朝早出門口嗰陣，樓下清潔姨姨問我「去返工呀？」
我話「係呀。」
其實我只係去麥當勞食早餐。
食完早餐返去又見到佢，佢竟然問我「收工啦？」我又話「係呀。」
好鍾意人與人之間嘅相處。
試過成日星期日撞到隔離屋婆婆 早午晚撞到佢佢都問我係咪去返工😹
之前我大學畢業返咗工已經幾年，我隔離屋個姨姨都仲覺得我讀緊書，
問我：「返學呀？」
我：「唔係呀，返工喇」
隔一排見到我又問：「返學呀？」
我答：「係呀🤣」 費事解釋🤣
明明佢個仔細我幾年但都已經做緊嘢😆
呢個情況好似我鄰居 朝早間中搭lift會撞到，每次都問我係咪做sales 我答左好幾次返文職之後佢仲係問同一句 後來我求其答佢係呀就算🤣
有次踢拖、著睡衣，下晝先出門口落樓買嘢，無梳頭，柒到祈求唔好見到人，等𨋢見到鄰居，又係問「返工呀？」
我屋企樓下看更見到我着住義工制服，又係問:「返工啊？」做完義工返嚟:「放工啦？」只回答:「係呀！」😂
遇過嘅清潔工，絕大部份都係好簡單嘅人，待人熱誠，有禮（雖然有些衰人會視他們是社會最低層嘅人，亦有狗眼看人低的垃圾）🫡
If this is communication. I say great.
得喎！有個識得但唔熟嘅阿叔，次次見到我都要叫住我問返工呀？
一於以後一律答係係係😎
我太真心每次都誠實答佢返工or出街
有得玩落去喎咁 應該隔幾分鐘你再出門口 佢實會再問你係唔係去返工 你就知道 一直以為自己係敷衍緊佢嗰個 而事實係佢敷衍緊你至真 薑都係老嘅辣😏
我仔升左小一喇，送番學時隔離阿姨問佢係咪讀緊K3， 我話係呀😂
有無睇過The Truman Show
其實佢地都係受邀嘅演員
你由一出世就已經參與緊一個人生嘅實驗
返9-5 返工放工都見到同一個看更 忍唔住問佢就收工未🥲