收到詐騙電話號碼
95762522
猜猜我是誰？
一開頭打嚟我冇聽，之後打返去
我：邊位
騙徒：你唔知我係邊個咩？
我：即係邊位？
騙徒：聽日你上一上嚟我辦公室
我：咁你即係邊位？
騙徒：你連你上司叫你上嚟辦公室呢個指令都收唔到啊？
我：咁到底你真係邊位？
騙徒：收線

大家不妨打電話去認親認戚🙏🏻🙏🏻

我收過 佢收左線之後
我即刻打返過去 同佢講 我真係好想知道你係邊個呀 話我知啦
佢又收我線 我再打 打到個電話唔通

你仲同佢講咁耐，下次聽到把聲唔知係邊個同埋內容唔make sense就收線啦，講得太多佢夠source AI你把聲唔知會做d咩....

可能佢想偷你把聲用黎製造ai騙案

我都收到97056810, 我問佢搵邊個問咗幾次佢收咗線。。都係叫我上去寫字樓。。原來係詐騙

都試過有呢種詐騙搵我。但我無理佢。最近有點詐騙自稱某某公司受委托向我追數，講得出地址及我全名，話我十分鐘內唔出現就後果自負。事實上我岩岩係屋企出門口，撞唔到電話裡面嘅詐騙犯。
呢點詐騙係大家小心點 唔好中計。我打去防詐騙熱線，警員呢排收到好多市民舉報，舊年東張有個人舉報過。

有收過 我每日得閒都打翻轉頭 不過無人聽