📌 所以professo
共 77 條紀錄
所以professor 整唔見我份功課 佢話我冇交 我冇睇到email 宜家份功課0分 我要返分 叫佢check cctv 冇check 依然唔比分係因為我冇睇email 咁我交左咪冇留意 點解可以推個責任落我度
補充返少少 我同prof溝通態度好好 淨係表達咗自己有交功課 唔希望0分 扣分等方式都接受 我嘅要求淨係唔想0分 我亦有認錯 而我之所以咁唔甘心 因為佢本身個櫃已經講緊係3個prof共用一個 同埋佢只係set咗個Deadline 只要你係deadline之前都可以交 再加上 3個prof共用一個櫃嘅情況下 我覺得我份嘢俾人夾走咗嘅可能性都極大 仲有一種可能就係佢已經改咗我份嘢 我一直都冇返去攞到 但係佢只係將所有人嘅嘢放喺出邊等啲學生出去攞 可能我份嘢俾人拎走咗都唔奇 個prof態度就係唔想理呢件事 我而家一直都淨係同緊leader講 至於唔睇email 我明白我有一定嘅責任 但我並唔覺得呢樣嘢要令到我0分 咁如果真係要咁講 我份嘢係交左 佢收到 咁佢咪唔會send email俾我 我都唔會睇唔到 我係完全接受兩方都退一步 但係佢哋唔肯 最後一次email 已經講咗話就算我而家攞到證據出嚟證明到我有交 都未必會比分
如果你唔介意情面想表示清白 我建議議你講清楚你情況 同佢講直接在辦公時間在submission box 附近報警 佢點都會回應
跟住話唔留底嗰啲 其實我只係asoo year 1 完全冇相關經驗 得呢一科要交hard copy 加上我本身都唔係好留意學校嘅野 我淨係完成咗我要做嘅要交嘅 今次係經驗要check email同留底 但係我都唔會想就咁完
費事拗 我純粹覺得兩方都有一定嘅責任 點解我承擔曬 唔係大家各退一步 因為我係學生 弱勢就需要承擔0分
作為大專教職員，見到你個thread可以講吓我有咩諗法。我只係以你明文講過嘅嘢去判斷，希望幫到你。
如果prof收hard copy而見入面冇，正常都係會覺得學生冇交。同埋有咩原因令你覺得係佢整唔見？就噉睇你個post我睇唔到第三者點解會無條件接受你嘅講法。站在佢角度，如果學生冇充分證據指出自己有交，將心比己，佢有咩原因覺得真係有交？
你嘅情況係理虧，因為prof已經email 咗你。prof 本身係冇必要提人交功課/未交功課。佢大可以見冇你份功課就直接唔通知你而畀0分。佢send email就係想提你，等事情有得處理，係一種善意嚟。如果你冇理據地指控佢整唔見，prof會覺得無奈從而冇動機幫你，對你更冇利。
你可能覺得清楚自己交咗而覺得件事好無理。但呢個視點只有你知道，其他人唔會睇到你嘅視點。如果prof信你嘅一面之詞，基本上即係任何學生喺過deadline後交都可以講個原因去叫prof畀分佢。
冇睇email一定係理虧，但可以商量有咩解決方法。就算向上求助，只係求吓人去酎情。冇理據支持下，呢件事冇乜原因會有人義務幫你。求人幫時語氣就要留意，「表示遺憾」嘅講法求人時就少用為妙。
企硬，上到大學就係要學識點同佢哋fight，呢樣嘢比成績更重要
啱啱已經覆咗個Subject leader 如果佢堅持唔俾分嘅話就會
我試過send email約prof 永世遲覆
驚佢唔睇email用唔同顏色highlight都冇用
約睇present 仲no show 令我差啲畢唔到業😀
最後講大話話記錯時間
但係佢記錯嗰個時間係另一個同學嘅present
即係佢根本冇睇我email
但係平時又唔肯聽office電話
都唔肯俾私人電話
最後我寫投訴信俾晒全部department 大粒
啲大粒竟然打電話嚟同我講話開court 都無用
因為個prof有做研究對學校貢獻好大
所以唔會影響到佢

學校係政府一部分，原則上所有野都可以司法覆核，包括佢沒有比機會你解釋😂😂😂
你無check email
確實無辦法，點都幫唔到你
真係只可以當你無交
因為好地地email問你，你唔回答
就要付出代價
你首先要認你錯晒先
再用最好嘅態度去求人
我認左 都求左 將責任推返俾我唔睇email 我有講扣分處理嗰啲 佢哋企硬 所以我先講要搵上級
好想知樓主邊間，因為以往試過係有人交錯去第度。
btw啲人叫你強硬係間接玩你，因為佢哋冇野好輸，所有cost and consequences 都會係你承擔，佢哋只係㩒個制炸，最後都係你自己衡量會係最好。
我諗如果你好肯定你有交，一邊就睇下佢收唔收多次，一邊就向再高一至兩層既authority，即professor 既上司入手，你同佢拗，cctv又唔可以隨便用(以我所知係當有犯罪果啲先會動用?)，咁唯有就係向高啲既authority埋手。
同埋好想知你有幾多成把握係肯定你有交比呢個professor ，會唔會有啲咩detail記憶點？因為我唔知你間u係咩方式，我果陣有啲係擺個紙箱，有啲就有個人郵箱隊入去etc.
我係好肯定有交的 因為我交完仲msg同frd講個詳細位置喺邊 我個frd有分 同埋個櫃有寫prof名 佢話幫我再睇下有冇我份功課 但係佢都冇同我講究竟有冇 我都唔知佢有冇睇 因為我見佢都唔係咁想理 我份功課宜家係唔見咗 某程度上算可能偷嘢？同埋佢個櫃係3個prof共用 我話會唔會可能比其他prof夾走咗 佢又話乜冇可能 佢係唔想理 我宜家係同leader拗緊 我個prof已經完全消失
就咁睇，可以幾個方向，睇下幫唔到幫到
1. 以懷疑偷竊去切入，將個波拋翻比部門，越高越好，當然唔可以一口咬定邊個偷，你從報案者出發
2. 搵翻共用櫃既其他幾位prof，相信你解釋一次佢哋會幫手睇，如果有得face to face 搵到佢哋，會係最好最有efficiency (mail / message 太多delay,有機唔覆)
3. 事實係，你有交到一個櫃入面，唔會憑空消失，我假設你冇任何仇人，唔會有人咁玩你，咁即係一定喺呢個範圍入面，咁你都無需證明你自己，因為切入位應該係: 經professor先知自己份野冇咗，呢個係事實
你可以比佢哋睇翻過往提交record，如果全部準時甚至早交，仲可以有埋多層既punctuality 既證明，證明事實大機會係意外，或有人為疏忽。
依家咁睇，2一定係最有希望，至少係突破口，如果可以喺其他prof度搵翻或喺個櫃，一切都解決到
整唔見學生功課，理論上自己部門點都要check下，尤其呢種交法本來就唔係完美。
你份功課冇soft copy？再send份俾佢都唔至於0分
佢淨係要求教hard copy soft copy我已經照send左比佢 因為已經派左答案 佢覺得我有機會抄 或者同本身交嗰份答案唔同 唔肯比分
點開資訊，應該有最後修改日期、編輯總時長呢啲，你可以cap圖send俾佢睇證明。或者喺佢面前當面打開俾佢睇🤔
邊間大學？要搞大佢
乜野年代，收功課淨係hardcopy 唔收softcopy 收功課個箱又冇secured
好顯係行政失當
你既留言令我諗起2019年的lihkg, 叫人衝果d
係咪香港人乜野都要政治化？
交左功課果俾人屈冇交0分都唔投訴？
我交功課之前都會喺附近拍video影晒每頁
然後一鏡影埋行去入箱嗰下
無睇email真係死症嚟…
佢真係可以大條道理咁賴落你度，當然你都有權要求check CCTV，但呢樣都未必足以證明你有交到你自己嗰份
不過都好少見lecturer企到咁硬，通常俾做個人情，俾個pass咪算
Cctv 要授權人哋先可以睇, 教學人員冇咁大權力去睇
你冇喺限期前回覆係你有問題 人哋做齊晒野 情理已兼備
上到dean 你都係會輸, 講完
Dean/dept head 只會覺得你好搞笑 同埋搞事
你hard copy係幾時交同點樣交？有冇CCTV影到你教嘅過程。如果你下次交嘅時候，係冇一個簽收嘅機制，就咁入落個箱嗰啲，一定要拍片。你宜家可以做既係走正式appeal程序，同老師嘈係無咩好處，搵個大粒既仲好。
係 同埋前面都用英文覆 但係而家就問題比較嚴重先用返中文
你點交功課？入箱的嗎？去 faculty office 講？
唔好旨意教授了，去 faculty office 搵 admin，功課被偷，請佢地睇 cctv 或者徹查，要求處理吧。
盜竊 / 欺凌，都須調查。
同左個subject leader講要check cctv了 都表明咗如果佢拒絕嘅話就直接搵上級去處理呢件事
報左警先，話懷疑有人偷你份功課，再send email通知dean話你報左警
有無機會可以late drop：（
不過都擔心佢唔批畀你drop
點都0分 佢甚至話 就算我有證據證明到我真係有交 都未必會俾分我囉
佢話個email入邊嘅內容 即係處理冇交到功課嘅事已經過咗期限 所以呢件事應該已經係完咗 跟住就推翻個波落我度 話我唔睇email
無睇email 同懷疑俾人偷野係兩件事。偷野係刑事，無睇email都仲可以同佢嘈，佢俾左幾耐時間要你覆？
5日左右 確實我係冇睇到email嘅 因為嗰科本身都成日有啲唔重要嘅email 同埋我淨係mark低咗要做要交嘅嘢 咁我交咗我就已經冇再留意佢嗰科嘅email 但係我覺得我唔需要因為咁而0分
CCTV通常保留2個星期就會洗走，你要報警就要快啲
但你報之前要諗清楚幾樣野先：
1.CCTV影唔影到drop box?影唔到既佢只係證明到你個幾日有經過個到附近
2. 就算影到，佢最多都係影到你放左啲嘢入去，清晰度未必可以顯示到你放入去既係咩
3. 最好當然係影到有人係drop box抽起左份野出黎。
4. 如果無影到有人係drop box拎野走，而係剩得professor 拎走晒入房，再係無CCTV影到既環境抽起/跌左你份野，咁都叫可以咬實有份文件由你手去左professor到，之後就要逼佢去解釋到底收左份咩同去左邊到
當然上面呢啲全部都係建基於啲警察會認真處理呢個假設，如果佢哋9做或者太遲去拎CCTV咁就無辦法了
本身諗住好小事 之前態度冇話特別強硬 啱啱已經覆咗個subject leader如果唔肯比就直接搵上級
呢啲嘢自己權益千祈唔可以態度軟，因為你唔硬人哋就硬你，個人淋佢就食住你
你個email 有個 send folder 睇吓有冇存檔 或者 send 嗰陣時有無cc / bcc 自己留record?
交hard copy 落collection box 果陣時有冇影相？若果無，下次記得影相返留record.
Trace 返功課document 的deadline 前versions 以至send print 證據？ 保留同朋友講交咗功課對話。你professor 是古人？
有無機會打錯名或者student number 個d
soft copy會唔會有online version 時間show 到你喺ddl 前已經做好？
邊個教授？是否cityu professor dudu?
人地有權你冇😂
唔夠玩架啦
地鐵站個cctv都會壞左公眾冇得睇
呢度係香港you know？