朝早翻工時間 搭地鐵 有個幼稚園細佬坐隔離，
拎住本故事書 讀比佢媽媽聽
BB奶音太可愛既關係 我都聽埋一份🥹
讀完之後 佢叫媽媽幫佢簽個名 係閱讀圖書功課
我以為咁就完啦 點知 佢地開始望隔離既人…然後媽媽就鼓勵佢 你試下問哥哥姐姐啦
原來佢要再搵多個人讀比佢聽 幫佢簽名🥹
佢問 隔離個女人 比人拒絕左一次…
然後再擰左過黎望我 我就知道 係我啦 我唔可以拒絕佢
👦🏻: 哥哥 請問我可唔可以同你講一個故事啊？
🥹: 緊係可以啦
然後我就好認真咁聽佢讀每一粒字 再幫佢簽名 然後讚佢做得好好
You make my day🥰！
感覺到👦🏻比較文靜 講野都細細聲 小心翼翼 佢比人拒絕左一次之後 同媽媽對望 好唔知點算既樣🥹
媽媽都叫佢繼續嘗試 佢靜左幾秒再鼓起勇氣開口。。。見到依個場景既我 就覺得一定要挺身而出了🤣
「我就知道 係我啦」
好正👏🏻睇得出你好期待
第一次聽「奶音」，通常叫「BB音」？
好多謝大家肯聽陌生小朋友讀書！
以前我仔幼稚園都有呢份功課，讀足三年，我仔好怕羞，我就用呢份功課鼓勵佢同陌生人開口講嘢。明白其他人唔係必然幫我哋，所以好感激好似樓主咁善良嘅街坊，聽完仲係咁讚賞小朋友，俾佢信心！好好人！多謝！
如果係我會同個小朋友講，頭先你讀俾你媽咪聽嗰陣我聽咗，唔使再讀，我幫你簽啦
你無嫌個小朋友阻你休息，仲咁正面欣賞佢，好鼓勵到個小朋友step out of comfort zone！祝你好人有好報，日日搭車有位坐。
你呢個post都make my day!
Appreciated 🥰
我上司個仔有份功課係要每日同人打招呼
然後佢老豆（即我上司）叫佢個仔係個 WhatsApp 講：各位心地好既靚女姐姐靚仔哥哥早晨呀
然後佢老豆 （我地上司）就遞張記錄表出嚟我地全 team 逐個幫手簽 XD
👏👏開心
另外，唔好意思，我想話…
you made my day
比較恰當
因為這不是持續會發生的事件，兩者意思有少少唔同😀
阿女幼稚園都有呢個好好嘅活動然後每次都係媽咪聽一次爸爸聽一次家姐聽一次嫲嫲聽一次爺爺聽一次 😆 再番學校讀俾其他家長聽
依家幼稚園要做呢D功課，揾個唔識既人聽自己講故事，然後簽名，WTF
睇Threads睇係要睇呢啲😍❤️
欣賞你搭車係留意身邊既事
唔係聽歌玩電話😂
如果依d case我太主動叫佢同我講故仔我驚佢啊媽以為我怪姨姨😂😂，我都好想聽呀😂😂😂
我懷疑係策略黎架，其實成日都要搵咁多人簽係好難，小朋友返學時間以外黎黎去去都係見果幾個人🤣
我姪仔女細個時成日讀俾我聲，好懷念d 「奶音」🤣🤣。
我試過星期日行過教會門口有班小朋友問可唔可以聽佢背一次十誡然後幫佢哋簽名？解釋話呢個係遊戲每月一次既隊際挑戰賽，佢哋好純真又好有禮貌，當然可以啦！
我仔女讀幼稚園嗰時都有呢樣嘢，每個禮拜要讀俾十幾個人聽先簽得晒夠數，但我地都係超級i人屋企又唔多成日見嘅親戚，所以…全部簽名都係「媽咪」「爸爸」「mami」「daddy」…簽咗幾次之後，索性放棄，淨係讀俾爸爸媽媽聽簽兩個就算（所以無得攞閱讀襟章）😅
好鬼可愛 你又真係好有心聽!對小朋友嚟講一定好鼓舞😁
呢個阿媽唔合格，畀個仔返學搭車個陣先做功課嘅。 😆😆😆
Urghhhhh so cute 🥺🥺🥺🥺 點解我冇呢啲機會
我仔都幼稚園都有呢份功課，覺得好玩，又train到小朋友唔怕醜，教佢地主動啲，好好呀！