我開始覺得係我嘅價值觀有問題，定係呢個社會嘅價值觀有問題？
-
點解講人是非嗰個人 大家唔會討厭佢
但係cap圖比受害者嘅人 大家會覺得佢仆街
反而大家對講是非個人仲會一齊玩好包容佢
而cap圖嗰個人就俾人bully
-
可唔可以搵人解答吓我？
-
有人解答到就Del
因為cap圖破壞圍內互信 係表現緊抗拒嗰個圈子
大罪過講是非 bully你就係為咗保持互信
你成為是非嘅一部份 保持嗰個圈繼續運作到
你冇錯 但係群體就係咁運作
唔關前後事 係呢個動作會比到有啲人你會背叛群體嘅印象 繼而會揀Bully嗰個人 有個共同敵人嘅群體向心先會強
如果你覺得保護道義重要 就注定有啲位埋唔到堆
vice versa 你要埋堆同時都要放低一啲自己嘅價值觀
係多定少 可唔可以接受咁解 把尺喺自己手
以利相交，利盡則散；
以勢相交，勢敗則傾；
以權相交，權失則棄；
以情相交，情斷則傷；
因為呢個社群以講人哋是非又或者係對人哋評頭品足成立。
將評頭品足嘅內容cap比第三者睇就係背叛社團，同時顯示咗你嘅價值觀或者喜惡同佢哋唔同。咁既然唔係同路人嘅話未bully 你，以維繫社團。
因為呢個群體嘅核心價值
就係靠貶低人哋嚟獲取優越感
所以當你cap圖俾喺佢哋對立面嘅人
係佢哋嘅眼中你係背叛咗佢哋
你就唔再係群裏面嘅一份子
純粹個人見解 可能唔係好啱
因為講人是非嗰條友周圍都是八婆lo 八婆都圍埋一齊講人是非自然冇話邊個憎邊個
反而cap圖比人條友會俾班八婆覺得又要聽同講八卦又要報串 正一25仔又虛偽 背叛佢哋 咪俾人bully
嗰世界就係咁 你嘅價值觀冇問題 可能你未適應到住
群體壓力
是非討論，幾多人可以討論出實際情況？
推斷後有幾多會貼近事主狀況？
有幾多位可以將討論當成純粹猜測？
當中涉及上下階級，為面子加把嘴
亦有人認真討論，有人想用自己方式理解
結果是非討論圈子，本來就混沌
Cap圖會成為唯一利益失衡
信任度大減
你同所謂既社會價值觀有出入。
所謂既cap圖所以善意既正義行為vs想保持惡意既正義行為
你善意既力量唔夠大最好既動作係潛伏而唔係自爆
因為要矛頭對外囉，層次底嘅人就會玩小圈子製造焦點搞排擠。