最後一句嘅承諾，我做到了。
新年時，喺張敬軒畀我嘅援助裡面拎咗少少錢出嚟，喺酒樓擺咗幾圍同班街坊一齊食新年飯。嗰晚大家好開心，見返好多熟悉面孔，知道大家平安都放下心頭大石。
做呢件事之前，我打咗個電話畀HCFC職員，基於尊重我覺得要講返聲我會拎嚟做一個咁樣嘅用途。膽粗粗邀請張生同HCFC一齊嚟參與，想答謝佢哋嘅付出同幫忙，但職員話，大家想低調處理，佢哋幫人唔想攞光環，只要畀我哋嘅支援真係對我哋有幫助就得，嗰一刻我又眼濕濕。
張敬軒同HCFC係第一個在火災後給予我支援嘅「陌生人」，信封裡面裝住嘅雖然係錢，但對我嚟講，其珍貴之處係在於我都忘記處理自己情緒同感受之際，佢哋呢一個舉動令我知道自己冇被人遺忘，仍然會有人喺我最驚慌時支撐住我，當下嘅不安一子就消散。
時至今日，信封裡面嘅錢除咗新年時同一班街坊食飯，我到而家都冇用過，因為對我嚟講嗰啲唔係錢，而係令我有勇氣走下去嘅動力。永遠都唔會忘記喺我最荒亂時，有人給我支撐嘅力量。
錦上添花易雪中送炭難，而一沉百踩更屬常態，喺作為災民嘅日子裡深有體會。世界紛擾，每日大家都要面對好多難題，祝福各位能平安、健康，他日必能再聚，珍重！
新年時，喺張敬軒畀我嘅援助裡面拎咗少少錢出嚟，喺酒樓擺咗幾圍同班街坊一齊食新年飯。嗰晚大家好開心，見返好多熟悉面孔，知道大家平安都放下心頭大石。
做呢件事之前，我打咗個電話畀HCFC職員，基於尊重我覺得要講返聲我會拎嚟做一個咁樣嘅用途。膽粗粗邀請張生同HCFC一齊嚟參與，想答謝佢哋嘅付出同幫忙，但職員話，大家想低調處理，佢哋幫人唔想攞光環，只要畀我哋嘅支援真係對我哋有幫助就得，嗰一刻我又眼濕濕。
張敬軒同HCFC係第一個在火災後給予我支援嘅「陌生人」，信封裡面裝住嘅雖然係錢，但對我嚟講，其珍貴之處係在於我都忘記處理自己情緒同感受之際，佢哋呢一個舉動令我知道自己冇被人遺忘，仍然會有人喺我最驚慌時支撐住我，當下嘅不安一子就消散。
時至今日，信封裡面嘅錢除咗新年時同一班街坊食飯，我到而家都冇用過，因為對我嚟講嗰啲唔係錢，而係令我有勇氣走下去嘅動力。永遠都唔會忘記喺我最荒亂時，有人給我支撐嘅力量。
錦上添花易雪中送炭難，而一沉百踩更屬常態，喺作為災民嘅日子裡深有體會。世界紛擾，每日大家都要面對好多難題，祝福各位能平安、健康，他日必能再聚，珍重！