📌 有冇人曾經俾人bul
共 42 條紀錄
有冇人曾經俾人bully過，想聽吓大家嘅經歷.☘︎ ݁˖
小學小五嗰陣有一位女仔啦，佢就係喺我面前扮好人喺我背後同其他朋友講我壞話之後有一次呢個女仔邀請我去佢屋企玩同事佢都帶咗另一位女仔朋友去咗佢屋企之後我哋好似係傾緊偈我唔記得咗係傾啲咩之後好似同佢有啲衝突嗰陣係喺床上面佢就係咁用腳踢我攻擊我打我之後佢嗰位女仔朋友就喺度扮睇電話，冇嘢咁樣之後我幾乎喺學校班入邊都冇一位朋友冇人同我講嘢每次返學都好驚之後我試過最瘦係37.4 kg 成日鎖住自己喺房度唔想同屋企人溝通試過一個禮拜完全冇食過嘢成日無端端喊去身體檢查姑娘話我身體嚴重缺乏營養姑娘問我有冇一啲唔開心嘅事可以分享跟住我一聽到諗到就已經喊到傻咗其實我有懷疑過我係咪有抑鬱症？之後因為一個老師而令到我升上咗一個好好嘅中學識都好多好朋友
有情緒記得要講出嚟，唔好自己屈屈埋埋呀！唔開心都要記得唔好傷害自己嘅身體！加油(⁎⁍̴̛ᴗ⁍̴̛⁎)💕
之前太細個同人際關係唔好唔識反駁人哋😬依家好返咗㗎啦識咗好多好朋友☺️😚
你講得冇錯，好多欺凌者都以為講兩句冇嘢。完全唔知自己欺凌緊人其實你一兩句已經可以有好大嘅傷害，濕濕碎嘅嘢拼埋一齊就會變得好嚴重，希望所有人諗清楚先好講嘢，唔好傷害到人。(╥﹏╥)
細個嗰時候喺公園玩光劍
有幾個睇起嚟似中三四嘅Mk仔過嚟
搶走我把光劍折斷
我嗰時候跑翻屋企喊住同媽咪講
之後我就對欺凌感到好厭惡
同埋打從心底一世唔做MK
你而家還好嗎？希望佢哋唔好造成你嘅童年陰影(╥﹏╥)💕
2009年,我那時只有9歲（讀P.3）,當初有一個女仔接近我,超級關心我,但佢係扮嘢,後來借我文具唔肯還返俾我,反而仲要同人講我搶/偷佢嘅文具,結果老師冇查證,我被罰好重又唔敢出聲。後來個女仔越來越過份,如果唔聽佢嘅話去做就會打我,到後尾行為升級,有一次佢喺樓梯將我推咗落去...
可能因為事情太深刻/恐懼過度,從13y開始,懷疑腦袋開啟咗防禦機制,暫時將呢件事封鎖咗。
直到16y嗰陣,因為我嘅心理壓力太大,情緒爆發,接著幾年我就被情緒病困擾/折磨,搵唔到導火線。到18y嗰陣我d回憶忽然返咗黎,腦海仲成日閃回,見到一個「黑影」,令我超級驚恐。我21y喺YouTube上面分享欺凌事件出嚟,點知分享完之後我d心理問題突然好咗好多,最後先至明白引起情緒病嘅導火線,原來係小時候俾人欺凌引致。
欺凌實在太恐怖，根本欺凌者都唔知會對人造成咩傷害。你而家好返啲實在太好了！加油堅持落去
(˶˃ ᵕ ˂˶) .ᐟ.ᐟ
唔知呢個算唔算⋯
讀書時有段時間大概荷爾蒙失調生到滿面暗瘡，我嗰年就一直被人叫「阿梅」（少林足球裡的），班上有好多人都唔太敢接近我，特別係男生。有次體育堂測試跑步，跑到一半我頭暈痞咗係度，當時我後面其實有班男同學踢波，但無人走過來問我咩事，其他人都好似睇唔到咁，因為我痞咗好一陣先有人過嚟扶我。
只要佢哋改你花名，你唔鍾意佢哋就算係欺凌。
希望你可以多啲俾人關心，同埋每日都要開開心心(´･ω･`)
小一有個男仔成日嫌我排隊行行得慢 不斷推我
同埋有另一個女仔成年都踩鳩我屌鳩我
中一就有個高大嘅男仔可能睇中我內向 有一段時期成日搞我
好慘，記得唔好再俾人恰啦。睇適當嘅時候可以玩手㗎ʕ •ᴥ•ʔ💕
09年讀緊中三，女校嚟，俾成班孤立，帶頭bully嘅得幾個，但連我識嘅某幾個都唔知點解唔理我，有啲會理我嘅不過令我好心寒，搞到好似要可憐我咁。所以分組都成日入唔到組，試過一次我突然間爆煲咁係堂上突然間喊
啲人仲會上上下堂係你個位下面倒垃圾。
班人上堂仲會因為個阿sir嗌佢哋搵一個人答問題，個個就突登叫我（不過嗰年數學拎咗A真係多L謝班人）
喺你個位就倒垃圾真係好過分，你要唔要試吓反抗或者同老師講？千祈唔好忍住呀！佢哋會越做越過分(╥﹏╥)💕加油啊‼️
同個班主任講過啦，佢仲要覺得好似我唔好亂咁點人咁，耶撚嚟架個Missy，只係識話我唔合群😒叫我見學校社工。
而家睇見好多教會學校為咗校風會撳低件事嘅新聞，都覺得心寒
黐線，老師有冇企喺受害者嘅角度睇過！乜嘢叫做唔合群？我覺得你可以報東張🤣加油！我相信你可以諗到方法解決㗎💕
15年前喇～而家都30歲🙈🤣當年都用咗幾年先move on到
如果當年已經有東張，我諗我都會報上去，因為學校唔理，屋企人都冇打算理，加上嗰時我爸同我媽已經關係差，搞到我好似孤立無援咁🫠
小學時，落街玩四驅車
因為家貧，難得老豆俾錢我買充電池連埋新摩打，但唔夠錢買充電器
小學同學話幫我充電，而且佢阿哥識改摩打，俾埋佢搞第二日可以俾我
然後我俾佢之後，第二日佢扮冇咁嘅事，我追佢攞，佢就搵其他人圍毆我，我唔敢同屋企人講比人呃，60幾蚊對我黎講真係好多，同埋覺得自己對唔住老竇
中一時，係肥仔
開學第一星期已經被改花名，打入怪人圈
早會完畢，排隊上課室時，書包被吐食過嘅糖，倒垃圾，講咩都俾人笑
中二時，搭巴士時被車上三個女仔恥笑
只係因為身上有啲特徵
話我係陰陽眼，又話我會怪人
我記得我同佢哋同站，佢哋落車我又落車
然後佢哋話怪物追佢哋
呢啲經歷，嗰陣時一直都冇同人講
直到三年後轉校，成個環境唔同晒
但就發現被搞到個人自卑、唔敢對人，又怕女性，對人會先築牆，好易起鋼之類
隨着長大，慢慢先修正返性格
辛苦你細個經歷咗一啲咁嘅嘢，可能喺欺凌嘅角度佢哋覺得講幾句冇嘢，但係其實已經好傷人。佢哋仲要有實質性行動。辛苦晒 (˚ ˃̣̣̥⌓˂̣̣̥ )
其實好影響長大
有時自己冇為意，但呢啲陰影會暗地裏影響自己嘅行為，當自己發現時，要改正就要好長時間同心機，但有啲唔係話改就改到
所以我真係好憎欺凌
韓國叫得霸凌就梗係權力結構體系衍生出嚟啦 但香港地都有間超級商業機構一見到韓國塊肉就不擇手段 有個俾總經理睇好既導師係十二年證書未出就教左十年唱歌
啫係咁講 呢間野師資參差就梗 但原來教學初歌&淘寶證書都有 我諗佢哋俾老細睇好都係啲商業操作 至於關霸凌咩事咪又係娛樂圈常態 看到朴春發文說當年怎樣被搾壓 我都想起一些另類健身美容經營模式
梗係有心🤣你唔係講緊欺凌咩，果陣我比佢地搞左成個學期呀
就算你性格有問題，佢哋bully 你都唔啱
⸜(｡˃ ᵕ ˂ )⸝♡
係咁嘅
細個我畀工人姐姐湊大 雖然屋企窮但係屋企人全部都好就我 甚至係縱我 養成我細個好容易發脾氣同埋死都要「做大佬」嘅性格 一齊玩嘅人一唔聽我支笛我就會發脾氣喊 久而久之係低小嘅時候我係畀人孤立同唾棄 存在感幾乎係零 我講一句說話啲人就會掉頭走 性格差成績又唔好小學頭三年幾乎係冇朋友
直到小五 我開始學識放下身段改變咗自己性格 成績都越嚟越好甚至係級頭五 因此識多咗好多朋友 本來諗住之後都會開心到畢業 點知今次係因為我成績好 而比一堆心機女陷害老屈我 佢哋得到一個偏幫女仔嘅西miss歡心 夾埋一齊槍頭指住我一個無辜嘅人
捱到畢業 我成為我間野雞小學第一個入到傳統名男校嘅人 直到中學我先至feel到乜嘢係真正嘅死黨同老best 不過之後融入咗佢哋嘅圈子 我就變成咗我細個最討厭嘅 開怪人玩笑嘅果類人。
就算你細個係點都好你知道你有問題，你識得改。我覺得你做得好好aaa‼️識多咗朋友係你應得嘅(*≧ω≦)就算你以前係點你改咗就係改咗，佢哋都唔可以咁樣屈你㗎嘛！所以你冇做錯！抵你而家有班好朋友‼️ ৻( •̀ ᗜ •́ ৻)
細個帶錢返學校唔記得交啲乜費
然後俾啲同學圍咗去小食部叫我買嘢飲俾佢哋
然後我又買咗……
跟住返屋企就俾呀爸呀媽鬧我點解會唔見咁多錢
慘慘豬，如果唔鍾意記得反抗啊！如果唔係佢哋只會覺得你好恰(╥﹏╥)加油baaa💕
有，一言難盡！有排講一本書咁長
我…細個屋企好窮，成日俾人bully,因為少少靚成日俾人打話我發姣溝晒d仔，事實我都冇拍過拖！又比人笑我身材好！又乜又物！好煩搞到自己好唔想返學。
但冇老豆所以好努力讀書！
屋企又當我發脾氣工具，日日夜夜無端端比人打閙
拍咗一次拖就結婚，又俾人搞老公！仲要幾次。真有眼無珠！搞到個人已經好唔開心。
然後排期離婚識咗個追蹤狂魔先變態！因為我唔肯接受佢！佢自己又送嘢又乜又物，我真係冇感覺無法接受佢。唉！
狂魔喺當時IG無法解釋嘅年代
抹黑我係貪錢雞！個個見到都信十足😭
我當時都認識很多唔同階層嘅朋友，咁就玩完，我一直都冇解釋，直至到幾年之後就有抑鬱症。佢搞我學業工作朋友家人
我啲錢佢都搵人搞冇埋
一玩就玩我十幾年！男嘅以為我係雞就過嚟非禮強姦都有！
女嘅以為我係雞小三就唔同我做朋友！仲將我個面拉落嚟變老。
而家俾佢搞到乜嘢都冇晒😭喺我嘅身邊出現的全部都係惡意。咁多年來一直都冇好過！當中嘅細節都唔知點樣形容出嚟…。
黐線嘅簡直癲佬！恐怖過陳同街！
我啲朋友又全部都信嗰吓先恐怖。仲要同佢一齊夾埋玩我
其實都唔想再提,
不過一直比佢哋玩覺得好辛苦!
而家都唔想做人
有 中學嘅時候比人bully過
中一嘅時候同佢哋好frd乜都同佢哋講
之後中二嘅時候做咗mk妺
佢哋就開始bully我 話我好污糟
叫人唔好同我玩 會無端端比人踢一腳
會將我個飯袋抌落回收箱
甚至有一段時間我係返唔到學
一上到課室就會諗起佢哋點樣bully我 之後就想喊
仲搞到情緒有啲問題 要去睇心理醫生
後尾而家轉左vtc開心好多
諗返起都覺得係一段經歷 多謝佢哋俾咗一個成長嘅機會我😌
利申：而家已經唔再係MK妹 諗返起都覺得柒
只係讀唔到傳統中學先轉vtc🥲