心啲呢 🙂
報呢啲團比佢哋玩吓都好㗎 有人湊住佢哋仲要車出車入唔駛煩佢哋都係志在有個地方近近地去住吓靚酒店同埋食瞓hea
樓主堅持唔去大陸嘅話就另外plan下一啲本地旅行或者去吓日本嗰啲陪兩老 製造吓開心嘅回憶都幾好！
😂😂 係啦，都無謂改變佢哋嘅思想，最緊要佢哋開心。咁你有冇邊間推薦啊？
我自己覺得永x好啲
佢哋去過華東/北京/廣東各地*N次 都未試過話有咩唔好 啲嘢食景點都讚
見你父母仲行得下 我諗選擇仲多
永X 🤓 好，搵下先～ 我諗最緊要係冇乜買嘢嘅行程，因為我阿媽係嗰啲好容易落疊嘅團友 😂😂 
永x有分等級 你揀5鑽嘅就冇購物 團費多少少但係都合理 我當outsource 比旅行社同導遊照顧佢哋
我都好驚我嗰2個亂買 試過買珍珠膏返嚟敏感 又試過買2千蚊張被返嚟話對腰好 而家都揀冇購物點比佢哋
老人家鍾意就畀佢哋自己去啦
如果真係要跟埋上去，就唔好出po 話畀人知